കാശ്മീരി ശിക്കാര യാത്ര ഇനി മൂന്നാറിൽ ആസ്വദിക്കാം, യാത്ര ഇനി വേറെ ലെവൽ

കുണ്ടള ഡാം

മൂന്നാർ-ടോപ് സ്റ്റേഷൻ റൂട്ടിൽ നിർബന്ധമായും കണ്ടിരിക്കേണ്ട സ്ഥലമാണ് കുണ്ടള ഡാം. ദേവികുളം പഞ്ചായത്തിന്‍റെ ഭാഗമായി സ്ഥിതി ചെയ്യുന്ന ഇവിടം മൂന്നാറിൽ നിന്നും വെറുതേയൊരു യാത്ര പോകുവാന്‍ ആഗ്രഹിക്കുന്നവർക്കു ചെയ്യുവാൻ പറ്റിയ സ്ഥലമാണ്. കുണ്ടള ആർച്ച് ഡാം എന്നും സേതു പാർവ്വതി പുരം ഡാം എന്നും ഇതിനു പേരുണ്ട്. ഏഷ്യയിലെ ആദ്യത്തെ ആർച്ച് ഡാം കൂടിയാണ് കുണ്ടള ഡാം.

PC:Cegramprasad

സേതു പാർവ്വതി ഡാം

കുണ്ടള ഡാം എന്തുകൊണ്ട് സേതു പാർവ്വതി ഡാം എന്നറിയപ്പെടുന്നു എന്നത് ഇതിൻരെ ചരിത്രത്തിലേക്കുള്ള ഒരു കഥയാണ്. 1746 ൽ നിർമ്മാണം പൂർത്തിയാക്കിയ ഈ ഡാമിന്റെ ശിലാസ്ഥാപനം നടത്തിയത് അന്നത്തെ തമ്പുരാട്ടി ആയിരുന്ന സേതു പാർവ്വതിഭായി
ആയിരുന്നുവത്രെ. അങ്ങനെയാണ് റാണിയുടെ ബഹുമാനാർത്ഥമാണ് ഇതിനെ സേതു പാർവ്വതി ഡാം എന്നു വിളിക്കുന്നത്. പള്ളിവാസൽ ജലവൈദ്യുത പദ്ധതിയുടെ ഭാഗമായി 1946-ൽ നിർമ്മിച്ച ഇത് 259 മീറ്റർ നീളവും 47 മീറ്റർ ഉയരവുമുള്ളതാണ്. മൊത്തം 2.5 ചതുരശ്ര കിലോമീറ്റർ വിസ്തൃതിയുള്ള അണക്കെട്ടിന് 5 സ്പിൽവേ ഷട്ടറുകളുണ്ട്.

PC:Ranjithsiji

ഡാം വരുന്നതിനു മുൻപ്

കുണ്ടള ഡാം വരുന്നതിനു മുൻപ് ഇവിടം ചെണ്ടുവരെ എസ്റ്റേറ്റിലെ തൊഴിലാളികളുടെ മാർക്കറ്റും താമസസൗകര്യങ്ങളും ഒക്കെ ചേരുന്ന സ്ഥലമായിരുന്നുവത്രെ. പിന്നീട് ഡാം വന്നപ്പോൾ അതെല്ലാം വെള്ളത്തിലായി എന്നാണ് പറയപ്പെടുന്നത്. ഡാം തുറന്നുവിടുമ്പോൾ അന്നത്തെ ബാക്കിയായ കുറച്ചു കാഴ്ചകൾ കാണാൻ കഴിഞ്ഞേക്കാം.

PC:Liji Jinaraj

ചെറിപ്പൂക്കളും പച്ചപ്പും

പച്ചപ്പിനു നടുവിലായുളള ജലാശവവും അതിന്റെ കാഴ്ചകളും വെള്ളത്തിലുള്ള അതിന്‍റെ പ്രതിഫലനവും എല്ലാം ഇവിടുത്തെ കാഴ്ചയാണ്. സമുദ്രനിരപ്പിൽ നിന്നും 1700 മീറ്റർ ഉയരത്തിൽ സ്ഥിതി ചെയ്യുന്ന ഇവിടെ വർഷത്തിൽ രണ്ടു പ്രാവശ്യം ചെറിമരങ്ങൾ പൂക്കാറുണ്ട്. 12 വർഷത്തിലൊരിക്കൽ മൂന്നാറിൽ പൂക്കുന്ന നീലക്കുറിഞ്ഞി ഇതിന്റെ ചില പരിസര പ്രദേശങ്ങളിലും പൂക്കാറുണ്ടത്രെ.

PC:Vivek Kumar/Unsplash

തിരക്കുകളില്ലാത്ത കുണ്ടള

മൂന്നാറിലെ ഏറ്റവും തിരക്കു കുറഞ്ഞ, ആളും ബഹളവും താരതമ്യേന കുറവുള്ള ലക്ഷ്യസ്ഥാനമാണിത്. മാട്ടുപ്പെട്ടി കണ്ട് അവിടെ നിന്നും അടുത്ത റൂട്ടിലേക്ക് പോകുന്ന വിധത്തിലാണ് മിക്കവരും യാത്ര ക്രമീകരിക്കുക.

PC:RanjithSiji

കാശ്മീരി ശിക്കാരകൾ

കുണ്ടള ലേക്ക് ബോട്ടിങ്
കുണ്ടള അണക്കെട്ട് കാണുവാനെത്തുന്ന സഞ്ചാരികളുടെ ഏറ്റവും പ്രധാന ആകര്‍ഷണം ഇവിടുത്തെ ബോട്ടിങ് ആണ്. പെഡൽ ബോട്ടിങ്, റോ ബോട്ട്, കുട്ടവഞ്ചികൾ, മുളംചങ്ങാടം, കയാക്ക് തുടങ്ങി മാർഗ്ഗങ്ങൾ ഉണ്ടെങ്കിലും കാശ്മീരി ശിക്കാരയിൽ ഉള്ള ബോട്ടിങ് ആണ് സഞ്ചാരികളുടെ മനം കവരുന്നത്. ദാൽ തടാകത്തിൽ കാണുന്ന രീതിയിലുള്ള ശിക്കാരയിൽ അണക്കെട്ടിലെ തടാകത്തിലൂടെ കറങ്ങുവാനുള്ള അവസരമാണിത്.
അരമണിക്കൂര്‍ നേരം കുണ്ടളയിൽ കാശ്മീരി ശിക്കാരയിൽ യാത്ര ചെയ്യുന്നതിന് രണ്ടു പേർക്ക് 600 രൂപയാണ് നിരക്ക്. ഇതിനൊപ്പം തുഴയുന്ന ഒരാളുടെ സേവനവും ഉണ്ടായിരിക്കും.

PC:https://www.keralahydeltourism.com/

മൂന്നാർ-കുണ്ടള ഡാം യാത്ര

മൂന്നാറിലെ ഏറ്റവും മനോഹര റൂട്ടുകളിൽ ഒന്നായ ടോപ് സ്റ്റേഷനിലേക്കുള്ള വഴിയിൽ 25 കിലോമീറ്റർ സഞ്ചരിച്ചാൽ കുണ്ടള ഡാമിലെത്താം. മാട്ടുപെട്ടി കഴിഞ്ഞാണ് കുണ്ടളയിലേക്കെത്തുന്നത്.