പച്ചപ്പും നൂല്‍മഴയുമായി മതേരാന്‍ ഒരുങ്ങി!!സഞ്ചാരികള്‍ക്ക് സ്വാഗതം!!

സഞ്ചാരികളെ കാത്ത്

ആറു മാസത്തിലധികം നീണ്ട അടച്ചിടല്‍ മതേരാന്‍റെ കാഴ്ചകളെ ആകെ മാറ്റിയിരുന്നു. സീസണും സമയവും നോക്കാതെ തിരക്കുകളില്‍ നിന്നും രക്ഷപെടുവാന്‍ മുംബൈ, പൂനെ നിവാസികള്‍ തിരഞ്ഞെടുത്തിരുന്ന മതേരാന്‍ കാഴ്ചകളില്‍ ആകെ മാറിയിരുന്നു. വിലക്കുകള്‍ നീങ്ങി തുടങ്ങിയതോടെ ഇവിടേക്ക് വീണ്ടും സഞ്ചാരികള്‍ എത്തിച്ചേരുവാന്‍ തുടങ്ങിയിട്ടുണ്ട്. മഹാരാഷ്ട്രയിലെ റായ്ഗഡ് ജില്ലയിലാണ് മഥേരാനുള്ളത്.

PC:Jineshpanchal

ശ്രദ്ധിക്കാന്‍

സഞ്ചാരികള്‍ക്കായി തുറന്നുവെങ്കിലും കൊവിഡ് നിയന്ത്രണങ്ങള്‍ പാലിക്കുക എന്നതും ആവശ്യമായ മുന്‍കരുതലുകള്‍ സ്വീകരിക്കുക എന്നതും ഓരോ യാത്രക്കാരന്‍റെയും ഉത്തരവാദിത്വമാണ്. നിലവിലെ സാഹചര്യത്തില്‍ ഇവിടെ ഭക്ഷണ ശാലകളില്‍ ഇരുന്ന് ഭക്ഷണം കഴിക്കുന്നതിന് കടുത്ത നിയന്ത്രണങ്ങളുണ്ട്. എന്നാല്‍ ഹോട്ടലുകളും റിസോര്‍ട്ടുകളും വഴിയോര കച്ചവടങ്ങളുമെല്ലാം പഴയപോലെ സജീവമായിട്ടുണ്ട്.
PC:Anilda

നെറുകയിലെ കാട്

പലപ്പോഴും സഞ്ചാരികള്‍ ആലോചിച്ച് അര്‍ത്ഥം കണ്ടെത്തുവാന്‍ ശ്രമിക്കുന്ന സ്ഥലപ്പേരുകളിലൊന്നാണ് മഥേരാന്‍. മാഥേരാന്‍ എന്നാല്‍ ഫോറസ്റ്റ് ഓണ്‍ ദ ഫോര്‍ഹെഡ് എന്നാണത്രെ അര്‍ഥം. അതായത് പര്‍വ്വതങ്ങളുടെ അല്ലെങ്കില്‍ മലയുടെ മുകളില്‍ സ്ഥിതി ചെയ്യുന്ന കാടുകള്‍.
നെറുകയിലെ കാട് എന്നും മതേരാനെ വിശേഷിപ്പിക്കാറുണ്ട്. പശ്ചിമ ഘട്ടത്തില്‍ സമുദ്ര നിരപ്പില്‍ നിന്നും 800 മീറ്ററ്‍ അഥവാ 2,625 അടി ഉയരത്തിലാണ് ഈ പ്രദേശം സ്ഥിതി ചെയ്യുന്നത്.

PC:Jineshpanchal

ബ്രിട്ടീഷുകാര്‍ കണ്ടെത്തുന്നു

ഇന്ത്യയിലെ പല ശീതകാല വിനോദ സഞ്ചാര കേന്ദ്രങ്ങളെയും പോലെ മതേരനെ ഇന്നു കാണുന്ന രീതിയില്‍ പ്രസിദ്ധമാക്കിയതും വികസിപ്പിച്ചു കൊണ്ടുവന്നതും ബ്രിട്ടീഷുകാരാണ്. 1850 മേയ് മാസത്തിലാണ് അക്കാലത്തെ താനെ കളക്ടറായിരുന്ന ഹ്യൂ പോയിന്റ്സ് മാലറ്റ്മഥേരാന്റെ അനന്തസാധ്യതകള്‍ തിരിച്ചറിയുന്നത്. ഭാവിയിലെ വിനോദ സഞ്ചാര കേന്ദ്രമായി മതേരാനെ മാറ്റിയെടുക്കുവാനുള്ള പലവിധ പ്രവര്‍ത്തനങ്ങള്‍ക്ക് അക്കാലത്തു തന്നെ തുടക്കമായിരുന്നു. ബ്രിട്ടീഷുകാര്‍ ചൂടില്‍ നിന്നും രക്ഷപെടുന്നതിനായുള്ള ഒരു കേന്ദ്രമായാണ് മതേരാനെ കണ്ടുപോന്നത്. .അന്നത്തെ ബോംബെ ഗവര്‍ണര്‍ ആയിരുന്ന ലോര്‍ഡ് എല്‍ഫിന്‍സ്റ്റണ്‍ ആണ് ഈ സ്ഥലത്തെ ഒരു വിനോദസഞ്ചാര കേന്ദ്രമാക്കി മാറ്റാനുള്ള പദ്ധതികള്‍ തയ്യാറാക്കിയത്.
PC:Shubham848

നിത്യഹരിതം...അതിമനോഹരം

എത്ര പറഞ്ഞാലും പറഞ്ഞു തീര്‍ക്കുവാന്‍ സാധിക്കാത്ത ഒരു അഭൗമീകമായ ഭംഗി ഈ സ്ഥലത്തിനുണ്ട്. പച്ചപ്പു നിറഞ്ഞു നില്‍ക്കുന്ന നിത്യഹരിത വനങ്ങളും കാട്ടരുവികളും വെള്ളച്ചാട്ടവും ആണ് ഈ നാടിന്‍റെ കരുത്തും സൗന്ദര്യവും. . വാഹനങ്ങളുടെയും സഞ്ചാരികളുടെയും ബഹളങ്ങളും മറ്റും ഇല്ലാതെ പോയി കണ്ട് ആസ്വദിച്ച് വരുവാൻ സാധിക്കുന്ന ഇടമായതിനാല്‍ എന്നും നതേരാന്‍ സ‍ഞ്ചാരികള്‍ക്ക് പ്രിയപ്പെട്ടതാണ്.
PC:Virendra Harmalkar

മഴക്കാലമല്ലേ!!

എപ്പോള്‍ കാണുവാന്‍ പോയാലും നൂറില്‍ നൂറു മാര്‍ക്കും കൊടുക്കുവാന്‍ കഴിയുന്ന ഭംഗി മതേരാനുണ്ട്. പച്ചപ്പും വെള്ളച്ചാട്ടങ്ങളും കൊണ്ട് വര്‍ഷത്തില്‍ ഇവിടം എല്ലായ്പ്പോഴും അനുഗ്രഹീതമാണ്. എന്നാല്‍ മഥേരാനെ അതിന്‍റെ ഏറ്റവും മികച്ച രീതിയില്‍ ആസ്വദിക്കണമെങ്കില്‍ മഴക്കാലത്തു തന്നെ ഇവിടെ എത്തണം. മഴക്കാലത്തു മാത്രം ജീവന്‍ വയ്ക്കുന്ന നിരവധി വെള്ളച്ചാട്ടങ്ങള്‍ ഇവിടെയുണ്ട്. അതുകൂടാതെ കോടമഞ്ഞും ഇടവിട്ടുള്ള മഴയും മഴയിലെ നടത്തവും ട്രക്കിങ്ങും രാത്രി താമസവുമെല്ലാം മതേരനു മാത്രം നല്കുവാന്‍ സാധിക്കുന്ന ചില കാര്യങ്ങളാണ്.
PC:Ccmarathe

മതേരനു പകരം മതേരാന്‍ മാത്രം

വാഹനങ്ങള്‍ക്കു വിലക്ക്

കേള്‍ക്കുമ്പോള്‍ അതിശയം തോന്നുക സ്വഭാവീകമാണ്. ഇന്ത്യയില്‍ , ഏഷ്യയില്‍ തന്നെ വാഹനങ്ങള്‍ക്കു വിലക്കുള്ള ഏക ഹില്‍ സ്റ്റേഷനാണ് മതേരാന്‍. പ്രദേശത്തിന്റെ പ്രത്യേക പാരിസ്ഥിതിക ഘടനയും സ്വഭാവവും കണക്കിലെടുത്താണിത്. മഥേരാനിലെ ദസ്തുരി പോയന്റ് എന്ന സ്ഥലം വരെയാണ് ഇവിടെ വാഹനങ്ങൾ കൊണ്ടുവരുവാൻ കഴിയുക. ബാക്കിയുള്ള 2.5 കിലോമീറ്റർ ദൂരം നടന്നോ അല്ലെങ്കില്‍ മനുഷ്യർ കൈകൊണ്ട് വലിക്കുന്ന വണ്ടിയിലോ മുകളിലേക്ക് കയറാം. കേന്ദ്ര പരിസ്ഥിതി വനംവകുപ്പ് മാഥേരാനെ ഹരിത ഉദ്യാനമായി പ്രഖ്യാപിച്ചതിനെ തുടര്‍ന്നാണ് ഇവിടെ മോട്ടോര്‍ വാഹനങ്ങള്‍ക്ക് അനുമതി നല്കാത്തത്.
PC:
PC:Elroy Serrao
https://www.flickr.com/photos/enygmatic/21878429702/in/photolist-zkjEVd-5go8Xs-5giMJT-4S7agQ-e5tSFY-5giKci-9mq8Ko-5goajq-5go7X3-8XoFRA-8hnrru-5giLyv-6RNmD5-e5ofcT-5go9zY-5giL2e-5go9WS-FsR1tc-8f23wK-e5odVP-4okZNn-4THCA3-dTDc1P-8iBi3j-dqchW6-6RNpdo-5giP7i-7mSey7-dqcr7t-7pn4V5-7pn6sC-6RNp9j-dqbXwT-7pn3K7-7piaMp-7pn4QC-8iyJJD-8iy6wX-8iyyS8-62mSKb-7picR4-5qqmTd-fCKqH6-wVHDW-weNe9-fD31fQ-6RNmG9-9mq8W5-7pn6Rh-8iyufR

എത്തിച്ചേരുവാന്‍

മുംബൈയ്ക്കും പൂനെയ്ക്കും ഇടയിലായാണ് മഥേരാന്‍ സ്ഥിതി ചെയ്യുന്നത്.
മുംബൈയില്‍ നിന്നും 100 കിലോമീറ്ററും പൂനെയില്‍ നിന്നും 120 കിലോമീറ്ററുമാണ് മാഥേരനിലേക്കുള്ള ദൂരം. അടുത്തുള്ള റെയില്‍വേ സ്റ്റേഷന്‍ നെരാല്‍ ആണ്. മാഥേരന്‍ ലൈറ്റ് റെയില്‍വേയ്ക്ക് പരിമിതമായ സീറ്റുകള്‍ മാത്രമാണ് ഉള്ളത്. മോട്ടോര്‍ വാഹനങ്ങള്‍ക്ക് എത്തുവാന്‍ സാധിക്കുന്ന അവസാന സ്ഥലം ഡിണ്ടി പോയന്റാണ്. ഇവിടെ നിന്നും റെയില്‍ വേ ട്രാക്ക് വഴി 30 മിനിറ്റ് നടന്നാല്‍ മാഥേരനിലെത്താം. അല്ലാത്തവര്‍ക്ക് കുതിര വണ്ടിയും മനുഷ്യര്‍ കൈകൊണ്ട് വലിക്കുന്ന വണ്ടിയും ഉപയോഗിക്കുവാനുള്ള സൗകര്യങ്ങളും ഉണ്ട്.
രാവിലെ 6.30ന് ആണ് നെരാലില്‍ നിന്നും മാഥേരനിലേക്കുള്ള ട്രെയിന്‍ പുറപ്പെടുന്നത്. ഇത് 9.40 ന് മാഥേരനിലെത്തും. പിന്നീട് നെരാലില്‍ നിന്നും ഇവിടേക്ക് തീവണ്ടി സര്‍വ്വീസുകള്‍ ഉണ്ടാവില്ല. പകരം അമാന്‍ ലോഡ്ജ് എന്ന സ്ഥലത്തു നിന്നും മാഥേരനിലേക്ക് ഒരു മണിക്കൂര്‍ ഇടവിട്ടുള്ള ഷട്ടില്‍ സര്‍വ്വീസുകളാണ് ഉള്ളത്. ഇതിന്റെ അവസാന സര്‍വ്വീസ് 3.30 ന് മാഥേരനില്‍ നിന്നും നെരാലിലേക്കാണ്.