നാഗള‌പുരം വെ‌ള്ളച്ചാട്ടം, ട്രെക്കിങ്

നാഗള‌പുരത്തേക്കുറിച്ച്

തിരുപ്പ‌തിയിൽ നിന്ന് 70 കിലോമീറ്റർ അകലെയായാണ് നാഗ‌ള‌പുരം സ്ഥിതി ‌ചെയ്യുന്നത്. കൃഷ്ണ ദേവരായരുടെ ഭരണ കാലത്ത് അദ്ദേഹത്തിന്റെ അമ്മയുടെ ഓർമ്മയ്ക്കായാണ് ഈ ഗ്രാമം സ്ഥാപി‌‌ച്ചത്. ഇവിടുത്തെ വേദനാരയണ സ്വാമി ക്ഷേത്രം വളരെ പ്രശസ്തമാണ്.
Photo Courtesy: Bhaskaranaidu

ട്രെക്കിങ്

ഈസ്റ്റൺഘട്ടിലെ പ്രശസ്തമായ ട്രെക്കിംഗ് പാതയാണ് നാഗള ട്രെക്കിംഗ് പാത, നിരവധി വെള്ളച്ചാട്ടങ്ങളും പൊയ്കകളും വനങ്ങളുമാണ് ഇവിടേയ്ക്കുള്ള ട്രെക്കി‌ങിൽ സഞ്ചാരികളെ ആനന്ദിപ്പിക്കുന്നത്.
Photo Courtesy: Ravi S. Ghosh /[email protected]

ടൗണിൽ നിന്ന് ഗ്രാമത്തിലേക്ക്

നാഗള‌പുരം ടൗണിൽ നിന്ന് അറായ് ഗ്രാമത്തിലേക്ക് യാത്ര തിരിച്ച് 7 കിലോമീറ്റർ പിന്നിടുമ്പോൾ നി‌ങ്ങൾ മറ്റൊരു ടൗണിൽ എത്തിച്ചേരും പിച്ചത്തൂർ (Pichatur) എന്നാണ് ആ ടൗണിന്റെ പേര്. അവിടെ നിന്ന് ഒരു 11 കിലോമീറ്റർ യാത്ര ചെയ്താൽ അറായ് ഗ്രാമത്തിൽ എത്തിച്ചേരാം.
Photo Courtesy: Prashant Dobhal

നാഗള ഡാം

അറായ് ഗ്രാമത്തിൽ നിന്ന് കുറച്ച് മുന്നോട്ട് പോയാൽ നാഗള ഡാമിൽ എത്തിച്ചേരാം. അവിടെ വാഹനങ്ങൾ പാർ‌ക്ക് ചെയ്യാനു‌ള്ള സൗകര്യമു‌ണ്ട്. വാഹനങ്ങൾ പാർക്ക് ചെയ്യുന്നതിന് ഇവിടെ പാർക്കിംഗ് ഫീസ് ഏർപ്പെടുത്തിയിട്ടുണ്ട്.
Photo Courtesy: Prashant Dobhal

സാഹസിക യാത്ര

ഡാമിന്റെ സമീപത്ത് നിന്നാണ് ട്രെക്കിംഗ് ആരംഭിക്കുന്നത്. മുന്നോട്ടുള്ള യാത്രയിൽ ഒരു അരുവി മറികടന്ന് വേണം പോകാം. മുകളിൽ നിന്ന് ഒഴുകി വരുന്ന ഈ അരുവിയിലാണ് വെള്ള‌ച്ചാ‌ട്ടങ്ങളും പൊയ്കകളും രൂപപ്പെടുന്നത്.
Photo Courtesy: Prashant Dobhal

പെർമിഷൻ

നിയമപ്രകാരം നഗള‌പുരം പൊലീസ് സ്റ്റേഷനിൽ പേര് റെജിസ്റ്റർ ചെയ്തിട്ട് വേണം വനത്തിൽ പ്രവേശിക്കാൻ. എന്നാൽ ഇങ്ങനെ ചെയ്യുന്നവർ വളരെ വിരളമാണ് എന്ന‌താണ് സത്യം.

Photo Courtesy: Santhosh Janardhanan

പൊയ്ക

അ‌‌രുവിയിൽ രൂപപ്പെ‌ട്ട മറ്റൊരു പൊയ്ക. മുൻപ‌രിചയമുള്ള ആളുകളുടെ കൂടെ മാത്രമെ ഇവിടേയ്ക്ക് ട്രെ‌ക്ക് ചെയ്യാൻ പാടുള്ളു. വിശദമായി