ഏപ്രില്‍ മാസത്തിലെ 'പുതുവര്‍ഷങ്ങള്‍'

പഞ്ചാബിലെ ബൈശാഖി

വടക്കേ ഇന്ത്യയിൽ പ്രത്യേകിച്ച് പഞ്ചാബിലെ സിക്കുകാരുടെ പുതുവർഷ ആഘോഷങ്ങളാണ് ബൈശാഖി. വടക്കേ ഇന്ത്യയിലെ ഹൈന്ദവരും ബുദ്ധ മതക്കാരും ബൈശാഖി പുതുവർഷമായി ആഘോഷിക്കാറുണ്ട്. പഞ്ചാബിലെ കൊയ്ത്തുൽസവമാണ് ബൈശാഖി.

Photo Courtesy: Nevil Zaveri

ആസാമിലെ റൊംഗാലി ബിഹു

ആസാമിലെ പുതുവർഷ ആഘോഷമാണ് റോംഗാലി ബിഹു എന്ന് അറിയപ്പെടുന്നത്. ബോഹാഗ് ബിഹു, ഹാത് ബിഹു എന്നീ പേരുകളിലും റൊംഗാലി ബിഹു അറിയപ്പെടുന്നുണ്ട്. ഈ സമയത്താണ് അസാമിൽ നെല്ല് നടുന്നത്. റോംഗാലി ബിഹുവിന് നാലു ഘട്ടങ്ങൾ ഉണ്ട്. ഛോട്ട് ബിഹു, രാതി ബിഹു, ഗുരു ബിഹു, മനുഹ് ബിഹു, കുഠും ബിഹു, മേള ബിഹു എന്നിവയാണ് അവ.

Photo Courtesy: Rajkumar1220

ബംഗാളികൾക്ക് പൊഹേല ബൊയ്ഷാഖ്

ബംഗാളികളുടെ പുതുവർഷ ആഘോഷമാണ് പൊഹേല ബൊയ്ഷാഖ്. ബംഗാളികൾ എവിടെയുണ്ടോ അവിടെയൊക്കെ പൊഹേലെ ബൊയ്ഷാഖ് ആഘോഷിക്കാറുണ്ട്. പശ്ചിമ ബംഗാളിന് പുറമേ അസാം, ത്രിപുര, ഝാർഖണ്ഡ്, ഒറീസ തുടങ്ങിയ ബംഗാളികൾ താമസിക്കുന്ന സംസ്ഥാനങ്ങളിൽ ഇത് ആഘോഷിക്കാറുണ്ട്.

Photo Courtesy: Tahmid Munaz

നമ്മുടെ വിഷു

കേരളത്തിനകത്തും പുറത്തുമുള്ള മലയാളികളുടെ ആഘോഷമാണ് വിഷു. വിഷുക്കണിയാണ് വിഷുവിന്റെ ഏറ്റവും വലിയ പ്രത്യേകത. പുതുവർഷമായിട്ടാണ് മലയാളികൾ വിഷുവിനെ വരവേൽക്കുന്നത്. പുതുവർഷ ആരംഭവത്തി‌ൽ വിഷുക്കണി കണ്ടാൽ വർഷം മുഴുവൻ ശുഭം ആയിരിക്കുമെന്നാണ് വിശ്വാസം.

Photo Courtesy: Sureshcnair

തമിഴിൽ പുത്താണ്ട്

തമിഴ്നാട്ടിലെ പുതുവർഷമാണ് പുത്താണ്ട് എന്ന് അറിയപ്പെടുന്നത്. പുതുവർഷം എന്നാണ് ഈ വാക്കിന്റെ അർത്ഥം. തമിഴ്നാട്ടിലും പോണ്ടിച്ചേരിയിലും ആണ് പുത്താണ്ട് ആഘോഷിക്കുന്നത്. തമിഴ് കലണ്ടറിലെ ആദ്യമാസമായ ചിത്തിര മാസം ഒന്നാം തീയ്യതിയാണ് പുത്താണ്ട് ആഘോഷിക്കുന്നത്. പുത്താണ്ടിൽ വീടുകൾ അലങ്കരിച്ച് കോലം ഇടുന്നു.

Photo Courtesy: itslife.in

ഒറിയക്കാരുടെ മഹാ വിഷുവ സംക്രാന്തി

ഒറിയക്കാരുടെ പുതുവർഷമാണ് മഹാ വിഷുവ സക്രാന്തി. മഹാ സക്രാന്തി എന്നും ഇത് അറിയപ്പെടുന്നു. ഒറീസയിൽ ഉടനീളം ഇത് ആഘോഷിക്കപ്പെടുന്നു.

Photo Courtesy: Kamalakanta777