ഹോളി ഇത്തവണ ജയ്പൂരിൽ, ഒപ്പം എലിഫന്‍റ് ഫെസ്റ്റിവലും! ആനകൾക്കൊപ്പം ആഘോഷിക്കാം,

മാര്‍ച്ച് മാസത്തിലെ അടുത്ത വാരാന്ത്യത്തിനും ഹോളി ആഘോഷങ്ങള്‍ക്കും ഉള്ള കാത്തിരിപ്പിലാണ് സഞ്ചാരികൾ. പലരും ഇതിനോടകം തന്നെ യാത്രകൾ പ്ലാന്‍ ചെയ്തിട്ടുണ്ടാകും. എന്തായാലും എവിടേക്കാണ് യാത്ര എന്നറിയാതെ ഇരിക്കുന്നവർക്കും മാർച്ചിൽ ഒരു ഉത്തരേന്ത്യൻ യാത്ര പ്ലാന്‍ ചെയ്യുന്നവർക്കും പോകാൻ പറ്റി ഒരിടമാണ് ജയ്പൂർ.

ഹോളിയും വാരാന്ത്യ ആഘോഷവും മാത്രമല്ല, ഇത്തവണ മറ്റൊരു കിടിലൻ സംഗതിയും ജയ്പൂരിൽ കാത്തിരിക്കുന്നുണ്ട്. എല്ലാ വർഷവും നടക്കുന്ന ജയ്പൂർ എലിഫന്‍റ് ഫെസ്റ്റിവൽ ഈ നാടിന്‍റെ ചരിത്രവും പൈതൃകവും അറിയുവാനും പരിചയപ്പെടുവാനും ആഗ്രഹിക്കുന്നവർക്കുള്ള സുവർണ്ണാവസരമാണ്.

രാജസ്ഥാനിലെ ആനകളുടെ അഴകും ഭംഗിയും കാണിച്ചു തകരുന്ന ജയ്പൂർ എലിഫന്‍റ് ഫെസ്റ്റിവൽ ഇവിടുത്തെ സമ്പന്നമായ സംസ്കാരം പരിചയപ്പെടുന്ന അവസരം കൂടിയാണ്. പ്രദേശവാസികൾ മാത്രമല്ല, വിദേശികളും രാജ്യത്തിന്‍റെ മറ്റു ഭാഗങ്ങളിൽ നിന്നുള്ളവരും ആനകളുടെ ഈ ആഘോഷം കാണാൻ ഇവിടേക്ക് എത്താറുണ്ട്.

ആനകളുടെ ഘോഷയാത്ര, സാംസ്കാരിക പ്രകടനങ്ങൾ, കായിക പരിപാടികൾ എന്നിങ്ങനെ ഒരുപാട് കാര്യങ്ങൾ ഇതിന്‍റെ ഭാഗമായി ഒരുക്കിയിട്ടുണ്ട്. ജയ്പൂർ ആന ഉത്സവം ഇവിടുത്തെ ഏറ്റവും പേരുകേട്ട. ജനപ്രിയ പരിപാടി കൂടിയാണ്. വേനൽക്കാലത്ത് നടക്കുന്നതിനാൽ പ്രായഭേദമന്യേ ആളുകൾക്ക് ഇതിൽ പങ്കെടുക്കാനും കഴിയും. ആനകളെ ഉൾപ്പെടുത്തിയുള്ള പരേഡ് അടക്കം വ്യത്യസ്തങ്ങളായ പരിപാടികളാണ് ഇവിടെ ഇത്തവണ ഒരുക്കിയിരിക്കുന്നത്.

എലിഫന്‍റ് പരേഡ്
ആനകളെ അതിമനോഹരമായി അലങ്കരിച്ച് എഴുന്നള്ളിക്കുന്ന ആഘോഷമാണ് എലിഫന്‍റ് പരേഡ്.
വ്യത്യസ്തങ്ങളായ നിറങ്ങളാൽ അലങ്കരിച്ച് ആഭരണങ്ങളണിഞ്ഞ് ജയ്പൂരിലെ തെരുവുകളിലൂടെ തലയുയർത്തി നടക്കുന്ന പരേഡ് കാണേണ്ട കാഴ്ച തന്നെയാണ്.

എലിഫന്‍റ് ബ്യൂട്ടി പേജന്‍റ്
ആനകളിലെ സുന്ദരിയെയുമം സുന്ദരനെയും കണ്ടെത്താൻ സഹായിക്കുന്നതാണ് എലിഫന്‍റ് ബ്യൂട്ടി പേജന്‍റ്. ആനകളുടെ ആകാരത്തിനും ഭംഗിക്കും രൂപത്തിനും ഒക്കെയനുസരിച്ച് മാര്‍ക്കിട്ടാണ് സുന്ദരിയേയും സുന്ദരനെയും കണ്ടെത്തുന്നത്. മാത്രമല്ല, കുട്ടികളെയും മുതിർന്നവരെയും ഒരുപോലെ ആഘോഷിക്കുന്ന പരിപാടി കൂടിയാണിത്.

ഇത് കൂടാതെ സാംസ്കാരിക കൈമാറ്റങ്ങൾക്കുള്ള അവസരവും കൂടിയാണിത് നല്കുന്നത്. വ്യത്യസ്ത സാംസ്കാരിക പശ്ചാത്തലങ്ങളിൽ നിന്നുള്ളവർ ഒരുമിച്ചെത്തുന്ന ഇവിടെ പുതിയ ആളുകളെ പരിചയപ്പെടുവാനും പ്രാദേശിക കരകൗശല വിദഗ്ധർ, കരകൗശല വിദഗ്ധർ, ആന പരിപാലകർ എന്നിവരുമായി സംവദിക്കാനും ഉൾപ്പെടെയുള്ള അവസരവും ഇവിടെ ലഭിക്കും.

ജയ്പൂർ എലിഫന്‍റ് ഫെസ്റ്റിവൽ 2024

ഈ വർഷത്തെ ജയ്പൂർ എലിഫന്‍റ് ഫെസ്റ്റിവൽ മാർച്ച് 25-ന് ആണ് നടക്കുന്നത്. ഹോളിയുടെ അതേ ദിവസം വരുന്നതിനാൽ ഹോളി നീണ്ട വാരാന്ത്യം ആഘോഷിക്കാൻ പ്ലാൻ ചെയ്യുന്നവർക്കും ഇവിടേക്ക് ഒരു യാത്ര പ്ലാൻ ചെയ്യാം