സഫാ മസ്ജിദ്; മോസ്കുകളിലെ ഗോവൻ ശൈലി

ആദിൽ ഷായുടെ ഭരണകാലം

ബിജാപൂർ സുൽത്താനായിരുന്ന ആദി‌ൽഷായുടെ ഭരണകാലത്താണ് ഗോവയിലെ ഈ മസ്ജിദ് നിർമ്മിക്കപ്പെട്ടത്. ഏകദേശം 27 മോസ്ക്കുകൾ പതിനാറാം നൂറ്റാണ്ടിൽ ആദിൽ ഷാ ഗോവയിൽ പണി കഴിപ്പിച്ചിട്ടുണ്ട്.
Photo Courtesy: Hemant192

പോർച്ചുഗീസുകാരുടെ തേർവാഴ്ച്ച

1560 മുതൽ 1812 വരെയുള്ള പോർച്ചുഗീസുകാരുടെ തേ‌ർവാഴ്ച്ച കാലത്ത് ഗോവയിലെ ഭൂരിഭാഗം മോസ്ക്കുകളും തകർക്കുപ്പെട്ടു. സഫാ മസ്ജിദ് മാത്രമാണ് അവയിൽ അവശേഷിച്ചത്.
Photo Courtesy: Sonaly.km

സഫാ ഷഹോരി മസ്ജിദ്

സഫാ ഷഹോരി മസ്ജിദ് എന്ന് കൂടി അറിയപ്പെടുന്ന ഈ മസ്ജിദ് ഗോവയിലെ തന്നെ ഏറ്റവും പഴക്കമുള്ള മസ്ജിദുകളിൽ ഒന്നാണ്. 1560ൽ ആണ് ഇബ്രാഹിം ആദിൽ ഷാ എന്ന ബിജാപൂർ സുൽത്താൻ ഈ മസ്ജിദ് നിർമ്മിച്ചത്.
Photo Courtesy: Savika Gomes

‌മസ്ജിദിന്റെ നിർമ്മാണം

വിശുദ്ധമായ എന്നാണ് സഫാ എന്ന അറബി വാക്കിന്റെ അർത്ഥം. മോസ്ക്ക് കാണുമ്പോൾ തന്നെ അതിന്റെ വിശുദ്ധി സഞ്ചാരികൾക്ക് മനസിലാക്കാം. നിസ്കരിക്കാനുള്ള ഒറ്റ ഹാൾ ആണ് മോസ്കിനുള്ളത്. ചുടുകട്ട കൊണ്ടാണ് മേൽക്കൂര നിർമ്മിച്ചിരിക്കു‌ന്നത്.
Photo Courtesy: Savika Gomes

പോർചുഗീസ് വീട് പോലെ

ഗോവയിലെ ആദ്യകാല പോ‌ർചുഗീസ് വീടുകൾ പോലെയാണ് ഈ മസ്ജിദിന്റെ ആകൃതി. സമുചതുരാകൃതിയിലുള്ള വലിയ ഒരു കുളമാണ് ഇവിടുത്തെ ഏറ്റവും വലിയ ആകർഷ‌ങ്ങളിൽ ഒന്ന്.
Photo Courtesy: Savika Gomes

ച‌രിത്ര സ്മാരകം

ഇന്ത്യയുടെ പുരാവസ്തു വകുപ്പ് സംരക്ഷിക്കുന്ന ദേശീയ സ്മാരകങ്ങളിൽ ഒന്നാണ് ഈ മസ്ജിദ്. വലിയ കുളം കൂടാതെ സുന്ദരമായ ഒരു ഉദ്യാനവും ഈ മോസ്കിനോട് ചേർന്ന് നിർമ്മി‌ച്ചിട്ടുണ്ട്.
Photo Courtesy: Savika Gomes

റംസാനിൽ സന്ദർശിക്കാം

റംസാൻ കാലത്ത് ഗോവയിൽ പോകുന്നവർക്ക് സ‌ന്ദർശിക്കാൻ പറ്റിയ സ്ഥലമാണ് ഗോവയിലെ അധികം അറിയപ്പെടാത്ത ‌ചരിത്ര പ്രാധാന്യമു‌‌ള്ള ഈ മസ്ജിദ്.
Photo Courtesy: Sonaly.km

എത്തിച്ചേരാൻ

പനാജിയും ബെൽഗാമുമായി ബന്ധപ്പെടുത്തുന്ന ദേശീയപാത 4Aയിലെ ഷാഹ്‌പൂരിൽ ആണ് ഈ മസ്ജിദ് സ്ഥിതി ചെയ്യുന്നത്. പോണ്ടയിൽ നിന്ന് 2 കിലോമീറ്റർ അകലെയായാണ് ഈ സ്ഥലം സ്ഥിതി ചെയ്യുന്നത്.
Photo Courtesy: Gafoor

ട്രാവൽ ടിപ്സ്

ഇവിടേയ്ക്ക് പ്രവേശനം സൗജന്യമാണ്. ഫോട്ടോഗ്രാഫി അനുവദനീയമാണ്.

Photo Courtesy: Fredericknoronha