സ്ത്രീ സഞ്ചാരികള്ക്കായി
സ്ത്രീ സഞ്ചാരികള്ക്കായി ഏറ്റവും മികച്ച സൗകര്യങ്ങളേര്പ്പെടുത്തുന്ന രാജ്യമാണ് സ്വിറ്റ്സര്ലന്ഡ്. ഒറ്റയ്ക്കാണു വരുന്നതെങ്കില് പോലും തരിപോലും പേടിക്കാതെ നിങ്ങള്ക്കിവിടെ സമയം ചിലവഴിക്കാം. ചിലവഴിക്കുന്ന ഓരോ നിമിഷവും വെറുതയെല്ല എന്നതാണ് ഇവിടുത്തെ ഹൈലൈററ്. കുറച്ച് മണിക്കൂറുകളോ കുറച്ച് ദിവസങ്ങളോ നീണ്ടുനിൽക്കുന്ന എല്ലാത്തരം രസകരമായ അനുഭവങ്ങളും നിങ്ങൾക്ക് കണ്ടെത്താനാകും. വ്യത്യസ്തങ്ങളായ നിരവധി ഇവന്റുകളും ഓഫറുകളും നല്കുന്നുണ്ട്.
PC:Chris Holgersson
ഇന്റര്ലേക്കനിലെ സ്കൈ ഡൈവിങ്
ആകാശത്തു നിന്നും നോക്കിയാല് സ്വിറ്റ്സര്ലന്ഡ് എങ്ങനെയുണ്ടാകുമെന്ന് കണ്ടാലോ... ഇങ്ങനെയൊരു ചിന്തയാണ് നിങ്ങളുടെ മനസ്സിലുള്ളത് എങ്കില് അതിനായി പ്രത്യേകം തയ്യാറാക്കിയിരിക്കുന്നതാണ് ഇന്റര്ലേക്കനിലെ സ്കൈ ഡൈവിങ്. സ്വിസ് ആൽപ്സിലെ ബെർണീസ് ഒബർലാൻഡ് മേഖലയിലെ ഇന്റര്ലേക്കന് നമുക്കെല്ലാം പ്രിയപ്പെട്ട ചില സാഹസിക വിനോദങ്ങളായ സ്കൈ ഡൈവിങ്, കാന്യോണിങ്, ഹാങ് ഗ്ലൈഡിങ്, പാരാഗ്ലൈഡിങ്, സ്കീയിങ് തുടങ്ങിയ കാര്യങ്ങള്ക്കെല്ലാം വളരെ പ്രസിദ്ധമാണ്. ഒരു ഹെലികോപ്റ്ററിൽ 10 മിനിറ്റ് മനോഹരമായി പറന്നു തുടങ്ങുന്നതിലൂടെയാണ് യാത്ര ആരംഭിക്കുന്നത്. അത് 14,000 അടിയിൽ എത്തുമ്പോൾ നിങ്ങള്ക്ക് താഴേക്ക് ചാടാം. 5,500 അടി ഉയരത്തിൽ എത്തുമ്പോഴാണ് പാരച്യൂട്ട് തുറക്കുന്നത്. നിങ്ങൾ നിശബ്ദമായി ഇന്റർലേക്കണിന് മുകളിലൂടെ പറക്കുന്ന 15 മിനിറ്റ് സമയമാണ് ഈ യാത്രയുടെ പ്രത്യേകത.
PC:Rodrigo Curi
മൗണ്ടെയ്നീറിങ്
എവിടെ നോക്കിയാലും പര്വ്വതതലപ്പുകള് കാണുവാന് കഴിയുന്ന ഇവിടെ മലകയറ്റം പുതുമയുള്ള കാര്യമല്ല. എന്നാല്, കൂടുതല് സ്ത്രീകള് ഇതിലേക്ക് കടന്നുവരുന്നു എന്നതാണ് ശ്രദ്ധേയമായ കാര്യം. വെറും 48 മീറ്റര് മുതല് 4000 മീറ്റര് വരെ ഉയരത്തിലുള്ള കൊടുമുടികള് ഇവിടെയുണ്ട്. താല്പര്യവും ആരോഗ്യവും ഉള്ള ആര്ക്കും കയറുവാന് സാധിക്കുന്നവയാണ് ഇവിടുത്തെ മലകള്.
PC:Stéphane Fellay
സെർമാറ്റിലെ പാരാഗ്ലൈഡിങ്
പാരാഗ്ലൈഡിങ് തന്നെ വളരെ രസകരവും വ്യത്യസ്തവുമായ ഒരു വിനോദമാണ്. എങ്കിലത് ലോകത്തിലെ ഏറ്റവും മനോഹരമായ, മഞ്ഞുപുതച്ചു കിടക്കുന്ന പര്വ്വതത്തിനു മുകളിലൂടെയാകുമ്പോള് പറയുകയും വേണ്ട. സ്വിസ് ആൽപ്സിലെ പ്രസിദ്ധ സ്കീ റിസോര്ട്ടായ സെർമാറ്റിന് മുകളിലൂടെയുള്ള പാരാഗ്ലൈഡിങ് ആണ് സ്വിറ്റ്സര്ലന്ഡ് ഒരുക്കിയിരിക്കുന്ന മറ്റൊരത്ഭുതം.
PC:Abigail Griffith
ഗ്ലേസിയർ 3000 - പീക്ക് വാക്ക്
വര്ഷത്തിലെല്ലായ്പ്പോഴും മഞ്ഞുപൊഴിയുന്ന, ആൽപ്സ്, മോണ്ട് ബ്ലാങ്ക് എന്നിവയുടെ അതിമനോഹരമായ കാഴ്ചകള് സമ്മാനിക്കുന്ന,ഗ്ലേസിയർ 3000 - പീക്ക് വാക്ക് സ്വിറ്റ്സര്ലന്ഡിലെ പകരംവയ്ക്കുവാനാകാത്ത കാഴ്ചകള് നല്കുന്ന സ്ഥലമാണ്. രണ്ട് പർവതശിഖരങ്ങളെ ബന്ധിപ്പിക്കുന്ന ലോകത്തിലെ ഏക സസ്പെൻഷൻ പാലമായ പീക്ക് വാക്കിന്റെ ആസ്ഥാനമാണ് ഗ്ലേസിയർ 3000. അതിമനോഹരമായ കാഴ്ചയ്ക്കായി 107 മീറ്റർ നീളവും 3000 മീറ്റർ ഉയരവുമുള്ള പാലത്തിലൂടെ നടക്കണം.
PC:János Korom
ഗ്രിൻഡെൽവാൾഡിലെ കാന്യോൺ സ്വിംഗ്
90 മീറ്റർ ഫ്രീ-ഫാൾ ആണ് ഇവിടെ സഞ്ചാരികള്ക്ക് അനുഭവിക്കുവാന് സാധിക്കുന്ന കാര്യം. തുടർന്ന് ഗ്രിൻഡൽവാൾഡ് ഗ്ലേഷ്യൽ മലയിടുക്കിലെ വിസ്മയിപ്പിക്കുന്ന അഗാധത്തിൽ മണിക്കൂറിൽ 120 കിലോമീറ്റർ വേഗതയിൽ ഉയർന്ന പാറക്കെട്ടുകൾക്കിടയിൽ ചാഞ്ചാടുന്നതുപോലെയുള്ള അനുഭവങ്ങളും ലഭിക്കും.
PC:Christopher Becke
ഇന്റർലേക്കനിലെ ജെറ്റ് ബോട്ട്
പെട്ടെന്ന് നിർത്താനോ 360 ഡിഗ്രിയിൽ കറങ്ങാനോ കഴിയുന്ന ഒരു സൂപ്പർ ഫാസ്റ്റ് ബോട്ടാണ് ജെറ്റ് ബോട്ട്. ഇന്റർലേക്കനിലെ
ബ്രിയൻസ് തടാകത്തിൽ ആണ് ജെറ്റ് ബോട്ട് ഓടിക്കുവാന് സാധിക്കുക.
PC:Luis Vidal
എംഗൽബെർഗ് ടിറ്റ്ലിസിലെ ടിറ്റ്ലിസ് റോട്ടർ
ലോകത്തിലെ ആദ്യത്തെ കറങ്ങുന്ന കേബിൾ കാറാണ് ടിറ്റ്ലിസ് റോട്ടർ.. ഇതിലൂടെയാണ് ആണ് ഈ ആകർഷണീയമായ കൊടുമുടിയിലേക്ക് പ്രവേശിക്കുന്നത്. മൂന്ന് കേബിൾ കാറുകളിലൂടെ മൗണ്ട് ടിറ്റ്ലിസുമായി എംഗൽബെർഗ് ഗ്രാമത്തിൽ ചേരുന്ന പരസ്പര ബന്ധിതമായ ഗൊണ്ടോള സംവിധാനം ഇവിടെ കാണാം.
PC:Khyta
Click it and Unblock the Notifications
.jpg){kind=link}