തമിഴ്നാട്ടിലെ എലിവാൽ വെള്ളച്ചാട്ടം

എവിടെയാണിത്?

തമിഴ്നാട്ടിൽ ഡിണ്ടിഗുൽ ജില്ലയിൽ ദേവദാനപ്പട്ടിയ്ക്ക് സമീപമാണ് തലയാർ വെള്ളച്ചാട്ടം സ്ഥിതി ചെയ്യുന്നത്. മധുരയിൽ നിന്നും കൊടൈക്കനാവൽ പോകുന്ന വളിയിലാണ് ഈ വെള്ളച്ചാട്ടമുള്ളത്.
തേനിയോട് ചേർന്നു സ്ഥിതി ചെയ്യുന്ന ഈ വെള്ളച്ചാട്ടം തമിഴ്നാട്ടിലെ ഏറ്റവും ഉയരം കൂടിയ വെള്ളച്ചാട്ടം കൂടിയാണ്.

കൊച്ചിയിൽ നിന്നും

തമിഴ്നാട്ടുകാരുടെ മാത്രമല്ല, ആരുടെയും മനസ്സു കവരുന്ന ഒരു വെള്ളച്ചാട്ടമാണ് തലൈയാർ വെള്ളച്ചാട്ടം. എന്നാൽ കേരളത്തിൽ നിന്നുള്ളവർക്ക് ഇത് അത്ര പരിചയമില്ലാത്തതിനാൽ ഇവിടെ നിന്നും വളരെ കുറച്ച് സഞ്ചാരികൾ മാത്രമേ അവിടെ എത്താറുള്ളു.
കൊച്ചിയിൽ നിന്നും യാത്ര പുറപ്പെടുന്നവർക്ക് രണ്ടു വഴികളാണ് ഇവിടേക്കുള്ളത്. കൊച്ചി-മൂവാറ്റുപുഴ-കോതമംഗലം-നെര്യമംഗലം-വെള്ളത്തൂവൽ-പൂപ്പാറ-ബോഡിനായ്കന്നൂർ-മധുരാപുരം-പെരുമാൾ മലൈ വഴി തലൈയാർ വെള്ളച്ചാട്ടത്തിലെത്താം. 273 കിലോമീറ്ററാണ് ഈ വഴി സഞ്ചരിക്കുവാനുള്ളത്.
കൊച്ചിയിൽ നിന്നും അടുത്തത് തൃശൂർ-പാലക്കാട്-പൊള്ളാച്ചി-ഉദുമൽപെട്ട്-മടത്തുകുളം-ബാലസമുദ്രം-മേൽപ്പള്ളം വഴി ഇവിടെ എത്തുന്നതാണ്. 310 കിലോമീറ്ററാണ് ഈ വഴിയിൽ സഞ്ചരിക്കേണ്ടത്.
ഈ രണ്ടുവഴിയും താരതമ്യം ചെയ്താൽ
സഞ്ചരിക്കേണ്ട ദൂരം കൂടുതലാണെങ്കിലും സമയം ഒരുമണിക്കൂറോളം സമയം ലാഭിക്കുവാൻ കഴിയുന്നത് പാലക്കാട് വഴിയുള്ള യാത്രയ്ക്കാണ്.

മലബാർ ഭാഗത്തു നിന്നും

കണ്ണൂർ,കാസർകോഡ്, കോഴിക്കോട്, മലപ്പുറം, ഭാഗത്തു നിന്നും യാത്ര ചെയ്യുന്നവർക്ക് തൃശൂർ-പാലക്കാട്-പൊള്ളാച്ചി-ഉദുമൽപെട്ട്-മടത്തുകുളം-ബാലസമുദ്രം-മേൽപ്പള്ളം വഴിഎത്തുന്നതാണ് നല്ലത്. 385 കിലോമീറ്റർ ദൂരമാണ് ഈ വഴി സഞ്ചരിക്കേണ്ടത്.
എന്നാൽ വയനാട്ടിൽ നിന്നും വരുന്നവർക്ക് ബന്ദിപ്പൂര്‍-താമരാജ നഗർ-അവിനാഷി-മടത്തുകുളം വഴി ഇവിടെ എത്താം.

തിരുവന്തപുരത്തു നിന്നും വരുമ്പോൾ

തെന്മനല-ചെങ്കോട്ടൈ-രാജപാളയം വഴി ഇവിടെ എത്താം. 327 കിലോമീറ്ററാൺണ് ഈ റൂട്ടിൽ സഞ്ചരിക്കേണ്ട ദൂരം.

മഞ്ചലാർ ഡാം

തമിഴ്നാട്ടിലെ പ്രധാനപ്പെട്ട അണക്കെട്ടുകളിലൊന്നാണ് ദേവദാനപ്പട്ടി പട്ടണത്തിൽ സ്ഥിതി ചെയ്യുന്ന മഞ്ചലാർ ഡാം. തേനി ജില്ലയിലുള്ള ഈ ഡാം മഞ്ചലാർ നദിക്കു കുറുകെയാണ് നിർമ്മിച്ചിരിക്കുന്നത്. കൊടൈ ഘട്ട് റോഡിലൂടയുള്ള കൊടൈക്കനാൽ യാത്രയിൽ ഈ ഡാമിന്റെ മനോഹരമായ ദൃശ്യങ്ങൾ കാണുവാൻ സാധിക്കും.
PC: Mprabaharan

തലൈയാറിൽ ചെയ്യാൻ കഴിയുന്ന കാര്യങ്ങൾ

തമിഴ്നാട്ടിലെ ഏറ്റവും പ്രധാനപ്പെട്ട വെള്ളച്ചാട്ടമായതിനാൽ എന്നും ഇവിടെ സന്ദർശകരുണ്ടാവും. എന്നാൽ ഇവിടെ വെള്ളം അല്പം അപകരടകരമായ രീതിയിൽ താഴേക്ക് പതിക്കുന്നതിനാൽ ഇതിന്റെ ചുവട്ടിൽ നിന്നു കുളിക്കുവാൻ അനുമതി ഇല്ല. സമീപത്തെ കാട്ടുവഴികളിലൂടെയുള്ള ട്രക്കിങ്ങിനും ഹൈക്കിങ്ങിനും ഇവിടെ അനുമതിയുണ്ട്.

PC:Hamid.Z

തലൈയാർ വെള്ളച്ചാട്ടം

തലൈയാർ വെള്ളച്ചാട്ടം അഥവാ എലിവാൽ വെള്ളച്ചാട്ടമാണ് നമ്മുടെ ഇന്നത്തെ ആകർഷണം. ഇന്ത്യയിലെ ആറാമത്തെ ഉയരം കൂടിയ വെള്ളച്ചാട്ടം കൂടിയാണിത്. ഒരു വലിയ മലയുടെ മുകളിൽ നിന്നും ഒരു വെള്ളിക്കൊലുസ് താഴേക്ക് വീണു കിടക്കുന്നതു പോലെയാണ് തലൈയാർ വെള്ളച്ചാട്ടം കാണപ്പെടുന്നത്. പച്ചപ്പിൽ പുതഞ്ഞു കിടക്കുന്ന ഇതിന്റെ ഭംഗി പറഞ്ഞറിയിക്കുവാൻ സാധിക്കാത്തതാണ്.

പേരുവന്ന വഴി

തലൈ, ആറ് എന്നീ രണ്ട് വാക്കുകളിൽ നിന്നാണ് തലൈയാറിന് ഈ പേരു ലഭിച്ചത്. വെള്ളച്ചാട്ടങ്ങളുടെ തലവനെന്നും ഉയർന്നവൻ എന്നുമൊക്കെ ഇതിന് അർഥമുണ്ട്.

തലൈയാറിൽ കറങ്ങുവാൻ

പന്നൈക്കാട് എന്നു പേരായ സമീപത്തെ ഗ്രാമമാണ് ഇവിടുത്തെ കാണേണ്ട മറ്റൊരു സ്ഥലം.
മഞ്ചലാർ അണക്കെട്ടും ഇവിടെ നിന്നും എളുപ്പത്തിൽ പോയി വരാൻ സാധിക്കുന്ന ഇടമാണ്.
തലൈയാർ വെള്ളച്ചാട്ടത്തിൽ നിന്നും ഒരു മണിക്കൂർ ദൂരം യാത്ര ചെയ്താൽ കൊടൈക്കനാലിലെത്താം. കുംബക്കര വെള്ളച്ചാട്ടം, കൊടൈക്കനാൽ, മൂന്നാർ, വാൽപ്പാറ തുടങ്ങിയ സ്ഥലങ്ങളും രണ്ട്-മൂന്ന് മണിക്കൂറിലെ യാത്രയിൽ എത്താൻ പറ്റിയ വിനോ സഞ്ചാര കേന്ദ്രങ്ങളാണ്. മൂന്നാറിനും വാൽപ്പാറയ്ക്കും ഒക്കെ പോകുന്നവർക്ക് യാത്ര പ്ലാനിൽ ഒരല്പം മറ്റം വരുത്തിയാൽ പോയി കാണാവുന്ന മനോഹരമായ കാഴ്ച കൂടിയാണ് ഇത്.

PC:PlaneMad

എത്തിച്ചേരുവാന്‍

മധുര, കോയമ്പത്തൂർ, ട്രിച്ചി, ചെന്നൈ, ബെംഗളുരു തുടങ്ങിയ സ്ഥലങ്ങളിൽ നിന്നും ഇവിടേക്ക് സ്ഥിരമായി ബസുകൾ സർവ്വീസ് നടത്തുന്നുണ്ട്.
ട്രെയിനിനു വരുന്നവർക്ക് അടുത്തുള്ള റെയിൽവേ സ്റ്റേഷൻ കൊടൈ റോഡ് ആണ്. കൊടൈക്കനാലിൽ നിന്നും 80 കിലോമീറ്റർ അകലെയാണിത്. 120 കിലോമീറ്റര്‍ അകലെയുള്ള മധൂരൈ എയർപോർട്ടാണ് സമീപത്തെ വിമാനത്താവളം.

PC:Rahuljeswin

യാത്ര ദുഷ്കരം

സ്ഥലത്തെത്തിയാലും വെള്ളച്ചാട്ടത്തിലേക്കുള്ള യാത്ര അത്ര എളുപ്പമുള്ളതായിരിക്കില്ല. അതിനാൽ സാധാരണക്കാർക്ക് ഇവിടെ എത്തിപ്പെടുക എന്നത് അല്പം ബുദ്ധിമുട്ട് തന്നെയാണ്. സാധാരണയായി ഹൈക്കേഴ്സും ട്രക്കേഴ്സുമാണ് ഇവിടെ ജീവൻ പണയം വെച്ചും എത്തുന്നവർ.

PC:Nicholas A. Tonelli