• Follow NativePlanet
Share
» »കേരളത്തിലല്ല: ഇത് തമിഴ്നാട്ടിലെ കേരളം അഥവാ തേങ്ങാപട്ടണം!!

കേരളത്തിലല്ല: ഇത് തമിഴ്നാട്ടിലെ കേരളം അഥവാ തേങ്ങാപട്ടണം!!

Written By:

നാളികേരത്തിന്റെ നാട്..., കേരം തിങ്ങും കേരള നാട്.... തേരളത്തെ വിശേഷിപ്പിക്കുന്ന പദശകലങ്ങളിൽ കുറച്ചു മാത്രമാണിത്. മലയാളികൾക്കു മാത്രമല്ല, കേരളത്തെക്കുറിച്ച് കേൾക്കുന്ന ആർക്കും മനസ്സിൽ ആദ്യം വരുന്നത് ഇവിടുത്തെ തിങ്ങി നിറഞ്ഞു നിൽക്കുന്ന തെങ്ങുകൾ തന്നെയാണ്.
എന്നാൽ കേരളത്തിനു തൊട്ടടുത്ത സംസ്ഥാനമായ  തമിഴ്നാട്ടിലെ കന്യാകുമാരിയിൽ ഒരു മിനി കേരളം ഉണ്ടെന്ന കാര്യം അറിയുമോ? ഒരു കാലത്ത് പഴയ തിരുവിതാംകൂറിന്റെ ഭാഗമായിരുന്ന കന്യാകുമാരിയിൽ തന്നെയാണ് ഇതും സ്ഥിതി ചെയ്യുന്നത്.
തേങ്ങാപ്പട്ടണം എന്നറിയപ്പെടുന്ന തമിഴ്നാടിന്റെ മിനി കേരളത്തിന്റെ വിശേഷങ്ങൾ അറിയാം...

എവിടെയാണ് കന്യാകുമാരിയിലെ കേരളം

എവിടെയാണ് കന്യാകുമാരിയിലെ കേരളം

ഒരു കാലത്ത് പഴയ തിരുവിതാംകൂർ നാട്ടു രാജ്യത്തിന്റെ ഭാഗമായിരുന്ന കന്യാകുമാരി ജില്ലയിലാണ് തേങ്ങാപ്പട്ടണം സ്ഥിതി ചെയ്യുന്നത്. തെന്നൈ പട്ടിണം എന്നും തേൻ പട്ടിണം എന്നും ഇവിടം അറിയപ്പെടുന്നുണ്ട്.
കന്യാകുമാരി ജില്ലയിലെ ധാരാളം തീരപ്രദേശങ്ങളുള്ള പൈൻകുളം പഞ്ചായത്തിലാണ് തേങ്ങാപ്പട്ടണം സ്ഥിതി ചെയ്യുന്നത്. കന്യാകുമാരിയിൽ നിന്നും 54 കിലോമീറ്ററും നാഗർകോവിലിൽ നിന്നും 37 കിലോമീറ്ററും തിരുവനന്തപുരത്തു നിന്നും 50 കിലോമീറ്ററും അകലെയാണ് തേങ്ങാപ്പട്ടണം ബീച്ചുള്ളത്.

പേരുവന്ന വഴി

പേരുവന്ന വഴി

തമിഴ്നാട്ടിലെ സാധാരണ കൃഷികളിൽ നിന്നും വ്യത്യസ്തമായി ഇവിടെ ധാരാളം തെങ്ങുകൾ കൃഷി ചെയ്യുന്നു. ഈ പ്രദേശത്ത് ഏറ്റവും അധികം കൃഷി ചെയ്യുന്ന വിളയും തെങ്ങാണ്. ഇവിടെ ചുറ്റിലും സമൃദ്ധമായി തെങ്ങിൻ തോപ്പുകൾ കാണപ്പെടുന്നതിനാലാണ് തേങ്ങാപ്പട്ടണം എന്ന് ഇവിടം അറിയപ്പെടുന്നത്.

PC:Kerala Tourism

താമ്രപാണി നദിയും അറബിക്കടലും സംഗമിക്കുന്ന ഇടം

താമ്രപാണി നദിയും അറബിക്കടലും സംഗമിക്കുന്ന ഇടം

പശ്ചിമഘട്ടത്തിൽ നിന്നും ഉത്ഭവിച്ച് കന്യാകുമാരിയിലൂടെ ഒഴുകി എന്നുന്ന താമ്രപാണി നദിയും അറബിക്കടലും തമ്മിൽ സംഗമിക്കുന്ന സ്ഥാനം കൂടിയാണ് തേങ്ങാപ്പട്ടിണം. ഈ സംഗമ സ്ഥാനം അഥവാ പൊഴി കാണുവാൻ ധാരാളം സഞ്ചാരികൾ ഇവിടെ എത്താറുണ്ട്.
ഇതു മാത്രമല്ല തേങ്ങാപ്പട്ടണത്തിന്റെ ആകർഷണങ്ങൾ. കടലും നദിയും കനാലും പാടങ്ങളും പാറകള്‍ നിറഞ്ഞ കുന്നും മലകളും ഒക്ക നിറഞ്ഞ ഇവിടുത്തെ ഭൂപ്രകൃതി ഇവിടം സഞ്ചാരികളുടെ പ്രിയകേന്ദ്രമാക്കി മാറ്റുന്നു. വർഷം മുഴുവനും തണുത്ത കാറ്റു വീശുന്ന ചെറിയ കുന്നുകളും ഇവിടെ കാണാം.,.
കന്യാകുമാരി ജില്ലയിലെ പ്രധാനപ്പെട്ട വിനോദ സഞ്ചാര കേന്ദ്രങ്ങളിൽ ഒന്നുകൂടിയാണിത്. എങ്കിലും ഇവിടം പുറത്തു നിന്നുള്ള സ‍ഞ്ചാരികൾക്ക് അത്ര പരിചിതമല്ല.

PC:Sankara Subramanian

തമിഴ് നാട്ടിലെ കേരളം

തമിഴ് നാട്ടിലെ കേരളം

തമിഴ് നാട്ടിലെ കേരളം എന്നാണ് തേങ്ങാപ്പട്ടണം അറിയപ്പെടുന്നത്. അതിനു പ്രധാന കാരണം ഈ സ്ഥലത്തിനു കേരളവുമായുള്ള സാമ്യം തന്നെയാണ്. ഒറ്റനോട്ടത്തിൽ കേരളം എന്നു തന്നെ തോന്നും ഇവിടം കണ്ടാൽ. കായ്ച്ചു നിൽക്കുന്ന വലിയ തെങ്ങിൻതോപ്പുകളും അതിനു നടുവിലൂടെ ഒഴുകുന്ന കനാലുകളും തോടുകളും ഒക്കെ ചേർന്ന് തേങ്ങാപട്ടണത്തെ ഒരു മിനി കേരളം തന്നെയാക്കി മാറ്റുന്നു.
മാത്രമല്ല, മലയാളവും മലയാളം കലർന്ന തമിഴുമാണ് ഇവിടുത്തെ പ്രധാന സംസാര ഭാഷകൾ.

PC:Chandukchandran

തേങ്ങാപ്പട്ടണം ബീച്ച്

തേങ്ങാപ്പട്ടണം ബീച്ച്

തേങ്ങാപ്പട്ടണത്തിലെ ഏറ്റവും വലിയ ആകർഷണങ്ങളിലൊന്നാണ് ഇവിടുത്തെ തേങ്ങാപ്പട്ടണം ബീച്ച്. പ്രദേശവാസികളായ മീൻപിടുത്തക്കാരോടൊപ്പം ഇവിടുത്തെ ബീച്ചിലൂടെ സഞ്ചരിക്കാനുള്ള അവസരം ഇവിടെ ഒരുക്കിയിരിക്കുന്നു. താരതമ്യേന ആഴം കുറഞ്ഞ ബീച്ചായ ഇവിടെ പേടിക്കാതെ സഞ്ചരിക്കാം. മാത്രമല്ലം നീന്തൽ പഠിക്കുവാനും കുട്ടികളെയും കുടുംബങ്ങളെയും കൊണ്ട് വൈകുന്നേരങ്ങൾ ചിലവഴിക്കുവാനും ആളുകൾ ഇവിടെ എത്താറുണ്ട്.
ബീച്ചിനു സമീപത്തെ 1500 വർഷം പഴക്കമുള്ള മുസ്ലീം ദേവാലയം ഇവിടുത്തെ മറ്റൊരു പ്രത്യേകതയാണ്.

PC:User:Ashiq.android

ആറു പള്ളികൾ

ആറു പള്ളികൾ

തേങ്ങാപട്ടണത്തിന്റെ ലാൻഡ് മാർക്ക് എന്നു പറയുന്നതു തന്നെ ഇവിടുത്തെ പ്രശസ്തമായ വലിയ പള്ളിയാണ്. ടൗണിനു നടുവിലായാണ് ഈ ദേവാലയം സ്ഥിതി ചെയ്യുന്നത്. റിഫായ് മസ്ജിദ്, കുഴത്തു പള്ളി, ആറ്റുപള്ളി, മുഹ്യുദ്ദീന്‍ മസ്ജിദ്, ചേന്ത പള്ളി എന്നിവയാണ് ഇവിടുത്തെ ആറു പള്ളികൾ. തമിഴ് നാട്ടിൽ മാപ്പിള വിഭാഗത്തിൽ ഉൾപ്പെട്ട ആളുകൾ താമസിക്കുന്ന ഏക ഇടം കൂടിയാണിത്.
മുഹമ്മദ് നബിയുടെ കാലത്തു തന്നെ ഇസ്ലാം മതം ഇന്ത്യയിൽ പ്രഘോഷിക്കപ്പെട്ട ചുരുക്കം ചില സ്ഥലങ്ങളിൽ ഒന്നു കൂടിയാണ് ഇവിടം.

തേങ്ങാനാടിന്റെ തലസ്ഥാനം

തേങ്ങാനാടിന്റെ തലസ്ഥാനം

തമിഴിലെ പ്രധാന സംഘകാല കൃതികളിലൊന്നായ ചിലപ്പതികാരത്തിൽ തേങ്ങാപ്പട്ടണത്തെക്കുറിച്ച് പറയുന്നുണ്ട്. തേങ്ങാ നാടിന്റെ തലസ്ഥാനമായാണ് തേങ്ങാപ്പട്ടണത്തെ ചിലപ്പതികാരത്തിൽ വിശേഷിപ്പിക്കുന്നത്. ദ്രാവിഡ സംസ്കാരത്തിന്റെ കളിത്തൊട്ടിൽ എന്നും ഇവിടം അറിയപ്പെടുന്നു. മാത്രമല്ല, ചരിത്രകാരനും യാത്രികനുമായ ദലാമി എന്നയാൾ തേങ്ങാപ്പട്ടണത്തെ തുറമുഖ നഗരമായാണ് വിശേഷിപ്പിച്ചിരിക്കുന്നത്. കരുണൻ തടങ്കൽ എനന് രാജാവാണ് ഇവിടം ഭരിച്ചിരുന്നതെന്നും അദ്ദേഹം തന്റെ രേഖകളിൽ പറയുന്നു.

Read more about: kerala tamil nadu

മികച്ച ട്രാവല്‍ ഡീലുകളും ടിപ്‌സുകളും യാത്രാ വിവരണങ്ങളും അറിയാം...

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more