01. ബോളിവുഡ് ലൊക്കേഷനുകള് കാണാം
കഭി ഖുഷി കഭി ഘം, ബ്ലാക് ആന്ഡ് വൈറ്റ്, ചാന്ദ്നി ചൗക് ടു ചൈന തുടങ്ങിയ ബോളിവുഡ് സിനിമകളില് ചാന്ദ്നി ചൗക് പശ്ചാത്തലമായിട്ടുണ്ട്. അഭിഷേക് ബച്ചന്റെ ഡല്ഹി 6 ചാന്ദ്നി ചൗക്കിന്റെ കൂടി കഥയാണ് പറയുന്നത്. എന്നാല് രാജസ്ഥാനിലെ ഒരു ഗ്രാമത്തില് സെറ്റിട്ടാണ് ഈ സിനിമ ഷൂട്ട് ചെയ്തത്.
02. ഡല്ഹിയുടെ രുചി അറിയാം
പ്രശസ്തമായ നിരവധി റെസ്റ്റോറെന്റുകളുള്ള ചാന്ദ്നി ചൗക്കില് ഡല്ഹിയിലെ വിവിധ തരത്തിലുള്ള ഭക്ഷണങ്ങള് ആസ്വദിക്കാന് കഴിയും ഘണ്ടേവാല ഹല്വായ്, നേത്രാജ്സ് ഡല്ഹി ഭല്ലേ, ദി ജലേബി വാല, ചാറ്റ് വാല, ജിയാന്ജി കാ ഫലൂദ തുടങ്ങി നിരവധി സ്റ്റാളുകള് ഇവിടെയുണ്ട്. അര നൂറ്റാണ്ടിലേറെക്കാലമായി നിലകൊള്ളുന്നവയാണ് ഇവയെല്ലാം
Photo Courtesy: Bahnfrend
03. ഷോപ്പിങ് അനുഭവിച്ച് അറിയാം
തുണിത്തരങ്ങള്, കളിപ്പാട്ടങ്ങള്, കരകൗശല വസ്തുക്കള്, വീട്ടുപകരണങ്ങള്, പലഹാരങ്ങള്, സ്റ്റേഷനറികള്, പുസ്തകങ്ങള് അങ്ങനെ നിങ്ങള്ക്ക് ആവശ്യമുള്ളതെന്തും വില്പ്പനയ്ക്ക് വച്ചിരിക്കുന്ന സ്ഥലമാണ് ഇത്.
Photo Courtesy: Wasted Time R at English Wikipedia
04. ചരിത്രപ്രസിദ്ധമായ ഹവേലികള് സന്ദര്ശിക്കാം
1916ല് ജവര്ഹര്ലാന് നെഹൃവിന്റേയും കമല നെഹൃവിന്റേയും വിവാഹം നടന്ന ഹക്സാര് ഹവേലി ഉള്പ്പടെ നിരവധി ഹവേലികള് സന്ദര്ശിക്കാം. ഭഗീരഥ പാലസ്, കിനാരി ബസാറിലെ നൗഗാറ മാന്ഷന്. പാക്കിസ്ഥാന് പ്രസിഡന്റ് ആയിരുന്ന മുഷറാഫ് ജനിച്ച ഹവേലി നഹര്വാലി, സീനത്ത് ഹവേലി തുടങ്ങി നിരവ്ധി ഹവേലികള് സന്ദര്ശിക്കാം
Photo Courtesy: Anwaraj
05. പുണ്യസ്ഥലങ്ങള് സന്ദര്ശിക്കാം
ഇന്ത്യയിലെ തന്നെ ഏറ്റവും പ്രശസ്തമായ മസ്ജിദ് ആയ ജമാ മസ്ജിദ് ഉള്പ്പടെ നിരവധി മസ്ജിദുകളും ക്ഷേത്രങ്ങളും ചാന്ദ്നി ചൗക്കില് സ്ഥിതി ചെയ്യുന്നുണ്ട്. ശ്രീ ദിഗംബര് ജൈന് ലാല് മന്ദിര്, ഗൗരി ശങ്കര് മന്ദിര്, സിഖ് ഗുരുദ്വാര തുടങ്ങിയവയൊക്കെ ഇവിടെ സ്ഥിതി ചെയ്യുന്നുണ്ട്.
Photo Courtesy: Art Poskanzer from Berkeley, USA
Click it and Unblock the Notifications
