മഴക്കാലത്ത് ഗോവയില്‍ പോയാല്‍?

വന്യജീവി സങ്കേതങ്ങൾ (Wildlife Sanctuary)

ഗോവയിൽ വന്യജീവി സങ്കേതങ്ങളോ? എന്ന് നിങ്ങൾ ചോദിക്കേണ്ട. ഒന്നിലധികം വന്യജീവി സങ്കേതങ്ങൾ ഇവിടെയുണ്ട്. മോളെം ദേശീയോദ്യാനം ആണ് അതി‌ൽ പ്രധാനം. കോറ്റിഗാവോ വന്യജീവി സങ്കേതമാണ് മറ്റൊന്ന്. എന്നാൽ വലിപ്പം കുറവാണെങ്കിലും ബൊണ്ടളൊ വന്യജീവി സങ്കേതത്തിൽ നിങ്ങൾക്ക് വളരെ എളുപ്പത്തിൽ എത്തിച്ചേരാം.
Photo Coutesy: ptwo

ധൂത്‌സാഗർ വെള്ളച്ചാട്ടം (Dudhsagar Falls)

മഴക്കാലത്ത് ഗോവയിൽ കണ്ടിരിക്കേണ്ട കാഴ്ചകളിൽ ഒന്ന് ധൂത്‌സാഗർ വെ‌ള്ളച്ചാട്ടമാണ്. മൊള്ളെം ദേശീയ ഉദ്യാനത്തിന് സമീപത്തായാണ് നയന മനോഹരമായ ഈ വെള്ളച്ചാട്ടം സ്ഥിതി ചെയ്യുന്നത്. ചെന്നൈ എക്സ്പ്രസ് എന്ന സിനിമയിലൂടെയാണ് ഈ വെള്ളച്ചാട്ടം ഏറെ പ്രശസ്തമായത്.
Photo Coutesy: Amey Hegde

സവോയി (Savoi)

മഴക്കാലത്ത് ഗോവ സന്ദർശിക്കുമ്പോൾ ഒരിക്കലും സന്ദർശനം ഒഴിവാക്കാൻ പാടില്ലാത്ത മറ്റൊരു സ്ഥലമാണ് സവോയിലെ തോട്ടങ്ങൾ. ഗോവയിലെ പോണ്ടയിൽ നിന്ന് കാനപാതയിലൂടെ മലനിരകൾ കയറിവേണം ഇവിടെയെത്താൻ.
Photo Coutesy: Jennifer Rose Stankowski

ബോട്ട് യാത്ര (Boat cruise)

സായ്ഹ്നത്തിൽ പനജിയിലെ മണ്ഡവി നദിയിലൂടെ ബോട്ട് യാത്ര ചെയ്യുന്നതും ഗോവയുടെ മഴക്കാലത്തെ സുന്ദരമായ അനുഭവങ്ങൾ അനുഭവിക്കാൻ ഉചിതമാണ്. ചൂണ്ടയിടൽ, വാട്ടർ റാഫ്റ്റിങ് തുടങ്ങിയ കാര്യങ്ങൾക്കും മഴക്കാലം പറ്റിയ സമയമാണ്.
Photo Coutesy: Kalervo Kinnunen

ഉത്സവങ്ങൾ (Festivals )

ഗോവയിലെ മഴക്കാലം വ്യത്യസ്തമായ ആഘോഷങ്ങളുടെ കാലം കൂടിയാണ്. ജൂൺ അവസാനം നടക്കുന്ന സാവോ ജോവോ ആഘോഷം, സെയ്ന്റ് പീറ്ററിന്റേയും പോളിന്റേയും തിരുന്നാൾ എന്നിവകൂടാതെ ഗണേശ് ചതുർത്തിയും മഴക്കാലത്താണ് നടക്കാറുള്ളത്.
Photo Coutesy: Joel's Goa Pics

നൈറ്റ് ലൈഫ് (Nightlife)

ഗോവയിലെ പ്രശസ്തമായ നിശാ ജീവിതം മഴക്കാലത്ത് അത്ര സജീവമല്ല. എന്നാൽ ബാഗ ബീച്ചിലെ നിശാജീവിതത്തിന് മഴക്കാലം ഒരു പ്രശ്നമല്ല. ഇവിടുതത്തെ ഹോട്ടലുകൾ ഡി ജെയും സംഗീത നിശകളും അരങ്ങേറാറുണ്ട്.
Photo Coutesy: Retinafunk

താമസം (Where to Stay)

കുറഞ്ഞ നിരക്കിൽ മഴക്കാലത്ത് താമസിക്കാൻ പറ്റിയ ഹോട്ടലുകൾ ബുക്ക് ചെയ്യാം.