Click it and Unblock the Notifications
കാവേരി നദി വളഞ്ഞ് പുളഞ്ഞ് ഒഴുകുന്നതിനിടെ നിരവധി ദ്വീപുകളും തീര്ത്തിട്ടുണ്ട്. അത്തരത്തില് ഒരു ദ്വീപാണ് നിസര്ഗധാമ. കര്ണാടകയില് കൂര്ഗ് ജില്ലയില് കുശാല് നഗറിന് സമീപത്തായാണ് നിസര്ഗധാമ സ്ഥിതി ചെയ്യുന്നത്. കര്ണാടക വനം വകുപ്പാണ് മുളംകാടുകള് നിറഞ്ഞ ഈ ദ്വീപ് പരിപാലിക്കുന്നത്.
തൂക്കൂപാലത്തിലൂടെ പ്രകൃതിയിലേക്ക്
കാവേരി നദിയുടെ നടുവിലായി സ്ഥിതി ചെയ്യുന്ന ഈ സ്ഥലത്തേക്ക് ഒരു തൂക്കുപാലത്തിലൂടെയാണ് എത്തിച്ചേരേണ്ടത്. തൂക്കുപാലത്തിലൂടെയുള്ള ഈ യാത്ര തന്നെ അവിസ്മരണീയമായ ഒന്നാണ്. 90 മീറ്റർ നീളമുണ്ട് ഈ തൂക്കുപാലത്തിന്. തുക്കുപാലം കടന്ന് അക്കരെയെത്തിയാൽ 35 ഏക്കറിലായി പടർന്ന് കിടക്കുന്ന സുന്ദരമായ നിസർഗധാമ ആയി. മുളങ്കാടുകൾ കൂടാതെ മറ്റു പലയിനം വൃക്ഷലതാതികളും ഇവിടെ വളരുന്നുണ്ട്.
എത്തിച്ചേരാൻ
കുശാൽ നഗറാണ് നിസർഗധാമിന് അടുത്തുള്ള പ്രധാനനഗരം. കുശാൽ നഗറിൽ നിന്ന് മൂന്ന് കിലോമീറ്റർ അകലെയായാണ് നിസർഗധാമം സ്ഥിതി ചെയ്യുന്നത്. കണ്ണൂരിൽ നിന്ന് ഇരിട്ട് വീരാജ് പേട്ട വഴിയും, മാനന്തവാടിയിൽ നിന്ന് കുട്ട വഴിയും മടിക്കേരിയിൽ എത്തിച്ചേരാം. മടിക്കേരിയിൽ നിന്ന് 38 കിലോമീറ്റർ യാത്ര ചെയ്താൽ നിസർഗാധാമിലെത്താം. മൈസൂരിൽ നിന്ന് കുശാൽ നഗർ വഴി എളുപ്പത്തിൽ നിസർഗധാമിൽ എത്തിച്ചേരാം.
രാവിലെ ഒൻപത് മണിമുതൽ വൈകുന്നേരം 5 മണിവരെയാണ് ഇവിടെ പ്രവേശന സമയം. വളരെ ചെറിയ പ്രവേശന ഫീസ് നിസർഗധാമയിൽ പ്രവേശിക്കുന്ന സഞ്ചാരികൾ അടയ്ക്കണം.
നിസർഗധാമയെക്കുറിച്ച് കൂടുതൽ കാര്യങ്ങൾ ചിത്രങ്ങളിലൂടെ മനസിലാക്കാം
നിസർഗധാമിലേക്ക്
തൂക്കുപാലം
പഴയപാലം
കാവേരി നദി
കാവേരിയമ്മ
മുളങ്കാടുകൾക്ക് ഇടയിലൂടെ
കുരങ്ങുകൾ
ഏറുമാടം
Photo Courtesy: Akarsh Simha
മുളങ്കാടുകൾ
ബോട്ടിംഗ്
ഡീർ പാർക്ക്
Photo Courtesy: Sajith T S
ആന സവാരി
മുയലുകൾ
കാക്ക
മ്ലാവ്
Photo Courtesy: Tinucherian
