പ്രണയദിനം ആഘോഷിക്കാം... ആള്‍ത്തിരക്കില്ലാത്ത ഇടങ്ങളിലേക്ക് പോകാം

ഓര്‍ച്ച

ഒറ്റ യാത്രയില്‍ നൂറ്റാണ്ടുകളോളം പുറകിലോട്ട് കൊണ്ടുപോകുന്ന അപൂര്‍വ്വം നഗരങ്ങളില്‍ ഒന്നാണ് ഓര്‍ച്ച. മധ്യപ്രദേശ് ഒളിപ്പിച്ചിരിക്കുന്ന അത്ഭുതങ്ങളില്‍ ഒന്നായ ഇവിടം കാലത്തിനും അതീതമായി നിലകൊള്ളുന്ന ഇടമാണ്. പതിനാറാം നൂറ്റാണ്ടിലെയും പതിനേഴാം നൂറ്റാണ്ടിലെയും ക്ഷേത്രങ്ങളും കൊട്ടാരങ്ങളും നിങ്ങള്‍ക്കിവിടെ പങ്കാളിക്കൊപ്പം സന്ദര്‍ശിക്കാം. ഒരുകാലത്ത് ബുണ്ടേല ഭരണാധികാരികളുടെ തലസ്ഥാന നഗരമായി ഇത് പ്രവർത്തിച്ചിരുന്നു, ഈ സ്ഥലത്തേക്കുള്ള ഒരു യാത്ര അക്കാലത്തെ ചരിത്രത്തിന്റെ ഒരു നേർക്കാഴ്ച്ച നിങ്ങളെ അനുവദിക്കും.
PC:ShivaRajvanshi

ഖാജിയാര്‍

ഏതു കാലത്തും തിരക്കേറിയ ഹിമാചല്‍ പ്രദേശിലെ താരതമ്യേന തിരക്കു കുറഞ്ഞ ഇടമാണ് ഖാജിയാര്‍. ധര്‍മ്മശാലയ്ക്ക് സമീപത്തായി സ്ഥിതി ചെയ്യുന്ന ഈ കുഞ്ഞു ഹില്‍ സ്റ്റേഷന്‍ ആള്‍ക്കൂട്ടത്തില്‍ നിന്നും നിങ്ങളെ മാറി നില്‍ക്കുവാന്‍ സഹായിക്കും. അതിമനോഹരമായ പ്രകൃതി സൗന്ദര്യവും മനോഹരമായ ഭൂപ്രകൃതിയും പങ്കാളിക്കൊപ്പം നിങ്ങള്‍ക്കിവിടെ ആസ്വദിക്കാം.
PC:Harvinder Chandigarh

പെല്ലിങ്

ഹിമാലയത്തിന്‍റെ കാഴ്ചകളോട് ചേര്‍ന്നാണ് വാലന്‍റൈന്‍സ് ദിനം ചിലവഴിക്കുവാന്‍ ആഗ്രഹിക്കുന്നതെങ്കില്‍ സംശയമേതുമില്ലാതെ പെല്ലിങ് തിരഞ്ഞെടുക്കാം. ഗാംഗ്‌ടോക്കിലെ മറഞ്ഞിരിക്കുന്ന ഇടങ്ങളിലൊന്നാണിത്. മഞ്ഞുമൂടിയ കൊടുമുടികളുടെ സമാനതകളില്ലാത്ത കാഴ്ചകൾ ഇവിടെ നിങ്ങള്‍ക്ക് ലഭിക്കും. നിങ്ങളുടെ സ്നേഹം പ്രകടിപ്പിക്കുവാനുള്ള ഏറ്റവും മികച്ച് ഇടമായിരിക്കും ഇത്.
PC:Santanu Paul

പൂവാര്‍

കേരളത്തിന്റെ അങ്ങേയറ്റത്തുള്ള അതിമനോഹരമായ ഒരു ഭൂപ്രദേശമാണ് പൂവാര്‍. തിരുവനന്തപുര്തതിന്റെ അതിര്‍ത്തിയില്‍ സ്ഥിതി ചെയ്യുന്ന ഇവിടം നഗരത്തിന്റെ എല്ലാവിധ തിരക്കുകളില്‍ നിന്നും മാറിയാണുള്ളത്. സാധാരണ ഗതിയില്‍ കോവളത്തിന്റെ തിരക്കുകളില്‍ നിന്നും മാറി നില്‍ക്കുവാനാഗ്രഹിക്കുന്നവരാണ് സാധാരണയായി ഇവിടെയെത്തുന്നത്. തിരുവനന്തപുരത്തു നിന്നും വെറും 38 കിലോമീറ്റര്‍ മാത്രമേ ഇവിടേക്ക് ദൂരമുള്ളൂ. വിഴിഞ്ഞത്തിനു സമീപത്ത് സ്ഥിതി ചെയ്യുന്ന ഇവിടെ ധാരാളം വിനോദ സഞ്ചാര സാധ്യതകളും റിസോര്‍ട്ടുകളുമുണ്ട്
PC: Midhun Subhash

കൗസാനി, ഉത്തരാഖണ്ഡ്

ഹിമാലയത്തിന്‍റെ കാഴ്ചകള്‍ ആവോളം കാണുവാനുള്ള ഇടമാണ് കൗസാനി. ഇന്ത്യയുടെ സ്വിറ്റ്സര്‍ലന്‍ഡ് എന്നു സഞ്ചാരികള്‍ സ്നേഹപൂര്‍വ്വം വിളിക്കുന്ന ഇവിടം അൽമോറയിൽ നിന്ന് 50 കിലോമീറ്റർ അകലെ സ്ഥിതി ചെയ്യുന്നു. സമുദ്രനിരപ്പിൽ നിന്ന് 1890 മീറ്റർ ഉയരത്തിലുള്ള ഇവിടെ നിന്നാല്‍ ത്രിശൂൽ പർവ്വതം, നന്ദാദേവി, പഞ്ചുലി തുടങ്ങിയ ഇടങ്ങളുടെ മനോഹരമായ കാഴ്ചകള്‍ കാണാം.

സിറോ, അരുണാചല്‍ പ്രദേശ്

അത്ഭുതങ്ങളുടെ മാന്ത്രികതാഴ്വരയായി യാത്രികര്‍ കരുതുന്ന ഇടമാണ് സിറോ വാലി.ഇന്‍ഡോ-ടിബറ്റന്‍ അതിര്‍ത്തിയില്‍നിന്നും ജീവിക്കുവാനായി ഇവിടേക്ക് എത്തിയവരാണ് സിറോ വാലിക്കാര്‍. അരുണാചൽ പ്രദേശിലെ സുബൻസിരി ജില്ലയിൽ സ്ഥിതി ചെയ്യുന്ന സീറോ താഴ്‌വര ജീവിച്ചിരിക്കുന്ന ഇന്ത്യയിലെ ഏറ്റവും പഴക്കം ചെന്ന ഗോത്രങ്ങളിലൊന്നാണ്. വ്യത്യസ്തമായ കാഴ്ചകളാണ് പങ്കാളിക്കായി തിരഞ്ഞെടുക്കുന്നതെങ്കില്‍ ഇവിടം തികച്ചും അനുയോജ്യമാണ്.
PC:commons.wikimedia

ഹെമിസ്

അത്ഭുതപ്പെടുത്തുന്ന അപൂര്‍വ്വം ഭൂപ്രകൃതികളിലൊന്നാണ് ലേ ജില്ലയിലെ ഹെമിസ്. പ്രശസ്തമായ ഹെമിസ് മൊണാസ്ട്രിക്ക് പേരുകേട്ട ഈ ലക്ഷ്യസ്ഥാനം എല്ലാ നല്ല കാരണങ്ങളാലും സന്ദർശകരുടെ ശ്രദ്ധ അർഹിക്കുന്നു. നിങ്ങളും നിങ്ങളുടെ പങ്കാളിയും വന്യജീവി പ്രേമികളാണെങ്കിൽ, ഹെമിസ് നാഷണൽ പാർക്ക് സന്ദര്‍ശിക്കുവാന്‍ മറക്കരുത്.
PC:Urbain J. Kinet