ലോക വന്യജീവി ദിനം: മാറ്റിവയ്ക്കാം കുറച്ചു സമയം, ചിലവിടാം ഈ സ്ഥലങ്ങളിൽ

പീപ്പിൾ ഫോർ ആനിമൽസ്

ബെംഗളുരുവിൽ മൃഗസംരക്ഷണ പ്രവർത്തനങ്ങൾ നടത്തുന്ന സന്നദ്ധ സംഘടനകളിൽ ഒന്നാണ് പീപ്പിൾ ഫോർ ആനിമൽസ്. വികസന പ്രവർത്തനങ്ങളും നഗരവത്ക്കരണവും അനുദിനം നടക്കുന്ന ഈ നഗരത്തിൽ വന്യജീവികൾക്ക് ആവാസം എന്നത് ഒരു പ്രശ്നമായി മാറിയിരികകുകയാണ്. പക്ഷികൾ, കുരങ്ങുകൾ, പാമ്പുകൾ തുടങ്ങിയ ജീവികളെ സംരക്ഷിക്കുന്നതിനും അവയുടെ പുനരധിവാസം ഉറപ്പുവരുത്തുന്നതിനും ആവശ്യമായ രക്ഷാപ്രവർത്തനം നടത്തുന്നതിനുമായി പ്രവർത്തിക്കുന്ന സംഘടനയാണിത്. മൃഗങ്ങളെ രക്ഷാപ്രവര്‍ത്തനം നടത്തുക, ഭക്ഷണം നൽകൽ, ചികിത്സാ കാര്യങ്ങളിൽ സഹായിക്കൽ തുടങ്ങിയ കാര്യങ്ങളാണ് നിങ്ങൾക്ക് ചെയ്യുവാനുള്ളത്. ബാംഗ്ലൂരിൽ സുങ്കൽപാളയ എന്ന സ്ഥലത്താണ് ഇത് സ്ഥിതി ചെയ്യുന്നത്.

വൈൽഡ് ലൈഫ് എസ്ഓഎസ്

ഡൽഹി, മഥുര, ആഗ്ര എന്നീ മൂന്നു സ്ഥലങ്ങളിലായി മൃഗസംരക്ഷണത്തിനും മറ്റുമായി പ്രവർത്തിക്കുന്ന സംഘടനയാണ് വൈൽഡ് ലൈഫ് എസ്ഓഎസ്. ആനകളും കരടികളുമായി ബന്ധപ്പെട്ട സന്നദ്ധപ്രവർത്തനങ്ങളാണ് ഇവിടെ ആളുകൾക്ക് ചെയ്യുവാൻ അവസരമുള്ളത്. ഇവിടെ നിങ്ങൾ രജിസ്റ്റര്‍ ചെയ്യുകയാണെങ്കിൽ റസ്ക്യൂ ചെയ്ച മൃഗങ്ങളുടെ പരിപാലനം, അവയെ വൃത്തിയാക്കൽ, ഭക്ഷണം നല്കൽ തുടങ്ങിയ കാര്യങ്ങളൊക്കെ ഇവിടെ ചെയ്യുവാൻ സാധിക്കും. ഇത് കൂടാതെ ആനകളെയും കരടികളെയും കുളിപ്പിക്കുക, അവയുടെ സംരക്ഷണ പ്രവർത്തനങ്ങള്‍ നടത്തുന്നവരെ സഹായിക്കുക തുടങ്ങിയ കാര്യങ്ങൾ ഇവിടെ ചെയ്യാം.

അനിമൽ എയ്ഡ് അൺലിമിറ്റഡ്, ജയ്പൂർ

ജയ്പൂരിൽ പ്രവർത്തിക്കുന്ന മറ്റൊരു പ്രസിദ്ധമായ സംഘടനയാണ് അനിമൽ എയ്ഡ് അൺലിമിറ്റഡ്. തെരുവു മൃഗ സംരക്ൽഷണ പ്രവർത്തനങ്ങൾക്കാണ് ഇവർ പ്രാധാന്യം നല്കുന്നത്. സംരക്ഷണത്തിനും പുനരധിവാസത്തിനും ഉപരിയായി നായ്ക്കൾ, പശുക്കൾ, കഴുതകൾ തുടങ്ങിയവയെ സംഘടനയുടെ നേതൃത്വത്തിൽ പരിപാലിക്കുന്നു. വ്യത്യസ്തങ്ങളായ സമയങ്ങളലിൽ ഇവരൊരുക്കുന്ന സന്നദ്ധപ്രവർത്തന പരിപാടികളില്‍ നിങ്ങൾക്ക് സമയംപോലെ പങ്കെടുക്കാം, ഇവിടുത്തെ മൃഗങ്ങലെ കുളിപ്പിക്കുക, സംരക്ഷിക്കുക, ഭക്ഷണം നല്കുക,ഫിസിക്കൽ തെറാപ്പി പോലുള്ള കാര്യങ്ങൾ ആവശ്യമായി വരുന്ന മൃഗങ്ങളെ സഹായിക്കുക, തുടങ്ങി ഒരുപാട് കാര്യങ്ങൾ നിങ്ങൾക്കിവിടെ ചെയ്യാം.

ദി ഗ്രേറ്റ് ടൈഗർ പ്രോജക്ട് - കൻഹ ദേശീയോദ്യാനം

കാട്ടിലേക്കുള്ള യാത്രകളും വന്യജീവികളെയും ഇഷ്ടപ്പെടുന്നവരുടെ പ്രയ സങ്കേതമാണ് കൻഹ ദേശീയോദ്യാനം. ഇവിടെ സന്നദ്ധ പ്രവർത്തനം നടത്തുവാൻ അവസരം ലഭിക്കുക എന്നത് ഒരുപാട് കാഴ്ചകളിലേക്കും അവസരങ്ങളിലേക്കുമുള്ള ഒരു വാതിലാണ് തുറക്കുന്നത്. ഗ്രേറ്റ് ടൈഗർ പ്രോജക്റ്റ് എന്നറിയപ്പെടുന്ന ഇവിടുത്തെ വോളണ്ടിയർ പരിപാടി കടുവ സംരക്ഷണ പ്രവർത്തനങ്ങളിലും സഫാരികൾ, തുടങ്ങിയ കാര്യങ്ങളിൽ സേവനം നടത്തുവാനുള്ള അവസരമാണ്.
മൃഗങ്ങളുടെ കാൽപ്പാടുകൾ പിന്തുടരുവാനും ഇലിടുത്തെ ആദിവാസി ഗ്രാമങ്ങള് സന്ദർശിച്ച് അവരെ പല കാര്യങ്ങളിലും ബോധവത്ക്കരണ പ്രവർത്തനങ്ങള്‍ നടത്തുവാനും എല്ലാം ഇവിടെ അവസരമുണ്ടായിരിക്കും.

മദ്രാസ് ക്രോക്കോഡൈൽ ബാങ്ക് ട്രസ്റ്റ്, ചെന്നൈ

വംശനാശഭീഷണി നേരിടുന്ന ഉരഗങ്ങളെ പ്രജനനം നടത്തുന്നതിനായി പ്രവർത്തിക്കുന്ന ഇടമാണ് ചെന്നൈയിലെ മദ്രാസ് ക്രോക്കോഡൈൽ ബാങ്ക് ട്രസ്റ്റ്. 18 വയസ്സിന് മുകളിൽ പ്രായമുള്ളവർക്കാണ് ഇവിടെ സന്നദ്ധപ്രവർത്തനം നടത്തുവാൻ അനുമതിയുള്ളത്. രണ്ട് മുതൽ നാല് ആഴ്ചകൾ വരെ നീണ്ടു നിൽക്കുന്ന വ്യത്യസ്ത പ്രോജക്ടുകളിൽ ഇവിടെ പങ്കെടുക്കാം. കൂടാതെ അഞ്ച് ആഴ്‌ചകൾ ഉൾക്കൊള്ളുന്ന ദീർഘകാല സന്നദ്ധപ്രവർത്തന അവസരങ്ങളും ഇവിടെയുണ്ട്.