എറണാകുളം- ബെംഗളൂരു എക്സ്പ്രസ് 15 വരെ വഴിമാറി ഓടുന്നു.. കോയമ്പത്തൂർ പോകില്ല, പകരം ഈ സ്റ്റോപ്പ്, മാറ്റം

ബാംഗ്ലൂർ യാത്രക്കാരുടെ ശ്രദ്ധയ്ക്ക്...എറണാകുളത്തു നിന്നും ബെംഗളൂരുവിനുള്ള കെഎസ്ആർ ബെംഗളൂരു എക്സ്പ്രസ് വഴിമാറി ഓടുന്നു. സേലം ഡിവിഷനിലെ വിവിധ ഭാഗങ്ങളിൽ എഞ്ചിനീയറിംഗ് ജോലികൾ സുഗമമാക്കുന്നതിനായി ഫിക്സഡ് ടൈം കോറിഡോർ ബ്ലോക്ക് അനുവദിച്ചതിനെ തുടർന്നാണ് ട്രെയിൻ സർവീസുകളിൽ മാറ്റം വന്നിരിക്കുന്നത്. മെയ് 1 മുതൽ 15 വരെയുള്ള തിയതികളിലാണ് മാറ്റം.

എറണാകുളം ജംങ്ഷൻ - കെഎസ്ആർ ബെംഗളൂരു എക്സ്പ്രസ്

എറണാകുളത്ത് നിന്ന് രാവിലെ 9.10 മണിക്ക് പുറപ്പെടുന്ന ട്രെയിൻ നമ്പർ 12678 എറണാകുളം ജംങ്ഷൻ - കെഎസ്ആർ ബെംഗളൂരു ഇന്‍റർസിറ്റി എക്സ്പ്രസ് മെയ് 1 മുതൽ 15 വരെയുള്ള തിയതികളിൽ കോയമ്പത്തൂർ സ്റ്റോപ്പ് ഒഴിവാക്കി പോടന്നൂർ, ഇരുഗൂർ വഴി സർവീസ് നടത്തും. കൂടാതെ, പോടനൂരിൽ അധിക സ്റ്റോപ്പും നല്കിയിട്ടുണ്ട്. ഇവിടെ ഉച്ചയ്ക്ക് 12.47 ന് എത്തി 12.50ന് പുറപ്പെടും.

എറണാകുളം ജംങ്ഷൻ - 09:10
ആലുവാ - 09:30
തൃശൂർ - 10:18
പാലക്കാട് ജംങ്ഷൻ - 11:37
പോടന്നൂർ - 12.47
തിരുപ്പൂർ - 13:33
ഇറോഡ് ജംങ്ഷൻ - 14:15
ശങ്കരിദുര്‍ഗ് - 14:49
സേലം ജംങ്ഷൻ - 15:32
ധർമ്മാപുരി - 16:38
ഹൊസൂർ - 18:03
കാർമലാരം - 18:34
ബെംഗളൂരു കന്‍റോൺമെന്‍റ് - 19:19
കെഎസ്ആർ ബെംഗളൂരു - 21:00

ആലപ്പുഴ- ധൻബാദ് എക്സ്പ്രസ്

ആലപ്പുഴയിൽ നിന്ന് രാവിലെ 6.00 മണിക്ക് പുറപ്പെടുന്ന ട്രെയിൻ നമ്പർ 13352 ട്രെയിൻ നമ്പർ ആലപ്പുഴ- ധൻബാദ് എക്സ്പ്രസ് മെയ് 1 മുതൽ 15 വരെ കോയമ്പത്തൂർ സ്റ്റോപ്പ് ഒഴിവാക്കി പോടന്നൂർ, ഇരുഗൂർ വഴി സർവീസ് നടത്തും. പോടനൂരിൽ അധിക സ്റ്റോപ്പും നല്കിയിട്ടുണ്ട്. ഇവിടെ ഉച്ചയ്ക്ക് 12.17 ന് എത്തി 12.20ന് പുറപ്പെടും.

തിരുവനന്തപുരം- മുംബൈ സിഎസ്എംടി എക്സ്പ്രസ്

മെയ് 3, 10 തിയിതികളിൽ തിരുനന്തപുരത്ത് നിന്ന് രാവിലെ 4.25 ന് പുറപ്പെടുന്ന ട്രെയിൻ നമ്പർ 16332
തിരുവനന്തപുരം- മുംബൈ സിഎസ്എംടി എക്സ്പ്രസ് ഈ തിയതികളിൽ കോയമ്പത്തൂർ സ്റ്റോപ്പ് ഒഴിവാക്കി പോടന്നൂർ, ഇരുഗൂർ വഴി സർവീസ് നടത്തും. അധിക സ്റ്റോപ്പ് അനുവദിച്ച പോടന്നൂരിൽ വൈകിട്ട് 3.10ന് എത്തി 3.15 ന് യാത്ര പുനനാരംഭിക്കും.

തിരുനെൽവേലി- ബിലാസ്പൂർ എക്സ്പ്രസ്

മെയ് 4, 11 തിയതികളിൽ തിരുനെല്‍വേലിയിൽ നിന്ന് പുലർച്ചെ 1.35 ന് പുറപ്പെടുന്ന ട്രെയിൻ നമ്പർ 22620
തിരുനെൽവേലി- ബിലാസ്പൂർ എക്സ്പ്രസ് കോയമ്പത്തൂർ സ്റ്റോപ്പ് ഒഴിവാക്കി പോടന്നൂർ, ഇരുഗൂർ വഴി സർവീസ് നടത്തും. അധിക സ്റ്റോപ്പ് അനുവദിച്ച പോടന്നൂരിൽ ഉച്ചയ്ക്ക് 1.10ന് എത്തി 1.15 ന് യാത്ര പുനനാരംഭിക്കും.

എറണാകുളം- ബിലാസ്പൂർ എക്സ്പ്രസ്

മെയ് 7, 14 തിയതികളിൽ എറണാകുളം ജംങ്ഷനിൽ നിന്ന് രാവിലെ 8.40 ന് പുറപ്പെടുന്ന ട്രെയിൻ നമ്പർ 22816
എറണാകുളം- ബിലാസ്പൂർ എക്സ്പ്രസ് കോയമ്പത്തൂർ സ്റ്റോപ്പ് ഒഴിവാക്കി പോടന്നൂർ, ഇരുഗൂർ വഴി സർവീസ് നടത്തും. അധിക സ്റ്റോപ്പ് അനുവദിച്ച പോടന്നൂരിൽ ഉച്ചയ്ക്ക് 1.10ന് എത്തി 1.15 ന് യാത്ര പുനനാരംഭിക്കും.

പാലക്കാട് ടൗൺ- തിരുച്ചിറപ്പള്ളി എക്സ്പ്രസ്

മെയ് 1 മുതൽ 15 വരെയുള്ള തിയതികളിൽ പാലക്കാട് ടൗൺ റെയിൽവേ സ്റ്റേഷനിൽ നിന്ന് രാവിലെ 6.30ന് പുറപ്പെട്ട് കോയമ്പത്തൂർ ജംങ്ഷൻ, കോയമ്പത്തൂർ നോർത്ത്, പിലാമേട് എന്നീ സ്റ്റോപ്പുകൾ ഒഴിവാക്കി പോടന്നൂർ, ഇരുഗൂർ വഴി യാത്ര തുടരും.