Click it and Unblock the Notifications
കനത്ത മഞ്ഞുവീഴ്ചയെത്തുടര്ന്ന് ലേ-മണാലി ഹൈവേ അടച്ചു. നവംബർ 2 മുതൽ ആണ് ഇതുവഴിയുള്ള സിവിലിയന് വാഹനങ്ങള് പ്രവേശിക്കുന്നതിന് വിലക്കുള്ളത്. പാത വരുന്ന 2022 2 ഏപ്രിൽ-മെയ് മാസങ്ങളിൽ തുറക്കും. ലേ-മണാലി ഹൈവേ കൂടാതെ ഡാർച്ച-പടം റോഡും ഗ്രാമ്ഫു-കാസ ഹൈവേയും അടച്ചിരിക്കുകയാണ്.
ഇപ്പോൾ ഈ റോഡുകള് പോകുന്നത് വളരെ അപകടകരമാണെങ്കിലും (ദർച്ചയ്ക്ക് അപ്പുറം) ആളുകൾ പോകാൻ നിർബന്ധിക്കുന്നതായി മേഖലയിലെ പോലീസ് പറഞ്ഞതായി ടൈംസ് ഓഫ് ഇന്ത്യ റിപ്പോര്ട്ട് ചെയ്തു. പ്രദേശത്തെ നിബന്ധനകള്ഡ പാലിക്കാത്ത സഞ്ചാരികള്ക്കെതിരെ നടപടികള് സ്വീകരിക്കുവാനും തീരുമാനമുണ്ട്.
ലഹൗളിലെ ഹോട്ടലുകളിലും ഹോംസ്റ്റേകളിലും താമസിക്കുന്ന വിനോദസഞ്ചാരികൾ ഔദ്യോഗികമായി അടച്ച ബരാലച്ചയിലേക്കും ഷിങ്കുളയിലേക്കും പോകാൻ ശ്രമിക്കുന്നത് തങ്ങളുടെ ശ്രദ്ധയില് പെട്ടിട്ടുണ്ട്. ഇത് ഒരു അപകടത്തിൽ കലാശിക്കും. നിലവിലെ സാഹചര്യം കണക്കിലെടുത്ത് അപകടങ്ങൾ ഒഴിവാക്കാൻ പോലീസ് മുൻകരുതൽ സ്വീകരിക്കേണ്ടതുണ്ട്. അതിനാൽ,സിആര്പിസി നിയമത്തിലെ സെക്ഷൻ 149 പ്രകാരം, അടുത്ത വേനൽക്കാലത്ത് ഹൈവേ വീണ്ടും ഔദ്യോഗികമായി വീണ്ടും തുറക്കുന്നത് വരെ ദർച്ചയ്ക്ക് അപ്പുറത്തുള്ള സിവിലിയൻ വാഹന ഗതാഗതം നിരോധിച്ചിരിക്കും. ലഹൗൾ-സ്പിതി പോലീസ് സൂപ്രണ്ട് മാനവ് വർമ പറഞ്ഞു.
ലാഹൗളിലെ മഞ്ഞ് കാണാൻ പോകുന്നത് ഈ പ്രദേശത്തേക്ക് വരുന്ന യാത്രക്കാർക്ക് ചെയ്യാവുന്ന ഏറ്റവും നല്ല കാര്യമാണ്, എന്നിരുന്നാലും, വർഷത്തിലെ ഈ സമയത്തെ കാലാവസ്ഥയും റോഡിന്റെ അവസ്ഥയും നിങ്ങൾ അറിഞ്ഞിരിക്കണം. ഡാർച്ചയ്ക്ക് അപ്പുറത്തുള്ള ഹൈവേ നിലവിൽ മഞ്ഞുമൂടിയതാണ്, കാലാവസ്ഥ വളരെ തണുപ്പാണ്. അത്തരം സമയത്ത് മഞ്ഞുവീഴ്ച കാണാൻ പോകുകയോ ടാക്സികൾ വാടകയ്ക്കെടുക്കുകയോ ചെയ്യുന്നത് സുരക്ഷിതമല്ല.
റോഡ് അടച്ചതുമായി ബന്ധപ്പെട്ട സാഹചര്യം അതിഥികളെ അറിയിക്കാൻ ഹോട്ടലുകൾ, ഹോംസ്റ്റേകൾ, മറ്റ് താമസ സൗകര്യങ്ങൾ എന്നിവയ്ക്കും പോലീസ് ഉത്തരവിട്ടിട്ടുണ്ട്.
ഹ്യുണ്ടായിയുടെ 'ടർബോ ജോസ്' 55,000 രൂപ വിലക്കുറവിൽ
