സേവാ സർവ്വീസ് ട്രെയിൻ-അറിഞ്ഞിരിക്കേണ്ട കാര്യങ്ങൾ

സേവാ സർവ്വീസ് ട്രെയിൻ

തിരക്കുള്ള റൂട്ടുകളിലെ യാത്രാ ദുരിതം പരിഹരിക്കുന്നത്തിനായാണ് സേവാ സർവ്വീസ് ട്രെയിനുകൾ എത്തുന്നത്. വൻ നഗരങ്ങളെയും ചെറു പട്ടണങ്ങളെയും തമ്മിൽ ബന്ധിപ്പിച്ച് യാത്രാ ദുരിതം പരിഹരിക്കുകയാണ് ഇതിന്റെ ലക്ഷ്യം.

ആദ്യ ഘട്ടം പത്തു ട്രെയിനുകൾ

ആദ്യ ഘട്ടത്തിൽ പത്തു സേവാ സർവ്വീസ് ട്രെയിനുകളാണ് സർവ്വീസ് നടത്തുക. ഇതിൽ ഏറ്റവും അധികം നേട്ടം കൊയ്യാനായത് തമിഴ്നാടിനാണ്. പത്തു ട്രെയിനുകളിൽ മൂന്നെണ്ണവും സതേൺ റെയില്‍വേയ്ക്ക് കീഴിലുള്ള സേലം ഡിവിഷനാണ് ലഭിച്ചത്. ഓരോരോ റെയിൽവേ മേഖലകളിൽ നിന്നും ലഭിച്ച നിർദ്ദേശമനുസരിച്ചാണ് റൂട്ടുകൾ തിരഞ്ഞെടുത്തത്. എന്നാൽ കേരളത്തിന് ഒരു ട്രെയിൻ പോലും അനുവദിച്ചിട്ടില്ല.

ട്രെയിനുകൾ

പ്രതിദിന സർവ്വീസ് നടത്തുന്ന അഞ്ച് ട്രെയിനുകളും ആഴ്ചയിൽ ആറു ദിവസമുള്ള അഞ്ച് ട്രെയിനുകളും ചേരുന്നതാണ് സേവാ ട്രെയിൻ.
ഡൽഹി-ഷാംലി, ദിബ്രുഗഡ്- മർക്കോങ്സെലക്, ഭുവനേശ്വർ-ന്യായ്ഗഡ് ടൗൺ, കോട്ട-ജൽവാർ സിറ്റി, കോയമ്പത്തൂർ- പഴനി എന്നിവയാണ് പ്രതിദിന സർവ്വീസ് നടത്തുന്ന ട്രെയിനുകൾ.
കോയമ്പത്തൂർ-പൊള്ളാച്ചി, കരൂർ-സേലം, യശ്വന്ത്പുര- തുമകൂരു, അസർവൊ- ഹിമ്മത്ത് നഗർ, വഡനഗർ- മെഹ്സാന എന്നിവയാണ് ആഴ്ചയിൽ ആറു ദിവസമുള്ള ട്രെയിനുകൾ.