Click it and Unblock the Notifications
മനോഹരകാഴ്ചകളാല് സമ്പന്നമായ റജൗറി ജില്ല 1968ലാണ് രൂപവത്കരിച്ചത്. അതുവരെ പൂഞ്ച് ജില്ലയുടെ ഭാഗമായ ഈ നാടിന് നൂറ്റാണ്ടുകള് നീളുന്ന ചരിത്രമാണ് സഞ്ചാരികളോട് പറയാന് ഉള്ളത്. എ.ഡി 1194 മുതല് 1846 വരെ ജരാല് രാജവംശമാണ് ഇവിടം ഭരിച്ചത്. രാജഭരണ കാലത്തെ ശേഷിപ്പുകളായി നിരവധി കോട്ടകളും മസ്ജിദുകളും ഇന്നും റജൗറിയില് ഉണ്ട്.
സഞ്ചാരികള് ഒരു കാരണവശാലും പഞ്ച് പിര് ആരാധനാലയവും ലാല്ബൗലി എന്ന നീരുറവയും. അഞ്ച് സൂഫി സന്യാസിമാരുടെയും സഹോദരിയുടെയും ഖബറിടമായ ഇവിടം ജനപ്രതിനിധികളൂം പട്ടാളക്കാരുമടക്കം സന്ദര്ശിക്കുന്ന സ്ഥലമാണ്. ലാല്ബൗലിയിലാകട്ടെ അപൂര്വ ഇനം മല്സ്യങ്ങളെ നമുക്ക് കാണാം.
കതോരി സര്, ചമര് സര്, ദിയാസര്, സമോത് സര്, ഗുംസര്,ഭാഗ് സര് തുടങ്ങി നിരവധി മനോഹര തടാകങ്ങളും ഇവിടെയുണ്ട്. തന്നമാണ്ടി സരൈ, മംഗളാദേവി കോട്ട, മുര്ദാപുര് സരൈ, മസ്ജിദ്, നവോഗാസി സിയാറത്ത് തുടങ്ങി കോട്ടകളും ആരാധനാ കേന്ദ്രങ്ങളുമാണ് റജൗറി സന്ദര്ശകര്ക്കായി ഒരുക്കിവെച്ചിരിക്കുന്നത്. പാക്കിസ്ഥാനി പട്ടാളത്തില് നിന്ന് നാടിനെ രക്ഷിക്കാന് ജീവന് ബലി നല്കിയ ജനങ്ങളുടെ ഓര്മക്കായി നിര്മിച്ച ഉസ്മാന് മെമ്മോറിയലും ബലിദാന് ഭവനുമാണ് മറ്റ് ആകര്ഷണങ്ങള് .
വായു,റെയില്,റോഡ് മാര്ഗങ്ങളിലൂടെ ഇവിടെയത്തൊം. ഏപ്രില് മുതല് ജൂണ് വരെ നീളുന്ന വേനല്കാലമാണ് സന്ദര്ശനത്തിന് അനുയോജ്യം. തണുപ്പ്കാലത്തും കാഴ്ചകള് കാണാന് അനുയോജ്യമായ സാഹചര്യമാണ് ഇവിടെയുള്ളത്.
