യമുനോത്രിയേക്കുറിച്ച് അറിഞ്ഞിരിക്കേണ്ട കാര്യങ്ങൾ

ദുർഘടമായ പാതയിലൂടെ

നിബിഢ വനത്തില്‍ ദുര്‍ഘടമായ വഴികളിലൂടെ ഒരു പകല്‍ നീണ്ട ട്രെക്കിംങിനൊടുവിലാണ് വിശ്വാസികള്‍ യമുനോത്രിയിലെത്തുന്നത്. കുതിരകളെയും കോവര്‍കഴുതകളെയും ഈ തീര്‍ത്ഥയാത്രയില്‍ സഞ്ചാരികള്‍ക്ക് വേണമെങ്കില്‍ വാടകയ്ക്ക് തരപ്പെടുത്താം.

Photo Courtesy: Harisharma.atc

ലൊക്കേ‌ഷൻ

ഉത്തര്‍ഖണ്ഡ് സംസ്ഥാനത്തില്‍ ഗര്‍വാലിയുടെ ഭരണ നിര്‍വ്വഹണത്തിന്‍ കീഴിലാണ് യമുനോത്രി സ്ഥിതി ചെയ്യുന്നത്. ഇന്ത്യ - ചൈന അതിർത്തി‌ക്കടുത്തായാണ് യമുനോത്രി സ്ഥിതി ചെയ്യുന്നത്.
Photo Courtesy: Harisharma.atc

ചാര്‍ ധാം

ഹിന്ദുമത വിശ്വാസികള്‍ പാവനമായ് കരുതുന്ന നാല് പ്രമുഖ തീര്‍ത്ഥാടന സ്ഥലങ്ങളില്‍ ഒന്നാണ് യമുനോത്രി. ചാര്‍ ധാം എന്ന പേരിലാണ് ഈ നാല് സ്ഥലങ്ങള്‍ അറിയപ്പെടുന്നത്.

Photo Courtesy: Guptaele

യമുനോത്രി ക്ഷേത്രം

നദീദേവതയായ യമുനോത്രിയുടെ ക്ഷേ‌ത്രമാണ് ഇവിടുത്തെ ഏറ്റവും വലിയ ആകർഷണം.
പത്തൊന്‍പതാം നൂറ്റാണ്ടില്‍ ജയ്പുര്‍ മഹാറാണിയായ ഗുലേരിയയാണ് ഈ ക്ഷേത്രം പണീതത്. ചാര്‍ ധാം എന്നറിയപ്പെടുന്ന നാല് പ്രധാന തീര്‍ത്ഥാടന കേന്ദ്രങ്ങളിലൊന്നാണിത്. അക്ഷയ ത്രിതീയ നാളില്‍ ക്ഷേത്ര കവാടങ്ങള്‍ വിശ്വാസികള്‍ക്കായ് തുറന്ന് വെക്കും. ഹിന്ദു കലണ്ടറിലെ വൈശാഖ മാസത്തിലാണ് ഈ വിശേഷദിവസം. ദീപാവലിയുടെ അടുത്ത രണ്ട് നാളുകള്‍ക്ക് ശേഷം നട അടക്കുകയും ചെയ്യും.

Photo Courtesy: Atarax42

ചൂട് നീരുറവകൾ

ജാനകി ഛാട്ടിലെ ചൂട് വെള്ളമൊഴുകുന്ന അരുവികള്‍ വിസ്മയിപ്പിക്കുന്ന കാഴ്ചയാണ്. അരുവികളില്‍ നിന്ന് ചൂട് വെള്ളം വിവിധ ആവശ്യങ്ങള്‍ക്കായ് ചെറിയ ജലാശയങ്ങളിലേക്ക് ഒഴുക്കി സംഭരിക്കുന്നുമുണ്ട്. ഈ അരുവികളില്‍ സൂര്യകുണ്ഡ് ആണ് ഏറെ പ്രസിദ്ധം.
Photo Courtesy: Guptaele

ഉറവയിൽ വേവിച്ചെടുക്കുന്ന പ്രസാദം

മസ്ലിന്‍ തുണിയില്‍ അരിയും ഉരുളക്കിഴങ്ങും പൊതിഞ്ഞ് അരുവിയിലെ ഈ ചൂട് വെള്ളത്തില്‍ മുക്കി വെക്കുന്നു. അല്‍പസമയത്തിന് ശേഷം പുറത്തെടുക്കുന്ന വെന്തചോറും കിഴങ്ങുമാണ് ഇവിടെ പ്രസാദമായ് കൊടുക്കുന്നത്.
Photo Courtesy: Guptaele

ദിവ്യശില

യമുനോത്രി ക്ഷേത്രത്തിലേക്ക് പ്രവേശിക്കുന്നതിന് മുന്പ് ദിവ്യശില എന്നറിയപ്പെടുന്ന ഒരു ശിലാഫലകം സന്ദര്‍ശകര്‍ക്ക് കാണാം. ദൈവികജ്യോതി എന്നാണിതിനര്‍ത്ഥം. ദിവ്യത്വം കല്‍പിക്കപ്പെടുന്ന ഫലകത്തെ വണങ്ങിയതിന് ശേഷമാണ് ആളുകള്‍ ക്ഷേത്രത്തില്‍ കടക്കുന്നത്.
Photo Courtesy: Guptaele

കർശാലി ഗ്രാമം

ഇതിനടുത്തുള്ള കര്‍ശാലി ഗ്രാമം കുറെ വെള്ളച്ചാട്ടങ്ങളും അരുവികളും കൊണ്ട് പ്രസിദ്ധമാണ്. പ്രാചീനമായ ഒരു ശിവക്ഷേത്രവും ഇവിടെയുണ്ട്.
Photo Courtesy: RameshSharma1

ബദ്കോത്

യമുനോത്രിയിലേക്കുള്ള യാത്രയ്ക്കിടയിലെ ഒരിടത്താവളമാണ് ബദ്കോത്. പ്രസിദ്ധമായ ധരശു പട്ടണത്തില്‍ നിന്ന് 40 കിലോമീറ്റര്‍ മാറിയാണ് ഈ സ്ഥലം. മനോഹരമായ ആപ്പിള്‍ തോട്ടങ്ങളും പുരാതന ക്ഷേത്രങ്ങളും ഇവിടെയുണ്ട്.
Photo Courtesy: Dvellakat

ഹനുമാന്‍ ഛാട്ടി

യമുനോത്രിക്കടുത്തുള്ള ഹനുമാന്‍ ഛാട്ടി പ്രകൃതിരമണീയമായ പ്രദേശമാണ്. ട്രെക്കിംങ് സഞ്ചാരികളുടെ പ്രിയകേന്ദ്രം കൂടിയാണിത്.
Photo Courtesy: com4tablydumb