എലികളെ പേടിയില്ലെങ്കിൽ ദേഷ്നോക്കിലേക്ക് യാത്രപോകാം

ദേഷ്‌നോക്ക് എന്ന സ്ഥലം മലയാളികളെ സംബന്ധിച്ചിടത്തോളം അപരിചിതമായ ഒരു ഇടമാണ്. പക്ഷെ അവിടെ സ്ഥിതി ചെയ്യുന്ന എലികളുടെ ക്ഷേത്രത്തെക്കുറിച്ച് നിങ്ങൾ കേട്ടിട്ടുണ്ടാവാം. എലികളുടെ ക്ഷേത്രമെന്ന് കേൾക്കുമ്പോൾ ഗണപതിയുമായി ബന്ധപ്പെട്ട ക്ഷേത്രമാണെന്ന് കരുതരുത്. ഗണപതി വാഹനമാണ് എലി എന്ന് കരുതി ഈ ക്ഷേത്രവും ഗണപതിയുമായി ഒരു ബന്ധവുമില്ല.

എലികളുടെ ക്ഷേത്രം എന്ന് കേട്ടാൽ എലിയാണ് ഇവിടുത്തെ പ്രതിഷ്ടയെന്നും വിചാരിക്കാരുത്. ഈ ക്ഷേത്രത്തിൽ നിറയെ കറുത്ത എലികളാണ്. എവിടെ നോക്കിയാലും എലികൾ അതിനാലാണ് ഈ ക്ഷേത്രം എലികളുടെ ക്ഷേത്രം എന്ന് അറിയപ്പെടുന്നത്.

ദേഷ്നോക്കിലേക്ക് പോകാം

വിചിത്രമായ കാര്യങ്ങൾക്ക് പേരുകേട്ട സ്ഥലമായ രാജസ്ഥാനിലാണ് ദേഷ്നോക്ക് സ്ഥിതി ചെയ്യുന്നത്. കൃത്യമായി പറഞ്ഞാൽ രാജസ്ഥാനിലെ ബീക്കാനീർ ജില്ലയിൽ. പാക്കിസ്ഥാന്റെ അതിർത്തിയിൽ ബീക്കാനീറിൽ നിന്ന് 30 കിലോമീറ്റർ അകലെയായിട്ടാണ് ഈ സ്ഥലം സ്ഥിതി ചെയ്യുന്നത്.

എലികളുടെ ക്ഷേത്രം

കർണിമാത ക്ഷേത്രമെന്നാണ് എലികളുടെ ക്ഷേത്രത്തിന്റെ ശരിയായ പേര്. ദേഷ്നോക്ക് എന്ന ഗ്രാമം സഞ്ചാരികളുടെ ഇടയിൽ ശ്രദ്ധനേടാൻ കാരണം കർണിമാത ക്ഷേത്രമാണ്. ദുര്‍ഗാദേവിയുടെ ഒരു അവതാരമായ കര്‍ണിമാതാ ദേവിയും ഇവിടെ പൂജിക്കപ്പെടുന്നു. ബികാനര്‍ വംശജരുടെ കുലദേവതയാണ് കര്‍ണിമാത ദേവി.

കർണിമാത ക്ഷേത്രത്തെക്കുറിച്ചുള്ള കൂടുതൽ കാര്യങ്ങൾ അറിയാം

ഗംഗാ സിംഗ് മഹാരാജാവ്

ഇരുപതാം നൂറ്റാണ്ടില്‍ ഗംഗാ സിംഗ് മഹാരാജാവാണ് കർണിമാതാ ക്ഷേത്രം നിർമ്മിച്ചത്. ഈ ക്ഷേത്രത്തിൽ ഏകദേശം ഇരുപതിനായിരത്തിൽ അധികം എലികൾ ഉണ്ടെന്നാണ് കണക്ക്.
Photos: Pablo Nicolás Taibi Cicare

കബാസ്

ഇവിടെ വിഹരിക്കുന്ന എലികൾ കബാസ് എന്ന പേരിലാണ് അറിയപ്പെടുന്നത്. ദേവിയുടെ പിറക്കാനിരിക്കുന്ന കുഞ്ഞുങ്ങളുടെ പ്രാണവാഹകരാണ് ഈ എലികൾ എന്നാണ് വിശ്വാസം.

Photos: Arian Zwegers

എലി ഭക്തി

ഇവിടെ എത്തുന്ന ഭക്തർ എലികളെ ദൈവമായാണ് കരുതുന്നത്. അതിനാൽ ഇവിടുത്തെ എലികളെ ആരും ഉപദ്രവിക്കാറില്ല. ഇവയുടെ ദര്‍ശനവും അപൂര്‍വ്വമായ് തീര്‍ത്ഥാടകരുടെ കാലിന് ലഭിക്കുന്ന ഇവയുടെ സ്പര്‍ശനവും മംഗളകരമാണെന്നാണ് വിശ്വാസം. തീര്‍ത്ഥാടകര്‍ നല്‍കുന്ന പ്രസാദമാണ് ഈ മൂഷിക ഗണത്തിന്റെ ഭക്ഷണം.

Photos: Schwiki

ശില്പവേലകൾ

അനുപമമായ ശൈലിയില്‍ വെണ്ണക്കല്ലില്‍ ചെയ്തുവെച്ചിരിക്കുന്ന കൊത്തുപണികള്‍ കര്‍ണി മാതാ ക്ഷേത്രത്തിന്റെ ശില്പവേലയ്ക്ക് അനന്യ ചാരുത നല്‍കുന്നു.

Photos: dalbera

കർണിമാത മഹോത്സവം

വർഷത്തിൽ രണ്ട് തവണയാണ് കർണിമാത മഹോത്സവം നടക്കാറുള്ളത്. നിരവധി ടൂറിസ്റ്റുകളാണ് ഈ സമയം ഇവിടേക്ക് ഒഴുകിയെത്തുന്നത്. മാര്‍ച്ച്, ഏപ്രില്‍, സെപ്തംബര്‍ ഒക്‌റ്റോബര്‍ മാസങ്ങളിലായാണ് ഈ ഉത്സവം കൊണ്ടാടുന്നത്.

Photos: Shakti