ബാംഗ്ലൂരില്‍ നിന്ന് യാത്ര പോകാന്‍ അവലബേട്ട

കാര്‍മേഘങ്ങള്‍ പന്തലിട്ട ഹൈവേ‌യിലൂടെ

യെലഹങ്കയില്‍ നിന്ന് ദേശീയപാത ഏഴിലൂടെ ദേവനഹള്ളിയിലേക്കുള്ള ഹൈവേയില്‍ മഴമേഘങ്ങള്‍ക്ക് കീഴെ മുന്നോട്ട്, മുന്നോട്ട്

Photo Courtesy: Akshatha Vinayak

കോട്ട കെട്ടിയ മലനിരകള്‍

അവലബേട്ടയിലേക്കുള്ള യാത്രയില്‍ സുന്ദരമായ ഇത്തരം ചെറുമലനിരകള്‍ ഒരു കോട്ട പോലെ ഉയര്‍ന്ന് നില്‍ക്കുന്നത് കാണാം. സഞ്ചാരികളുടെ പ്രിയപ്പെട്ട സ്ഥലമായ നന്ദി ഹില്‍സ് അവയില്‍ ഒരു സ്ഥലമാണ്.
Photo Courtesy: Akshatha Vinayak

പേരസാന്ദ്രയില്‍ നിന്ന് ഇടത്തോട്ട്

പേരസാന്ദ്രയില്‍ നി‌ന്ന് ഇടത്തോട്ട് തിരിഞ്ഞാ‌ല്‍ മരങ്ങള്‍ക്കിടയിലൂടെ ഗ്രാമ‌ത്തിലേക്ക് നീളുന്ന വീതി കുറഞ്ഞ റോഡാണ് കാണാന്‍ കഴിയുക.
Photo Courtesy: Akshatha Vinayak

അവലെബേട്ട രണ്ടര കിലോമീറ്റര്‍

പേരസന്ദ്രയില്‍ നിന്ന് ഇടത്തോട്ട് തിരിഞ്ഞ് മുന്നോട്ട് നീങ്ങിയാല്‍ ഒരു സൈന്‍‌ബോര്‍ഡ് കന്നഡയില്‍ എഴുതിയിരിക്കുന്നത് കാണാം അവലെബേട്ട രണ്ടര കിലോമീറ്റര്‍ എന്നാണ് ബോര്‍ഡില്‍. ജി പി എസ് ഉ‌പയോഗിച്ച് വളരെ എളുപ്പത്തില്‍ ഇ‌വിടെ എത്തിച്ചേരാം.
Photo Courtesy: Akshatha Vinayak

കുന്ന് കയറി മുന്നോട്ട്

രണ്ട് മൂന്ന് ഹെയര്‍പിന്‍ വളവുകള്‍ തിരിഞ്ഞ് കുന്നിന് മുകളില്‍ എത്തിച്ചേരാം
Photo Courtesy: Akshatha Vinayak

കവാടം കടന്ന്

അവലെബേട്ടയിലേക്കുള്ള കവാടം. ധേ‌നുഗിരി എന്നു കൂടി പേരുള്ള അവലെബേട്ട ഒരു ഹൈന്ദവ തീര്‍ത്ഥാടന കേന്ദ്രം കൂടിയാണ്.
Photo Courtesy: Akshatha Vinayak

പടികെട്ടുകള്‍ കയറി

വാഹനങ്ങള്‍ക്ക് എത്താവുന്ന സ്ഥലം അവസാനിക്കുന്നിടത്ത് ‌നിന്ന് കരിങ്കല്‍ പടി‌ക്കെട്ടുകള്‍ ആരംഭിക്കുകയാണ്. കുന്നിന്‍ മുകളിലേക്ക് ഈ പടിക്കെട്ട് കയറി വേണം എത്തിച്ചേരാന്‍. കുന്നിന്‍ മുകളിലായി നരസിംഹ സ്വാമി ക്ഷേത്രം സ്ഥിതി ചെയ്യുന്നുണ്ട്.
Photo Courtesy: Akshatha Vinayak

കുരങ്ങ് ഭരണം

നിങ്ങള്‍ പ്രതീക്ഷിക്കുന്നത് പോലെ തന്നെ ഇവിടേയും കുരങ്ങുകള്‍ക്ക് യാതൊരു കുറവുമില്ലാ. എല്ലാം നിങ്ങള്‍ തന്നെ കാത്തുകൊള്‍കാ.
Photo Courtesy: Akshatha Vinayak

കുരങ്ങിന് നേരെ

ക്ഷേത്രത്തിന് താഴെയായി അരിഞ്ഞ് വച്ച കക്കരിക്കായും ബേല്‍പൂ‌രിയുമൊക്കെ വി‌ല്‍ക്കുന്ന കച്ചവടക്കാരെ കാണാം. അവരില്‍ നിന്ന് അവയൊക്കെ തട്ടിയെടുക്കാന്‍ നോക്കുന്ന കുരങ്ങന്മാരും. കുരങ്ങന്മാരെ ഓടിക്കാനുള്ള ഒരു വഴിയോര കച്ചവടക്കാരന്റെ ശ്രമം.
Photo Courtesy: Akshatha Vinayak

ലക്ഷി നരസിംഹ സ്വാമി ക്ഷേത്രം

നര‌‌‌‌‌‌സിംഹ സ്വാമി ‌ചുഞ്ച്‌ലക്ഷ്മിയെ വിവാഹം കഴിച്ചത് ഇവിടെ വച്ചാണെന്നാണ് വിശ്വാസം. ഒരിക്കല്‍ നരസിംഹ സ്വാമിയുമായി പിണങ്ങിയ ചുഞ്ച്‌ലക്ഷി ഇവിടെയു‌ള്ള പാറ‌യി‌ല്‍ പോയി ഇരുന്നെന്നാണ് വിശ്വാസം. നരസിംഹ സ്വാമി ക്ഷേത്രം സ്ഥിതി ചെയ്യുന്ന സ്ഥ‌ലത്തിനേക്കാള്‍ ഉയരത്തിലാണ് ല‌ക്ഷ്മി ക്ഷേത്രം സ്ഥിതി ചെയ്യുന്നത്.
Photo Courtesy: Akshatha Vinayak

ധേനുഗിരി

കാമധേനു വസിക്കുന്ന സ്ഥലമാണ് ഇതെന്നാണ് പറയപ്പെടുന്നത്. അതിനാലാണ് ഈ സ്ഥലത്തിന് ധേനുഗിരിയെന്ന പേര് വന്നത്. അവലു എന്ന തെലുങ്ക് പദത്തിന്റെ അര്‍ത്ഥം കന്നുകാലികള്‍ എന്നാണ് കന്നുകാലികളുടെ കുന്ന് എന്നാണ് അവേലുബേട്ടയുടെ അര്‍ത്ഥം.
Photo Courtesy: Akshatha Vinayak

പൊയ്കകള്‍

ക്ഷേത്രത്തിന് സമീ‌പത്ത് കാണുന്ന പടികെട്ടുകളിലൂടെ വീണ്ടും മുകളിലേക്ക് നീങ്ങിയാല്‍ നിങ്ങള്‍ക്ക് ഒരു പൊയ്ക കാണാം.
Photo Courtesy: Akshatha Vinayak

വ്യൂപോയ്ന്റുകള്‍

അടിവാരത്തിലെ സുന്ദരമായ കാഴ്ചകള്‍ സമ്മാനിക്കുന്ന വ്യൂ പോയിന്റുകളും ഇവിടെ കാണാം.
Photo Courtesy: Akshatha Vinayak

പ്രധാന ആകര്‍ഷണം

മുന്നോട്ടേക്ക് ഉന്തി നില്‍ക്കുന്ന വലിയ ഒരു പാറയും മറ്റൊരു വലുയ പൊയ്കയുമാണ് ഇവിടുത്തെ വലിയ ആകര്‍ഷണം. പാറയു‌ടെ മുകളില്‍ ഇരുന്ന് ഫോട്ടോയെടുക്കുന്നത് നല്ല കാര്യമാണെങ്കിലും അപകടം പതിയി‌രിക്കുന്ന കാര്യം ഓര്‍ത്തിരിക്കുന്നത് നല്ലതാണ്.
Photo Courtesy: Akshatha Vinayak

കാറ്റിന്റെ മര്‍മ്മരം

കുന്നിന്റെ മുകളില്‍ നല്ല കാറ്റുണ്ടാകും. പാറയിലൂടെ നടന്ന് പോകുമ്പോള്‍ കാറ്റത്ത് ബാലന്‍സ് തെറ്റാതിരിക്കാന്‍ പ്ര‌ത്യേകം ശ്രദ്ധിക്കണം.
Photo Courtesy: Akshatha Vinayak

ബസില്‍ യാത്ര ചെയ്യുമ്പോള്‍

സ്വകാര്യ വാഹനത്തില്‍ ഇവിടെ സന്ദര്‍ശിക്കുന്നതാണ് നല്ലത്. ബാംഗ്ലൂരില്‍ നിന്ന് ചിക്കബല്ലാപൂര്‍ വരെ നേരിട്ട് ബസ് കിട്ടും. അവിടെ നിന്ന് മണ്ഢികല്‍ (Mandikal) ബസില്‍ കയറുക. മണ്ഡികലില്‍ നിന്ന് 11 കിലോമീറ്റര്‍ അകലെയായാണ് ഈ സ്ഥലം സ്ഥിതി ചെയ്യുന്നത്.
Photo Courtesy: Akshatha Vinayak

സൗകര്യങ്ങള്‍ ‌പ്രതീക്ഷിക്കരുത്

ഹൈവേയില്‍ എത്തു‌ന്നത് വരെ ഹോട്ടലുകള്‍ ഒന്നും പ്രതീക്ഷിക്കരുത്. ഹൈവേയില്‍ കാമത്ത്, നന്ദിനി തുടങ്ങിയ റെസ്റ്റോറെന്റുകള്‍ ഉണ്ട്. അവലെബേട്ടയില്‍ നിങ്ങള്‍ക്ക് കക്കരിക്കായും ബേ‌ല്‍പൂരിയും കഴിച്ച് വിശപ്പടക്കാം.
Photo Courtesy: Akshatha Vinayak