അഞ്ചുരുളിയാണ് നാട്, പേര് വിജിലേഷ്

കട്ടപ്പനയ്ക്ക് അടുത്ത്

ഇടുക്കി ജില്ലയിൽ കട്ടപ്പനയ്ക്ക് അടുത്തുള്ള കാഞ്ചിയാർ ഗ്രാമത്തിൽ നിന്ന് 3 കിലോമീറ്റർ അകലെയായാണ് അഞ്ചുരുളി സ്ഥിതി ചെയ്യുന്നത്. കോട്ടയം - കട്ടപ്പന റോഡിലായി സ്ഥിതി ചെയ്യുന്ന ഈ സ്ഥല‌ത്തേക്ക് കട്ടപ്പനയിൽ നിന്ന് 9 കിലോമീറ്റർ ദൂരമുണ്ട്.
Photo Courtesy: Rojypala at Malayalam Wikipedia

ഇരട്ടയാറിൽ നിന്നുള്ള ടണൽ

ഇടുക്കി ഡാമിന്റെ തുടക്കം ഇവിടെ നിന്നാണ്. ഇരട്ടയാർ ഡാമിൽ നിന്നുള്ള വെള്ളം എത്തിക്കുന്ന ടണൽ ആണ് ഇവിടുത്തെ പ്രധാന ആകർഷണം. രണ്ട് കിലോമീറ്റർ നീളമുള്ള ഈ ടണലിലൂടെയാണ് ഇരട്ടയാർ ഡാമിൽ നിന്ന് ഇടുക്കി ഡാമിലേക്ക് വെള്ളം എത്തിക്കുന്നത്.
Photo Courtesy: Libni thomas

അഞ്ച് ഉരുളികളുടെ കഥ

ഇടുക്കി അണക്കെട്ടിന്റെ ജലസംഭരണിയുമായിൽ മുങ്ങി നി‌ൽക്കുന്ന അഞ്ച് മലകളിൽ നിന്നാണ് അഞ്ചുരുളിക്ക് ആ പേര് ‌ലഭിച്ചത്. ഈ മലകൾ കാഴ്ചയിൽ ഉരുളി കമഴ്ത്തി വച്ചത് പോലെ തോന്നിക്കുന്നതിനാലാണ് അഞ്ചുരുളി എന്ന പേര് വന്നത്. ഇവിടുത്തെ ആദിവാസികളാണ് അഞ്ചുരുളിക്ക് ആ പേരിട്ടത്.

Photo Courtesy: Creator:Libni thomas

അഞ്ചുരുളിയിൽ നിന്ന് ഷൂട്ട് ചെയ്ത പ്രധാന സിനിമകൾ

ഇടുക്കി ഗോൾഡ് കൂടാതെ രക്ഷ, മരംകൊത്തി, ഇയോബിന്റെ പുസ്തകം, ലൈഫ് ഓഫ് ജോസുകുട്ടി, ലോര്‍ഡ് ലിവിംഗ്സ്റ്റണ്‍ 7000 കണ്ടി തുടങ്ങിയ സിനിമകളും അഞ്ചുരുളിയിൽ നിന്ന് ചിത്രീകരിച്ചതാണ്.

ആകർഷണങ്ങൾ

ഇടുക്കി അണക്കെട്ടിന്റെ വിദൂരക്കാഴ്ചയും അഞ്ചുരുളി ടണലിൽ നിന്നുള്ള വെള്ളച്ചാട്ടവും പ്രകൃതി ഭംഗിയുമാണ് സഞ്ചാരികളെ ഇവിടേയ്ക്ക് വീണ്ടും വീണ്ടും വരാൻ പ്രേരിപ്പിക്കുന്നത്.
Photo Courtesy: ബിപിൻ

അപകടം പതിയിരിപ്പുണ്ട്

അഞ്ചുരുളിയിലെ ടണല്‍ മുഖ‌ത്തും ജലാശയത്തിലും അപകടം പതിയിരു‌പ്പുണ്ട്. അതുകൊണ്ടുതന്നെ അഞ്ചുരുളിയിലത്തെുന്നവര്‍ പ്രത്യേകം ശ്രദ്ധിക്കണം. ഇവിടെയത്തെുന്ന ടൂറിസ്റ്റുകള്‍ക്ക് ആവശ്യമായ വിവരങ്ങള്‍ നല്‍കാനോ സുരക്ഷാകാര്യങ്ങള്‍ മുന്‍കൂട്ടി ധരിപ്പിക്കാനോ ആരുമില്ല.
Photo Courtesy: Rameshng

എത്തിച്ചേരാൻ

കട്ടപ്പനയില്‍ നിന്ന് കോട്ടയം ഭാഗത്തേക്കുള്ള ബസില്‍ അഞ്ച് കിലോമീറ്റര്‍ സഞ്ചരിച്ച് കക്കാട്ടുകടയിൽ ഇറ‌ങ്ങുക. അവിടെ നിന്ന് ഓട്ടോയില്‍ അഞ്ചുരുളിയിലേക്ക് എത്താം. റോഡ് ടാര്‍ ചെയ്ത് മനോഹരമാക്കിയതോടെ ഇവിടെ എത്താനുള്ള ബുദ്ധിമുട്ട് ഒഴിവായിട്ടുമുണ്ട്.
Photo Courtesy: Libni thomas