ബേക്കൽ ഒരുങ്ങി, ഇനി ആഘോഷത്തിന്‍റെ നാളുകൾ, ബേക്കൽ അന്താരാഷ്ട്ര ബീച്ച് ഫെസ്റ്റ് 22 മുതൽ

ബേക്കൽ ബീച്ച് ഫെസ്റ്റ് 2023: കേരളാ ടൂറിസത്തിൽ കാസർകോഡിനെ ഉയർത്തി നിർത്തിയ പരിപാടിയാണ് ബേക്കൽ ബീച്ച് ഫെസ്റ്റിവൽ. സംഘാടകര്‍ പ്രതീക്ഷിച്ചതിലുമപ്പുറം ജനലക്ഷങ്ങൾ പങ്കെടുത്ത് വിജയമാക്കിയ പരിപാടിയുടെ രണ്ടാം പതിപ്പ് ഒരുങ്ങുകയാണ്. ബേക്കലിനെയും കാസർകോഡിനെയും ലോകത്തിനു മുന്നിൽ പരിചയപ്പെടുത്തുന്ന ബേ​ക്ക​ല്‍ അ​ന്താ​രാ​ഷ്ട്ര ബീ​ച്ച് ഫെ​സ്റ്റ് 2023 ഡിസംബർ 22 ന് ആരംഭിക്കും.

കലാപരിപാടികളും മത്സരങ്ങളും കലാവിരുന്നും ഒക്കെയായി പരിപാടിയുടെ എല്ലാ ദിവസവും ആഘോഷമാക്കാനുള്ള പ്രവർത്തനങ്ങളാണ് അണിയറയിൽ ഒരുങ്ങുന്നത്. ക​ലാ​പ​രി​പാ​ടി​ക​ളും എ​ക്സ്പോ​യും വി​പ​ണ​ന​മേ​ള​യും ഇതിന്റെ ഭാഗമായുണ്ടാവും. രണ്ടു വേദികളിലായി എല്ലാ ദിവസവും വലിയ പരിപാടികൾ ഒരുക്കിയിട്ടുണ്ട്. പ്രധാന വേദി ഒന്നാം വേദിയും സമീപത്തെ റെഡ് മൂൺ ബീച്ച് രണ്ടാം വേദിയുമാണ്. എല്ലാ ദിവസവും വൈകുന്നേരം സാസ്കാരിക സദസ്സും ഒരുക്കും.

ബേക്കൽ ബീച്ച് ഫെസ്റ്റ് 2023 പരിപാടികൾ

ഡി​സം​ബ​ര്‍ 22 വെള്ളിയാഴ്ച ​തൈ​ക്കു​ടം ബ്രി​ഡ്ജ് ന​യി​ക്കു​ന്ന മ്യൂ​സി​ക് ഷോ,
23​ ശനിയാഴ്ച ശി​വ​മ​ണി, പ്ര​കാ​ശ് ഉ​ള്ള്യേ​രി, ശ​ര​ത് എ​ന്നി​വ​ര്‍ ന​യി​ക്കു​ന്ന മ്യൂ​സി​ക്ക​ല്‍ ഫ്യൂ​ഷ​ന്‍ ട്രി​യോ,
24 ഞായറാഴ്ച ​കെ.​എ​സ് ചി​ത്ര​യു​ടെ​യും സം​ഘ​ത്തി​ന്റെ​യും ചി​ത്ര​വ​സ​ന്തം,
25 തിങ്കളാഴ്ച ​എം.​ജി. ശ്രീ​കു​മാ​റും സം​ഘ​വും ന​യി​ക്കു​ന്ന മെ​ഗാ മ്യൂ​സി​ക്ക​ല്‍ ഇവന്‍റ്,
26 ചൊവ്വാഴ്ച ​ശോ​ഭ​ന​യും സം​ഘ​വും അ​വ​ത​രി​പ്പി​ക്കു​ന്ന ഡാ​ന്‍സ് നൈ​റ്റ് എന്നിവയും

27 ബുധനാഴ്ച ​പ​ത്മ​കു​മാ​റും ദേ​വും സം​ഘ​വും ഓ​ള്‍ഡ് ഈ​സ് ഗോ​ള്‍ഡ് മ്യൂ​സി​ക്ക​ല്‍ മെ​ല​ഡി, 28 വ്യാഴാഴ്ച ​സോ​ള്‍ ഓ​ഫ് ഫോ​ക്കു​മാ​യി അ​തു​ല്‍ ന​റു​ക​ര,
29 വെള്ളിയാഴ്ച ​ക​ണ്ണൂ​ര്‍ ശ​രീ​ഫും സം​ഘ​ത്തി​ന്റെ​യും മാ​പ്പി​ള​പ്പാ​ട്ട് നൈ​റ്റ്
30 ശനിയാഴ്ച ​ഗൗ​രി​ല​ക്ഷ്മി മ്യൂ​സി​ക്ക​ല്‍ ബാ​ൻ​ഡ്, 31 ഞായറാഴ്ച ​റാ​സാ ബീ​ഗം ഗ​സ​ല്‍ ഡ്യൂ, ​ആ​ട്ടം ക​ലാ​സ​മി​തി​യും തേ​ക്കി​ന്‍കാ​ട് ബാ​ൻ​ഡും അ​വ​ത​രി​പ്പി​ക്കു​ന്ന മെഗാ ന്യൂ ഇയർ നൈറ്റ് എന്നിവ അരങ്ങേറും.

കു​ടും​ബ​ശ്രീ പ്ര​വ​ര്‍ത്ത​ക​രു​ടെ​യും ഗ്രാ​മീ​ണ ക​ലാ​സ​മി​തി​ക​ളു​ടെ​യും പരിപാടികളാണ് രണ്ടാം വേദിയായ റെഡ് മൂൺ ബീച്ചിൽ നടക്കുക. കുടും​ബ​ശ്രീ പ്ര​വ​ര്‍ത്ത​ക​രു​ടെ ക​ലാ​പ​രി​പാ​ടി​ക​ള്‍,. ജി​ല്ല​യു​ടെ ത​ന​ത് ക​ലാ​രൂ​പ​ങ്ങ​ൾ, ഗ്രാ​മീ​ണ ക​ലാ​സ​മി​തി​യു​ടെ പ​രി​പാ​ടി തുടങ്ങിയവ നടക്കും. 30 കലാസമിതികളിൽ നിന്നായി 52 കലാപരിപാടികളാണ് ഗ്രാമീണ കലാസമിതി അവതരിപ്പിക്കുന്നത്. ടൂറിസം സ്റ്റാൾ, ഇൻഫർമേഷൻ സെന്റർ എന്നിവ സജ്ജമാക്കും. വ്യവസായ വകുപ്പ്, പട്ടികജാതി പട്ടികവർഗ പിന്നാക്ക ക്ഷേമ കോർപറേഷൻ, കുടുംബശ്രീ എന്നിവയും സ്റ്റാൾ ഒരുക്കും.

ബേക്കൽ അന്താരാഷ്ട്ര ബീച്ച് ഫെസ്റ്റിവൽ പ്രവേശനം, ഫീസ് നിരക്ക്

ടിക്കറ്റ് വഴിയാണ് ബേക്കൽ അന്താരാഷ്ട്ര ബീച്ച് ഫെസ്റ്റിവലിന് പ്രവേശനം അനുവദിക്കുക.
മുതിർന്നവർക്ക് ഒരു ടിക്കറ്റിന് 100 രൂപയും, കുട്ടികൾക്ക് ഒരു ടിക്കറ്റിന് 25 രൂപയും ആണ് ഈടാക്കുന്നത്.

ബീച്ച് ഫെസ്റ്റിവൽ പാർക്കിങ് ഫെസ്റ്റിവലിൽ പങ്കെടുക്കാൻ എത്തുന്നവർക്കായി വിപുലമായ പാർക്കിങ് സൗകര്യം ഏർപ്പെടുത്തിയിട്ടുണ്ട്.
6 ഏക്കർ സ്ഥലത്തുള്ള പാർക്കിംഗ് സൗകര്യം ഉണ്ട്. പ്രൈവറ്റ് ഏരിയകളിൽ കാർ 50 രൂപ, ബൈക്ക് 20 രൂപ ബസ് 100 രൂപ എന്നിങ്ങനെ ചാർജ് ഉണ്ടാക്കും.

ബീച്ച് ഫെസ്റ്റിവലിലേക്ക് വരാൻ ബേക്കൽ ബീച്ച് പാർക്കിലും റെഡ് മൂൺ ബീച്ച് പാർക്കിലുമായി അഞ്ച് പ്രവേശന മാർഗ്ഗങ്ങളാണ് ഒരുക്കുന്നത്. അതിൽ 25 ഗേറ്റുകളും ഉണ്ടായിരിക്കും, എല്ലാ പ്രവേശന കവാടത്തിലും ടിക്കറ്റ് വാങ്ങാനുള്ള സൗകര്യം കൂടി ഉണ്ടായിരിക്കും.

ട്രെയിനുകൾക്ക് താത്കാലിക സ്റ്റോപ്പ്

ബീച്ച് ഫെസ്റ്റിവലിന് പങ്കെടുക്കാൻ എത്തുന്നവരുടെ സൗകര്യാർത്ഥം ബേ​ക്ക​ല്‍ റെയിൽവേ സ്റ്റേ​ഷ​നി​ല്‍ ഡി​സം​ബ​ര്‍ 22 മു​ത​ല്‍ 31 വ​രെ മൂന്ന് ട്രെ​യി​നു​ക​ള്‍ക്ക് സ്റ്റോ​പ് അ​നു​വ​ദി​ച്ചു. ചെ​ന്നൈ എ​ഗ്മോ​ര്‍ - മം​ഗ​ളൂ​രു‌ എ​ക്‌​സ്പ്ര​സ്,
ചെന്നൈ സെൻട്രൽ-മംഗളൂരു വെസ്റ്റ്കോസ്റ്റ് എക്സ്‌പ്രസ്, നാഗർകോവിൽ-മംഗളൂരു എക്സ്‌പ്രസ് എന്നിവയ്ക്കാണ് താത്കാലിക സ്റ്റോപ്പ് നല്കിയത്. ഒരു മിനിറ്റ് വീതം മൂന്നു ട്രെയിനുകളും ബേക്കൽ ഫോർട്ടിൽ നിർത്തും.

രാത്രി 11.15-ന് പുറപ്പെടുന്ന ചെന്നൈ എഗ്‌മോർ-മംഗളൂരു എക്സ്‌പ്രസ് (16159) ബേക്കൽ ഫോർട്ട് സ്റ്റേഷനിൽ വൈകീട്ട് 5.29ന് എത്തും. നാഗർകോവിലിൽനിന്ന് മംഗളൂരുവിന് 4.15-ന് പുറപ്പെടുന്ന തീവണ്ടി (16650) രാത്രി 7.47-ന് ബേക്കൽ ഫോർട്ട് സ്റ്റേഷനിലെത്തും. ചെന്നൈ-മംഗളൂരു വെസ്റ്റ് കോസ്റ്റ് എക്സ്‌പ്രസ് (22637) ബേക്കൽ സ്റ്റേഷനിൽ ഉച്ചയ്ക്ക് 1.25-നെത്തും.