ചാർ ധാം തീർത്ഥാടനം 2022 അവസാന ദിവസങ്ങളിലേക്ക്... ക്ഷേത്രങ്ങളടയ്ക്കുന്ന തിയതികൾ

ഗംഗോത്രി ക്ഷേത്രം

ചാർ ധാം ക്ഷേത്രങ്ങളിൽ ഏറ്റവുമാദ്യം അടയ്ക്കുന്നത് ഗംഗോത്രി ക്ഷേത്രമാണ്. ഗംഗാ നദിയുടെ പുണ്യകേന്ദ്രം എന്നാണ് ഇവിടം അറിയപ്പെടുന്നത്. ഗംഗാ നദി ഉത്ഭവിക്കുന്ന ഗൗമുഖിന് സമീപമാണ് സ്ഥിതി ചെയ്യുന്നത്. സാധാരണയായി അക്ഷയതൃതീയ ദിനത്തിലാണ് ക്ഷേത്രം തുറക്കുന്ന തിയതി തീരുമാനിക്കുന്നത്. ഈ വർഷം ക്ഷേത്രം അടയ്ക്കുന്നത് ഒക്ടോബർ 26 ന് ഉച്ചയ്ക്ക് 12:01 നാണ്. അതിനുശേഷം, മുക്ബയിലെ മുഖിമത്ത് ക്ഷേത്രത്തിലാവും ക്ഷേത്രം തുറക്കുന്നതുവരെ ഗംഗോത്രി ദേവിയുടെ ഇരിപ്പിടം.

PC:Atarax42

കേദർനാഥ് ക്ഷേത്രം

ചാർ ദാം ക്ഷേത്രങ്ങളിൽ ഏറ്റവും പ്രസിദ്ധമായ ക്ഷേത്രമാണ് കേഥർനാഥ്. ജ്യോതിർലിംഗ ക്ഷേത്രങ്ങളിൽ ഒന്നായ ഈ ക്ഷേത്രത്തിൽ ലക്ഷക്കണക്കിന് വിശ്വാസികളാണ് തീർത്ഥാടന കാലയളവിൽ എത്തുന്നത്. രുദ്രപ്രയാഗ് ജില്ലയിലെ നർ, നാരായൺ കൊടുമുടികൾക്കിടയിലായാണ് ക്ഷേത്രം സ്ഥിതി ചെയ്യുന്നത്. ശങ്കരാചാര്യരാണ് ക്ഷേത്രം ഇന്നു കാണുന്ന രീതിയിൽ നിർമ്മിച്ചത് എന്നാണ് വിശ്വാസം. ഒക്ടോബർ 27 ന് രാവിലെ 8:30 നാണ് ക്ഷേത്രം അടയ്ക്കുന്നത്. അതിനു ശേഷം വിഗ്രഹം ഉഖിമത്തിലെ ഓംകാരേശ്വർ ക്ഷേത്രത്തിലേക്ക് മാറ്റുകയാണ് ചെയ്യുന്നത്.

PC: Kmishra19

യമുനോത്രി ധാം

ചാർധാം തീർത്ഥാടനത്തിൽ വിശ്വാസികൾ ഏറ്റവുമാദ്യം സന്ദർശിക്കുന്ന ക്ഷേത്രമാണ് യമുനോത്രി ധാം. ജാങ്കി ചാട്ടി എന്ന സ്ഥലത്തു നിന്നുമാണ് ഇവിടേക്കുള്ള യാത്ര ആരംഭിക്കുന്നത്. ക്ഷേത്രം ഒക്ടോബർ 27 ന് ഉച്ചകഴിഞ്ഞ് അഭിജിത്ത് മുഹൂർത്തത്തിൽ അടയ്ക്കും.

PC:Atarax42

ബദ്രീനാഥ് ക്ഷേത്രം

ചാർധാം ക്ഷേത്രങ്ങളിലെ പ്രധാന ക്ഷേത്രമാണ് മഹാവിഷ്ണുവിനെ ആരാധിക്കുന്ന ബദ്രീനാഥ് ക്ഷേത്രം. . സമുദ്ര നിരപ്പിൽ നിന്നും 3,300 മീറ്റർ അഥവാ 10826 അടി ഉയരത്തിലാണ് ക്ഷേത്രമുള്ളത്. അക്ഷയ ത്രിതീയയില‌‌ട‌ച്ച് വിജയദശമിയിൽ തുറക്കുന്ന രീതിയിലാണ് ഇവിടുത്തെ ചടങ്ങുകള്‍ നടക്കുന്നത്. വിഷ്ണുവിന്റെ രണ്ടാം വൈകുണ്ഡം എന്നും ഇവിടം അറിയപ്പെടുന്നു. ധാമിന്റെ വാതിലുകൾ നവംബർ 19 ന് 3:35 ന് അടയ്ക്കും.