Click it and Unblock the Notifications
പ്രസന്നമായ കാലാവസ്ഥ, മികച്ച ഭക്ഷണം, വൈൻ, ഷോപ്പിംഗ്, പോളിനേഷ്യൻ സംസ്കാരത്തിന്റെ പശ്ചാത്തലം.. തീര്ന്നില്ല, അതി മനോഹരമായ ബീച്ചുകള്, നടന്നെത്തുവാന് പറ്റിയ മികച്ച റൂട്ടുകള്,ജീവിതം തന്നെ ആഘോഷമാക്കുന്ന ദ്വീപുകള്... നഗരത്തിലെവിടെയാണെങ്കിലും അരമണിക്കൂറ് അകലത്തില് ഇതെല്ലാം ലഭ്യവും...ഇങ്ങനെ പറഞ്ഞാല് തീരാത്ത പ്രത്യേകതകള് നിരവധിയുണ്ട് വൈവിധ്യങ്ങളുടെ നഗരമായ ഓക്ലാന്ഡിന്.
ഇതിലും ഓക്ലാന്ഡിന്റെ പ്രസിദ്ധി നില്ക്കുന്നില്ല, കഴിഞ്ഞ ദിവസം ലോകത്തിലെ ജീവിക്കുവാന് ഏറ്റവും യോജ്യമായ നഗരങ്ങളുടെ പട്ടികയില് ഓക്ലാന്ഡ് ഒന്നാമതെത്തി.
ദി ഇക്കണോമിസ്റ്റ് ഇന്റലിജൻസ് യൂണിറ്റിന്റെ ലോകമെമ്പാടുമുള്ള 140 നഗരങ്ങളെ ഉള്പ്പെടുത്തി നടത്തിയ സര്വ്വേയില് ഗ്ലോബൽ ലിവബിലിറ്റി ഇൻഡെക്സിൽ ആണ് ഓക്ലാന്ഡ് ഒന്നാമതെത്തിയത്. ഇത് ഓക്ലാന്ഡിനു മാത്രം നല്കുവാന് സാധിക്കുന്ന ചില പ്രത്യേകതകളിലേക്ക്...
പസഫിക് സമുദ്രത്തിൽ നിന്ന് ടാസ്മാൻ കടലിലേക്ക് നടക്കാം
50 അഗ്നി പര്വ്വതങ്ങള്
ജീവിക്കുവാന് യോജിച്ച നഗരം
സെയില്സ് സിറ്റി
വൈറ്റ്മാറ്റയ്ക്കും മനുക്കാവു ഹാർബറിനുമിടയിലുള്ള ഒരു ഉപദ്വീപിൽ സ്ഥിതി ചെയ്യുന്ന ഓക്ലാന്ഡ് നാവികയാത്ര ആഗ്രഹിക്കുന്ന ഏതൊരാള്ക്കും പ്രിയപ്പെട്ടതാകും. വെള്ളത്തിലെ വ്യത്യസ്തമായ ആവാസവ്യവസ്ഥയുംപകരം വയ്ക്കുവാനില്ലാത്ത പ്രകൃതിഭംഗിയും ഓക്ലാന്ഡിനുണ്ട്.
25 വര്ഷം ന്യൂസീലന്ഡിന്റെ തലസ്ഥാനം
വെല്ലിംഗ്ടൺ തലസ്ഥാനമായി മാറുന്നതിനു മുന്പ് തലസ്ഥാനമായി മാറിയ രണ്ടാമത്തെ നഗരമാണ് ഓക്ക്ലാൻഡ്, അത് ഇന്നും നിലനിൽക്കുന്നു. തെക്ക് നിന്ന് യാത്ര ചെയ്യുന്ന സർക്കാർ ഉദ്യോഗസ്ഥർ യാത്ര വളരെ ദുഷ്കരമാണെന്ന് കണ്ടെത്തിയതിനാൽ ഓക്ക്ലാൻഡിന് തലസ്ഥാന നഗരം എന്ന സ്ഥാനം നഷ്ടപ്പെടുകയായിരുന്നു. ഒരൊറ്റ യാത്രയ്ക്ക് രണ്ട് മാസം വരെയാണ് സമയമെടുത്തത്.
തമാകി മക്കൗറൗ
'നൂറു പ്രേമികളുള്ള തമാകി'എന്നാണ് ഇതിനര്ത്ഥം. ഫലഭൂയിഷ്ഠമായ നിലവും വൈവിധ്യമാർന്ന ജലപാതകളും ഉള്ള ഭൂമിയുടെ അഭിലഷണീയത കൊണ്ടാണ് ഈ പേര് വന്നത് എന്നാണ് കരുതപ്പെടുന്നത്.
ഓക്ലാന്ഡ് വൈന്
വൈന് നിത്യജീവിതത്തിന്റെ ഒഴിവാക്കാനാവാത്ത ഘടകമാണ് ഓക്ലന്ഡുകാര്ക്ക്. ലോകപ്രസിദ്ധമായ വൈനറികള് ഇവിടെ സ്ഥിതി ചെയ്യുന്നു. പ്രദേശികമായി നിര്മ്മിക്കുന്ന ഇവിടുത്തെ വൈനുകള് പല പുരസ്കാരങ്ങള്ക്കും അര്ഹത നേടിയിട്ടുണ്ട്.
