Search
  • Follow NativePlanet
Share
» » പറന്നുയര്‍ന്ന് ജഡായുപ്പാറ

പറന്നുയര്‍ന്ന് ജഡായുപ്പാറ

ഒത്തിരിയധികം എഴുതാനുണ്ടെങ്കിലും ജഡായുപ്പാറയെക്കുറിച്ച് അധികമാര്‍ക്കും അറിയാത്ത കുറച്ച് കാര്യങ്ങള്‍ നോക്കാം.

By Elizabath

കേട്ട വിശേഷണങ്ങള്‍ നോക്കിയാല്‍ ഇതൊരു ലോകാത്ഭുതമാണ്. എന്നാല്‍ വിവരിച്ചാലും വിവരിച്ചാലും തീരാത്ത അത്ഭുതങ്ങള്‍ എന്നു പറയുമ്പോല്‍ അതെന്തായിരിക്കും...കേട്ടറിഞ്ഞതൊന്നും വിശേഷണങ്ങളല്ലേയല്ല എന്നു മനസ്സിലാകും ഇവിടെ എത്തിയാല്‍.. അത്രയധികം വിസ്മയങ്ങളുമായാണ് കൊല്ലം ജില്ലയിലെ ജഡായുപ്പാറ സഞ്ചാരികളെ കാത്തിരിക്കുന്നത്.
ഒത്തിരിയധികം എഴുതാനുണ്ടെങ്കിലും ജഡായുപ്പാറയെക്കുറിച്ച് അധികമാര്‍ക്കും അറിയാത്ത കുറച്ച് കാര്യങ്ങള്‍ നോക്കാം

കേരളം കാത്തിരുന്ന വിനോദ സഞ്ചാര കേന്ദ്രം

കേരളം കാത്തിരുന്ന വിനോദ സഞ്ചാര കേന്ദ്രം

കേരളത്തിലെ സഞ്ചാരികളും സാഹസികരും ഇത്രയധികം എന്തിനുവേണ്ടിയെങ്കിലും കാത്തിരുന്നിട്ടുണ്ടോ എന്നു സംശയമാണ്. പത്തു വര്‍ഷത്തെ കാത്തിരിപ്പുകൊണ്ട് കേരളീയര്‍ സ്വന്തമാക്കിയ സമ്മാനമാണിത്.

PC: Official Site

65 ഏക്കറിലെ വിസ്മയം

65 ഏക്കറിലെ വിസ്മയം

ജഡായു എര്‍ത്‌സ് സെന്റര്‍ ടൂറിയം പ്രോജക്ട് എന്നു പേരിട്ടിരിക്കുന്ന ഇത് 65 ഏക്കര്‍ സ്ഥലത്തായാണ് വ്യാപിച്ചു കിടക്കുന്നത്.
സമുദ്രനിരപ്പില്‍ നിന്നും 1000 അടി ഉയരത്തില്‍ സ്ഥിതി ചെയ്യുന്ന ഇവിടെ വിവിധ തരത്തിലുള്ള ഭൂപ്രകൃതികള്‍ കാണാന്‍ സാധിക്കും. താഴ്‌വരകളും മലകളും കുന്നുകളും കല്ലുകള്‍ നിറഞ്ഞ ഭൂമിയും ഗുഹകളുമൊക്കെയാണ് ഇവിടെയുള്ളത്.

PC:Youtube

ജഡായു അവസാന ശ്വാസമെടുത്ത സ്ഥലത്തെ ശില്പം

ജഡായു അവസാന ശ്വാസമെടുത്ത സ്ഥലത്തെ ശില്പം

പുരാണമനുസരിച്ച് സീതയെ അപഹരിച്ചുകൊണ്ടുപോകാനുള്ള ശ്രമത്തില്‍ നിന്ന് രാവണനെ തടഞ്ഞപ്പോള്‍ രാവണന്റെ ചന്ദ്രഹാസമേറ്റ് ചിറകുകള്‍ അരിയപ്പെട്ടു ജഡായു നിലം പതിച്ച സ്ഥലമാണ് ജടായുപ്പാറ എന്നാണ് വിശ്വാസം. തനിക്കുവേണ്ടി പൊരുതിയ പക്ഷിശ്രേഷ്ഠനു രാമ ദര്‍ശനവും മോക്ഷവും സീതാദേവി അനുഗ്രഹമായി നല്കി. രാമനെത്തുന്നതുവരെ ജീവന്‍ നിലനിര്‍ത്താന്‍ ജടായു പാറയില്‍ ചുണ്ട് ഉരസി ജലപ്രവാഹമുണ്ടാക്കിയത്രെ. അവസാനം രാമദര്‍ശനത്തിനു ശേഷം ജഡായു ഇവിടെക്കിടന്ന് ജീവന്‍ വെടിയുകയായിരുന്നുവത്രെ. ജഡായു ജീവന്‍ വെടിഞ്ഞ അതേ സ്ഥലത്താണ് ഇന്ന് കാണുന്ന ജഡായുവിന്റെ കൂറ്റന്‍ പ്രതിമ നിര്‍മ്മിച്ചിരിക്കുന്നത്.

PC: Raja Ravi Varma

പ്രതിമയ്ക്കുള്ളിലെ 6ഡി തിയേറ്റര്‍

പ്രതിമയ്ക്കുള്ളിലെ 6ഡി തിയേറ്റര്‍

ഒരു ചിറക് അറ്റ്, മറു ചിറക് വിടര്‍ത്തി കാല്‍നഖങ്ങളും കൊക്കും ഉയര്‍ത്തി കിടക്കുന്ന ജഡായുവിന്റെ ഭീമാകാരമായ പ്രതിമയാണ് ഇവിടുത്തെ ഏറ്റവും വലിയ ആകര്‍ഷണം. വിസ്മയങ്ങള്‍ ഇവിടെ തീരുന്നില്ല. പ്രതിമയാണെങ്കിലും ഇതിനുള്ളില്‍ ഒരു കിടിലന്‍ തിയേറ്ററുണ്ട്. അതും സിക്‌സ് ഡി തിയേറ്റര്‍. കൂടാതെ ഓഡിയോ വിഷ്വല്‍ മ്യൂസിയം, സഞ്ചാരികളെ പ്രതിമയ്ക്കരികിലേക്കെത്തിക്കാന്‍ കേബിള്‍ കാറുകള്‍ തുടങ്ങിയവയെല്ലാം ഇവിടെയുണ്ട്.

PC:Youtube

ഭീമാകാരന്‍ ഈ ജടായു

ഭീമാകാരന്‍ ഈ ജടായു

250 അടി നീളവും 150 അടി വീതിയും 75 അടി ഉയരവുമുള്ള ഈ ശില്പം നിര്‍മ്മാണ കലയിലെ ഒരു പ്രതിഭാസമായി വാഴ്ത്തപ്പെടും എന്നതില്‍ തര്‍ക്കമില്ല. പതിനയ്യായിരം ചതുരശ്ര അടി നിലത്താണ് ശില്പം സ്ഥിതി ചെയ്യുന്നത്.

PC:Youtube

 സാഹസികര്‍ക്ക് സ്വാഗതം

സാഹസികര്‍ക്ക് സ്വാഗതം

കൂടുതലായും സാഹസികര്‍ക്ക് ഇഷ്ടമാകുന്ന രീതിയിലാണ് ഇതിന്റെ നിര്‍മ്മാണങ്ങള്‍. പര്‍വ്വതാരോഹണവും പാറയുടെ മുകളിലേക്ക് കയറുപയോഗിച്ച് കയറുന്ന റാപ്പെ്‌ലലിങ്, ഒളിപ്പോര് ഷൂട്ടിങ് ഗെയിമായ പെയിന്റെ ബോള്‍, സിപ്‌ലൈന്‍, ഫ്രീ ക്ലൈംബിങ്, ജൂമെറിങ്ങ്, കമാന്‍ഡോ നെറ്റ് തുടങ്ങി നിരവധി കളികളും സാഹസിക ഇനങ്ങളും ഇവിടെയുണ്ട്.

PC: Official Site

പറന്നെത്താന്‍ റോപ്പ് വേ, നടന്നെത്താന്‍ വാക്ക് വേ

പറന്നെത്താന്‍ റോപ്പ് വേ, നടന്നെത്താന്‍ വാക്ക് വേ

പക്ഷിഭീമന്റെ കൂറ്റന്‍ ശില്പത്തിനു മുന്നിലെത്താന്‍ രണ്ടു തരത്തിലുള്ള സംവിധാനങ്ങളാണ് ഇവിടെ ഒരുക്കിയിരിക്കുന്നത്. ആകാശത്തിലൂടെ പറന്നു വരാനായി റോപ് വേ സിസ്റ്റവും ഒന്നര കിലോമീറ്റര്‍ ദൂരം വരുന്ന നടപ്പാതയുമാണത്. കാടും കല്‍പ്പടവുകളും മലയിടുക്കുകളുമെല്ലാം ഈ നടപ്പാതയില്‍ കടന്നു വരുന്നുണ്ട് .

PC: Official Site

ശില്പത്തിന്റെ മലയാളിപ്പെരുമ

ശില്പത്തിന്റെ മലയാളിപ്പെരുമ

ലോകം മുഴുവന്റെയും ശ്രദ്ധാകേന്ദ്രമായ ജഡായു പ്രതിമയ്ക്കു പിന്നിലെ മാസ്റ്റര്‍ ബ്രെയിന്‍ എന്നു പറയുന്നത് മലയാളിയായ കലാസംവിധായകന്‍ രാജീവ് അഞ്ചലാണ്. അദ്ദേഹത്തിന്റെ പത്തു വര്‍ഷത്തോളം നീണ്ട അധ്വാനമാണ് ഇന്ന് കാണുന്ന ജഡായുപ്പാറ.

PC: Youtube

 എത്തിച്ചേരാന്‍

എത്തിച്ചേരാന്‍

കൊല്ലം ജില്ലയിലെ ചടയമംഗലത്തിനു സമീപമാണ് ജടായുപ്പാറ സ്ഥിതി ചെയ്യുന്നത്. കൊല്ലം തിരുവനന്തപുരം റോഡില്‍ പാരിപ്പള്ളി എന്ന സ്ഥലത്തു നിന്നുമാണ് ഇവിടേക്ക് തിരിയേണ്ടത്. ചടയമംഗലത്തു നിന്നും രണ്ടു കിലോമീറ്ററില്‍ താഴെ മാത്രമേ ജടായുപ്പാറയിലേക്ക് ദൂരമുള്ളു. തിരുവനന്തപുരത്തു നിന്നും 53 കിലോമീറ്ററും കൊട്ടാരക്കരയില്‍ നിന്ന് 20.5 കിലോമീറ്റര്‍ ദൂരവും സഞ്ചരിച്ചാല്‍ ഇവിടെയെത്താം.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X