ഉജ്ജയിനിലെ മഹാകാൽ ലോക് ഇടനാഴി:108 തൂണുകളിലെ നിർമ്മാണ വിസ്മയം

ഉജ്ജയിൻ മഹാകാൽ ക്ഷേത്രം... ലോകമെമ്പാടുമുള്ള ശൈവഭക്തരുടെ അഭയസ്ഥാനങ്ങളിലൊന്ന്.. ദ്വാദശ ജ്യോതിർലിംഗ സ്ഥാനങ്ങളിലൊന്നായ ഇവിടം എന്നും തീർത്ഥാടരുടെ പ്രിയപ്പെട്ട ആരാധന സ്ഥാനങ്ങളിലൊന്നാണ്. ജ്യോതിർലിംഗ ക്ഷേത്രങ്ങളിൽ ഏക സ്വയംഭൂ ശിവലിംഗം സ്ഥിതി ചെയ്യുന്ന മഹാകാൽ ക്ഷേത്രം ഒട്ടേറെ പ്രത്യേകതകൾ നിറഞ്ഞ സ്ഥലമാണ്. ദക്ഷിണി ദിശയിലേക്ക് ദർശനമുള്ള ഈ ഏക ജ്യോതിർലിംഗ ക്ഷേത്രമായ ഇവിടുത്തെ ശിവൻ ഉജ്ജയിൻ നഗരത്തിന്റെ രാജാവാണെന്നാണ് വിശ്വാസം.ഇപ്പോഴിതാ ലോകശ്രദ്ധയിലേക്ക് ക്ഷേത്രം കടന്നുവരികയാണ്. മഹാകാലേശ്വര് zwj; ക്ഷേത്ര ഇടനാഴി- മഹാകാൽ ലോക്- പ്രധാനമന്ത്രി നരേന്ദ്ര മോദി ഇന്ന് ഉദ്ഘാടനം ചെയ്യുന്നതോടെ ചരിത്രത്തിന്റെ പുതിയൊരു അധ്യായം തുടങ്ങുകയാണ്. മഹാകാൽ ലോക് ഇടനാഴിയെക്കുറിച്ചും അതിന് zwj;റെ പ്രത്യേകതകളെക്കുറിച്ചും വായിക്കാം മന്ദിർ പരിസാർ വിസ്താർ യോജന പ്രകാരം പുനർവികസിപ്പിച്ച ക്ഷേത്രത്തിന്റെ ഇടനാടി അറിയപ്പെടുന്നത് മഹാകാൽ ലോക് എന്നാണ്. മഹാകാൽ മഹാരാജ് മന്ദിർ പരിസാർ വിസ്താർ യോജന എന്നറിയപ്പെടുന്ന പുനർവികസന പദ്ധതി രണ്ട് ഘട്ടങ്ങളിലായാണ് നടപ്പിലാക്കുന്നത്. ഇതിന്റെ പൂർത്തീകരിച്ച ആദ്യ ഘട്ടത്തിലാണ് ഇടനാഴി നിർമ്മാണം പൂർത്തിയാക്കിയിരിക്കുന്നത്. 856 കോടി രൂപയാണ് മഹാകാലേശ്വര ക്ഷേത്ര ഇടനാഴി വികസന പദ്ധതിയുടെ ആദ്യ ഘട്ടത്തിനായി ചിലവാക്കിയിരിക്കുന്നത്. മഹാകൽ ലോക് എന്ന ഇടനാഴി ഇന്ത്യയിലെ ഏറ്റവും വലിയ ഇടനാഴികളിലൊന്നാണ് കണക്കാക്കുന്നക്. 900 മീറ്ററോളം നീളം ഇതിനുണ്ട്. പഴയ രുദ്രസാഗർ തടാകത്തിന് ചുറ്റുമായാണ് മഹാകാൽ ലോക് നിർമ്മിച്ചിരിക്കുന്നത്. രണ്ട് കവാടങ്ങളാണ് മഹാകാൽ ലോക് ഇടനാഴിക്കുള്ളത്- നന്ദി ദ്വാരും പിനാകി ദ്വാരും. കുറച്ചു ദൂരം വേർതിരിക്കപ്പെടുന്ന ഈ കവാടങ്ങൾ ഇടനാഴിയുടെ ആരംഭത്തിൽ തന്നെ കാണാം. മഹാകാലേശ്വര ക്ഷേത്രത്തിന്റെ പ്രവേശന കവാടത്തിലേക്കുള്ള വഴിയിൽ അതിമനോഹരമായ കാഴ്ചകൾ പ്രദാനം ചെയ്യുന്ന രീതിയിലാണ് നിര്&zwj;മ്മാണം. 108 തൂണുകളാണ് ഇടനാഴിക്ക് ആകെയുള്ളത്. സങ്കീർണ്ണമായ കൊത്തുപണികളുള്ള, മണൽക്കല്ലുകൾ കൊണ്ട് നിർമ്മിച്ച ഈ തൂണുകൾ അതിമനോഹരമായ കാഴ്ചയാണ്. ജലധാരകൾ, ശിവപുരാണത്തിൽ നിന്നുള്ള കഥകൾ ചിത്രീകരിക്കുന്ന 50-ലധികം ചുവർചിത്രങ്ങൾ എന്നിവയും ഇടനാഴിയിൽ കാണാം. ത്രിശൂൽ ശൈലിയിലുള്ള രൂപകൽപ്പയാണ് തൂണുകൾക്കുള്ളത്. രാജസ്ഥാനിലെ ബൻസി പഹാർപൂർ പ്രദേശത്തെ മണൽക്കല്ലുകളാണ് ഇതിന്റെ നിർമ്മാണത്തിനായി ഉപയോഗിച്ചിട്ടുള്ളത്. രാജസ്ഥാൻ, ഗുജറാത്ത്, ഒറീസ്സ എന്നിവിടങ്ങളിൽ നിന്നുള്ള കലാകാരന്മാരും കരകൗശല വിദഗ്ധരും ചേർന്നാണ് ആ കല്ലുകളെ ഇത്രയും മനോഹരമായ രീതിയിൽ കൊത്തുപണികളാലും ചിത്രപ്പണികളാലും അലങ്കരിച്ചിരിക്കുന്നത്. മഹാകൽ പ്ലാസ, മഹാകാൽ ഇടനാഴി, മഹാകാൽ തീം പാർക്ക്, 200 മീറ്റർ നീളമുള്ള നടപ്പാത, നന്ദി, നൈറ്റ് ഗാർഡൻ, മഹത്തായ പ്രതിമ. 108 ശിവ സ്തംഭങ്ങൾ, വിവിധ ഭാവങ്ങളിൽ ശിവനെ ചിത്രീകരിക്കുന്ന രൂപങ്ങൾ എന്നിവയാണ് ഉജ്ജൈൻ മഹാകാൽ ഇടനാഴി ആകർഷണങ്ങൾ കാശി വിശ്വനാഥ ക്ഷേത്രത്തിൽ അടുത്തിടെ നിർമ്മിച്ച ക്ഷേത്ര ഇടനാഴിയേക്കാൾ നാലിരട്ടി വലുപ്പം മഹാകാൽ ലോക് ഇടനാഴിക്കുണ്ടെന്നാണ് പറയുന്നത്. ഗംഗാ നദിയെ കാശി വിശ്വനാഥ ക്ഷേത്രവുമായി ബന്ധിപ്പിക്കുന്ന ഇടനാഴി വന്നതോടെ ഗംഗാനദീ തീരത്തുനിന്ന് 400 മീറ്റര്&zwj; ദൂരം നടന്നാല്&zwj; ക്ഷേത്രത്തിലെത്താം.സഞ്ചർ ഫെസിലിറ്റേഷൻ സെന്ററുകൾ സ്ഥാപിച്ചിട്ടുണ്ട്. ലോക്കറുകൾ, ടിക്കറ്റ് കൗണ്ടറുകൾ, ഭക്തർക്കായി പൂജാ സാധനങ്ങൾ വിൽക്കുന്ന കടകൾ തുടങ്ങിയ സൗകര്യങ്ങളും ലഭ്യമാക്കിയിട്ടുണ്ട്.വിക്രമാദിത്യന്റെ രഹസ്യങ്ങള്&zwj; കാണാന്&zwj; ഇവിടെ പോകാം.