ഈ സംസ്ഥാനങ്ങളില്‍ നിന്നാണോ വരുന്നത്? മഹാരാഷ്ട്രയില്‍ പോകുന്നതിനു മുമ്പ് അറിയാം!!

ആര്‍ക്കൊക്കെ അനുവാദമുണ്ട്

1) എവിടെ നിന്നുമുള്ള വിമാന യാത്രികര്‍ക്കും മഹാരാഷ്ട്രയില്‍ പ്രവേശിക്കാമെങ്കിലും ഡെല്‍ഹി, രാജസ്ഥാന്‍, ഗോവ, ഗുജറാത്ത് എന്നീ സംസ്ഥാനങ്ങളില്‍ നിന്നും വരുന്നവര്‍ക്ക് പാലിക്കേണ്ട കുറച്ച് നിബന്ധനകളുണ്ട്.
2) മുകളിൽ പറഞ്ഞ സംസ്ഥാനങ്ങളിൽ നിന്നുള്ള ട്രെയിനുകളിൽ യാത്ര ചെയ്യുന്നവർ മഹാരാഷ്ട്രയിൽ പ്രവേശിക്കുന്നതിന് മുമ്പ് ആർടി-പിസിആർ നെഗറ്റീവ് ടെസ്റ്റ് റിപ്പോര്‍ട്ട് കരുതേണ്ടതാണ്.

3) ദില്ലി എൻ‌സി‌ആർ, രാജസ്ഥാൻ, ഗുജറാത്ത്, ഗോവ എന്നിവിടങ്ങളിൽ നിന്ന് റോഡിലൂടെ വരുന്ന ആളുകളെ ശരീര താപനില ഉൾപ്പെടെയുള്ള ലക്ഷണങ്ങള്‍ സംസ്ഥാനത്തേയ്ക്ക് കടക്കുന്നതിനു മുന്‍പ് ജില്ലാ കളക്ടർമാരുടെ നേതൃത്വത്തില്‍ പരിശോധിക്കേണ്ടതുണ്ട്.

ആര്‍ക്കൊക്കെ പ്രവേശിക്കാം

1) എയർ / ട്രെയിൻ / റോഡ് വഴി എത്തുന്ന കൊവിഡ് രോഗലക്ഷണങ്ങളില്ലാത്ത എല്ലാ യാത്രക്കാര്‍ക്കും സംസ്ഥാനത്ത് പ്രവേശിക്കാം.

2) 2 ആർ‌ടി-പി‌സി‌ആർ ടെസ്റ്റ് സർ‌ട്ടിഫിക്കറ്റ് ഉള്ളവർ 96 മണിക്കൂറിനുള്ളിൽ ന‌ടത്തിയ നെഗറ്റീവ് ആർ‌ടി-പി‌സി‌ആർ ടെസ്റ്റ് സർ‌ട്ടിഫിക്കറ്റ് ഉള്ളവര്‍ക്ക് മഹാരാഷ്ട്രയില്‍ പ്രവേശിക്കാം. വിമാന യാത്രക്കാർക്ക് 72 മണിക്കൂര്‍ മുന്‍പ് ന‌ടത്തിയ കൊവിഡ് നെഗറ്റീവ് ടെസ്റ്റ് റിസര്‍ട്ട് ആയിരിക്കണം.
3) സംസ്ഥാന അതിർത്തികളിലെ ശരീര താപനില ഉൾപ്പെടെയുള്ള ലക്ഷണങ്ങൾ പരിശോധിച്ച യാത്രക്കാര്‍ക്കും സംസ്ഥാനത്തേയ്ക്ക് പ്രവേശിക്കാം.

കൊവിഡ് പോസിറ്റീവ് ആയാല്‍

1) വിമാന യാത്രികര്‍ക്ക്: നിലവിലെ പ്രോട്ടോക്കോളും രീതികളും അനുസരിച്ചായിരിക്കും വിമാനയാത്രികരെ പരിഗണിക്കുക. ബന്ധപ്പെട്ട മുനിസിപ്പൽ കമ്മീഷണർമാർ ഇതിനുള്ള നോഡൽ ഓഫീസർമാരും മേൽപ്പറഞ്ഞ നിർദ്ദേശങ്ങൾ കർശനമായി പാലിക്കുന്നുണ്ടെന്ന് ഉറപ്പാക്കുകയും ചെയ്യും.

2) ‌ട്രെയിന്‍ യാത്രികര്‍ക്ക്:
രോഗലക്ഷണങ്ങൾ കാണിക്കുന്ന യാത്രക്കാരെ ഐസൊലേറ്റ് ചെയ്ത് ആന്‍റിജന്‍ പരിശോധനയ്ക്ക് വിധേയരാക്കും. കൂടുതൽ പരിചരണത്തിനായി കോവിഡ് കെയർ സെന്ററിലേക്ക് (സിസിസി) അയയ്ക്കും സി‌സി‌സി ഉൾപ്പെടെയുള്ള കൂടുതൽ പരിചരണച്ചെലവ് യാത്രക്കാർ തന്നെ വഹിക്കണം .

3) റോഡ് യാത്രികര്‍ക്ക്:
രോഗലക്ഷണങ്ങൾ കാണിക്കുന്ന യാത്രക്കാരെ ഐസൊലേറ്റ് ചെയ്ത് ആന്‍റിജന്‍ പരിശോധനയ്ക്ക് വിധേയരാക്കും. കൂടുതൽ പരിചരണത്തിനായി കോവിഡ് കെയർ സെന്ററിലേക്ക് (സിസിസി) അയയ്ക്കും. സി‌സി‌സി ഉൾപ്പെടെയുള്ള കൂടുതൽ പരിചരണച്ചെലവ് യാത്രക്കാർ തന്നെ വഹിക്കണം .

മഹാരാഷ്ട്രാ ട്രക്കിങ്

വിനോദ സഞ്ചാരം പുനരാരംഭിച്ചതോടെ ട്രക്കിങ്ങിനാണ് കൂടുതലും സഞ്ചാരികള്‍ എത്തുന്നത്. ചരിത്രപ്രാധാന്യമുള്ള കോട്ടകളും വിനോദസഞ്ചാര കേന്ദ്രങ്ങളായ സിംഹഗഡ്, രാജ്ഗഡ്, ടോർണ, ലോഹഗാഡ്, വിസാപൂർ എന്നിവിടങ്ങളിലേക്കാണ് കൂടുതലും സഞ്ചാരികള്‍ എത്തുന്നത്.