വൈത്തീശ്വരൻ കോയിലും നാഡീജ്യോതിഷവും

രോഗം മാറ്റുന്ന ദൈവം

വൈത്തീശ്വരൻ എന്ന തമിഴ് വാക്കിന്റെ അർത്ഥം രോഗം മാറ്റുന്ന ദൈവം എന്നാണ്. വൈത്തീശ്വരനോട് പ്രാർത്ഥിച്ചാൽ രോഗം മാറുമെന്നാണ് വിശ്വാസം. നവഗ്രഹ ക്ഷേത്രങ്ങളിൽ ഒന്നായ ഈ ക്ഷേത്രം സ്ഥിതി ചെയ്യുന്നത് മയിലാടുതുറയ്ക്കും സിർക്കാഴിയ്ക്കും ഇടയിലായാണ്. സിർക്കാഴിയിൽ നിന്ന് 7 കിലോമീറ്ററും, മൈലാടുതുറയിൽ നിന്ന് 16 കിലോമീറ്ററുമാണ് ഇവിടേയ്ക്കുള്ള ദൂരം.

Photo Courtesy: வணக்கம்

സിദ്ധാമൃതം കുളം

ഈ ക്ഷേത്രത്തിന് മുന്നിൽ ഒരു കുളമുണ്ട്. സിദ്ധാമൃതക്കുളമെന്നാണ് ഇതിന്റെ പേര്. ഇതിൽ മുങ്ങിക്കുളിച്ചാൽ രോഗങ്ങൾ സുഖമാകുമെന്നാണ് വിശ്വാസം.

Photo Courtesy: Sidsizzle

ഐതീഹ്യം

ശിവനാണ് ഈ ക്ഷേത്രത്തിലെ പ്രതിഷ്ട. രാമയണകാലത്ത് രാമ ലക്ഷ്മണൻമാർ ഇവിടെ വച്ച് ശിവനെ ആരാധിച്ചിരുന്നതായി ഐതീഹ്യത്തിൽ പറയുന്നു. രാവണന്റെ ആക്രമണത്തിൽ കൊല്ലപ്പെട്ട ജഡായുവിന്റെ ശവദാഹം നടത്തിയത് ഇവിടെ വച്ചാണെന്നും ഒരു വിശ്വാസമുണ്ട്.

Photo Courtesy: Raji.srinivas

ഉത്സവങ്ങൾ

ജനുവരി - ഫെബ്രുവരി മാസങ്ങളിലാണ് ഇവിടുത്തെ വാർഷിക ഉത്സവമായ ബ്രഹ്മോത്സവം ആഘോഷിക്കപ്പെടുന്നത്. നവംബർ മാസത്തിലെ കാർത്തിക ഉത്സവവും ഇവിടെ കൊണ്ടാടാറുണ്ട്.

Photo Courtesy: Mazhavai

എത്തിച്ചേരാൻ

സീർക്കാഴിയിൽ നിന്നും മൈലാടു തുറയിൽ നിന്നും ഇവിടേക്ക് ബസുകൾ ലഭ്യമാണ്. ചെന്നൈയിൽ നിന്ന് 235 കിലോമീറ്ററും തഞ്ചാവൂരിൽ നിന്ന് 110 കിലോമീറ്ററും ചിദംബരത്ത് നിന്ന് 27 കിലോമീറ്ററുമാണ് ഇവിടേയ്ക്കുള്ള ദൂരം.
Photo Courtesy: Ssriram mt

സരസ്വതി മഹൽ ലൈബ്രറി

നാഡീ ജ്യോതിഷവുമായി ബന്ധപ്പെട്ട താളിയോലകൾ തഞ്ചാവൂരിലെ സരസ്വതി മഹൽ ലൈബ്രറിയിലായിരുന്നു സംരക്ഷിച്ചിരുന്നത്. ബ്രിട്ടീഷുകാർ ഈ താളിയോലകളുമായി ബന്ധപ്പെട്ട് ഗവേഷണങ്ങൾ നടത്തിയിരുന്നു. ഇതിൽ എതിർപ്പ് പ്രകടിപ്പിച്ച ജ്യോതിഷൻമാർ താളിയോലകളെല്ലാം വൈത്തീശ്വരൻ ക്ഷേത്രത്തിന് ചുറ്റുമായി ജീവിച്ചിരുന്ന ജ്യോതിഷരുടെ ഭവനങ്ങളിൽ എത്തിക്കുകയായിരുന്നു.

Photo Courtesy: Wiki-uk