ശൈലപുത്രി ക്ഷേത്രം, വാരണാസി
ശൈലപുത്രിയായി ആദിപരാശക്തിയെ ആരാധിച്ചാണ് നവരാത്രി ആഘോഷങ്ങളിലെ ഒന്നാം ദിവസത്തിന് തുടക്കമാകുന്നത്. ഹിമവാന്റെ മകളായ സതിദേവിയെയാണ് ഈ ദിനത്തില് ഓര്മ്മിക്കുന്നത്. വാരണാസിയിലെ മർഹിയ ഘട്ടിന്റെ ഭാഗമായാണ് ശൈലപുത്രി ക്ഷേത്രം വാരണാസിയില് സ്ഥിതി ചെയ്യുന്നത്.നവരാത്രിയുടെ ആദ്യ ദിവസം ഇവിടെ നടക്കുന്ന ഒരു വലിയ ആരതി ചടങ്ങ് ഇവിടുത്തെ നവരാത്രി ആഘോഷങ്ങള്ക്ക് തുടക്കം കുറിക്കും. ബ്രഹ്മാ വിഷ്ണു മഹേശ്വരന്മാരുടെ ശക്തികൾ ഒന്നുചേർന്ന മൂർത്തിഭാവമാണ് ശൈലപുത്രി
ബ്രഹ്മേശ്വര് ക്ഷേത്രം, വാരണാസി
ദുര്ഗ്ഗയുടെ രണ്ടാമത്തെ രൂപമാണ് ബ്രഹ്മചാരിണി. ശിവനോടൊപ്പം ആയിരിക്കാനുള്ള പാർവ്വതിയുടെ ആഗ്രഹത്തെ പ്രതിനിധീകരിക്കുന്ന അവതാരമാണിതെന്നാണ് വിശ്വാസം. ശിവനെ വരിക്കുവാനുള്ള ആഗ്രഹം സഫലമാകുന്നതിനായി തനിക്കുള്ളതെല്ലാം ഉപേക്ഷിച്ച് പര്വ്വതത്തിലേക്ക് താമസം മാറി സന്യാസത്തിലേക്ക് തിരഞ്ഞ പാര്വ്വതിയെയാണ് ഇവിടെ സ്മരിക്കുന്നത്. ഗംഗാഘട്ടിനോടു ചേർന്നുള്ള ബ്രഹ്മേശ്വർ ക്ഷേത്രവും കാശിയിലെ സപ്ത്സാഗറിലെ ബാലാജി ഘട്ടിൽ ഗംഗ നദിക്കടുത്തുള്ള മാ ബ്രഹ്മേശ്വർ ക്ഷേത്രവും ബ്രഹ്മചാരിണിക്ക് സമർപ്പിച്ചിരിക്കുന്ന രണ്ട് പ്രധാന ക്ഷേത്രങ്ങളാണ്.
ചന്ദ്രഘാണ്ഡ ക്ഷേത്രം, വാരണാസി
മൂന്നാമത്തെ കണ്ണ് തുറന്ന് കാണപ്പെടുന്ന ദുർഗയുടെ രൂപമാണ് ചന്ദ്രഘാണ്ഡ ക്ഷേത്രത്തിലുള്ളത്.ഇത് ദേവിയുടെ യോദ്ധാവിന്റെ ആത്മാവിന്റെ പ്രകടനമാണ്. ധീരതയുടെയും ദേവതയായ ചന്ദ്രഘണ്ടയെ വാരാണസിയിലെ ചന്ദ്രഘണ്ട ക്ഷേത്രത്തിൽ ആരാധിക്കുന്നു.
കുഷ്മന്ദ ദുർഗ്ഗ ക്ഷേത്രം, കാന്പൂര്
തന്റെ പുഞ്ചിരിയോടെ ലോകത്തെ സൃഷ്ടിച്ച ദേവതയായ കുഷ്മന്ദയാണ് ദുർഗ്ഗയുടെ നാലാമത്തെ പ്രതിരൂപം.ദുര്ഗ്ഗാ ദേവിയുടെ ഈ പ്രതിരൂപത്തെ ആരാധിക്കുന്ന ഇന്ത്യയിലെ ഏക ക്ഷേത്രം കാന്പൂരിലാണ് സ്ഥിതി ചെയ്യുന്നത് . അവളുടെ പേര് ഊഷ്മളതയുടെയും ഊർജ്ജത്തിന്റെയും പ്രപഞ്ച സ്രോതസ്സ് എന്നാണ് കുഷ്മന്ദ എന്ന വാക്കിനര്ത്ഥം. കുഷ്മന്ദ ദുർഗ്ഗയെ ആരാധിക്കുന്നവർക്ക് ശക്തിയും ആരോഗ്യവും നൽകുമെന്ന് പറയപ്പെടുന്നു. കാൺപൂരിലെ ഘട്ടംപൂർ പട്ടണത്തിലാണ് ക്ഷേത്രമുള്ളത്.
സ്കന്ദമാതാ ദുർഗ്ഗ ക്ഷേത്രം, വാരണാസി
ദുർഗ്ഗയുടെ അഞ്ചാമത്തെ രൂപമാണ് സ്കന്ദമാതാ ദുർഗ്ഗ ക്ഷേത്രം. ഇത് ഹൈന്ദവ വിശ്വാസമനുസരിച്ചുള്ള യുദ്ധദേവനായ കാർത്തികേയയുടെ അമ്മയാണെന്നാണ് വിശ്വാസം. കൈയിൽ താമരയും വാഹനമായി സിംഹവുമുള്ള സ്കന്ദമാതാ സമൃദ്ധിയുടെയും വിവേകത്തിന്റെയും ദേവതയാണ്. സ്കന്ദമാതയുടെ ഏറ്റവും പ്രശസ്തമായ ക്ഷേത്രം വീണ്ടും ക്ഷേത്രനഗരമായ വാരണാസിയിൽ, ജയ്ത്പുരയിലാണ് സ്ഥിതി ചെയ്യുന്നത്.
കത്യായനി ക്ഷേത്രം, കർണാടക
ദേവന്മാരുടെ കോപത്തിൽ നിന്ന് സൃഷ്ടിക്കപ്പെട്ട കാത്യായാനിയാണ് മഹിഷാസുരൻ എന്ന രാക്ഷസന്റെ നാശത്തിലേക്ക് നയിച്ചത് . ഈ കഥ ദുർഗാപൂജയുടെ കാതലായി മാറുന്നു. ദുർഗ്ഗ അസുരനെതിരെ പോരാടി വിജയം നേടുന്ന കഥ ഇന്ത്യയിലുടനീളമുള്ള ഏറെ പ്രചാരത്തിലുള്ളതാണ്. ഈ ദേവിയുടെ ഏറ്റവും പ്രസിദ്ധമായ ക്ഷേത്രം കർണാടകയിലെ അവേഴ്സയിലുള്ള കാത്യായനി ബനേശ്വർ ക്ഷേത്രമാണ്, എന്നിരുന്നാലും വൃന്ദാവൻ, കോലാപ്പൂർ, കേരളം, ഡൽഹി എന്നിവിടങ്ങളിൽ ധാരാളം ഉണ്ട്.
കാളരാത്രി ക്ഷേത്രം, വാരണാസി
മാതൃദേവതയുടെ മറ്റൊരു വിനാശകരമായ രൂപമാണ് കാളരാത്രി. കാളി എന്നും ഇതിനെ വിളിക്കുന്നു, ചിലർ ഇത് വ്യത്യസ്ത ദൈവങ്ങളെ പ്രതിനിധീകരിക്കുന്നുവെന്ന് വാദിക്കുന്നു. രാത്രിയുടെ ഭരണാധികാരി, അവൾ തന്റെ ആരാധകർക്ക് അറിവും സമ്പത്തും നൽകുന്നു. കാളിയുടെ പ്രശസ്തമായ ക്ഷേത്രം വാരാണസിയില് കാണാം.
മഹാഗൗരി ക്ഷേത്രം, ലുധിയാന
ത്രിശൂലം, താമര, ചെണ്ട എന്നിവ കൈവശമുള്ള മഹാഗൗരി ദുർഗയുടെ എട്ടാമത്തെ രൂപമാണ്, ഭക്തർക്ക് അവരുടെ എല്ലാ മാരകമായ കഷ്ടപ്പാടുകളിൽ ഗൗരി മോചനം നൽകുന്നു എന്നാണ് വിശ്വാസം. . വാരണാസിയിൽ മഹാഗൗരിക്ക് ഒരു ക്ഷേത്രം ഉണ്ട് , ലുധിയാനയിലെ മഹാഗൗരി ക്ഷേത്രവും ഇതോടൊപ്പം പ്രസിദ്ധമാണ്. ഷിംലാപ്പൂരിനടുത്താണ് ഇത് സ്ഥിതി ചെയ്യുന്നത്.
സിദ്ധിദാത്രി ക്ഷേത്രം
ദുർഗ്ഗയുടെ ഒൻപതാമത്തെയും അവസാനത്തെയും രൂപമാണ് സിദ്ധിദാത്രി. സിദ്ധിദാത്രി ജ്ഞാനോദയത്തെ പ്രതിനിധാനം ചെയ്യുന്നു. സിദ്ധികളും ദിവ്യശക്തികളും നല്കുന്ന ദേവിയാണ് ഇതെന്നാണ് വിശ്വാസം. വാരാണസിയിലും ഛത്തീസ്ഗഡിലെ ദേവ്പഹരിയിലും സിദ്ധിദാത്രിക്കായി സമർപ്പിച്ചിരിക്കുന്ന ക്ഷേത്രങ്ങൾ നിങ്ങൾക്ക് കാണാം. മധ്യപ്രദേശിലെ സാഗറിലെ സിദ്ധിദാത്രി ക്ഷേത്രവും വളരെ പ്രസിദ്ധമാണ്
ചിത്രങ്ങള്ക്ക് കടപ്പാട് :Jonoikobangali
Click it and Unblock the Notifications
