Click it and Unblock the Notifications
നദിയുടെ കരയില് പത്തനങ്ങള് അഥവാ ഭവനങ്ങള് ഉള്ള സ്ഥലം എന്നതില് നിന്നും പേരു ലഭിച്ച സ്ഥലമാണ് പത്തനംതിട്ട.
ഗവിയും പെരുന്തേനരുവി വെള്ളച്ചാട്ടവും പത്തനംതിട്ടയെ കേരളത്തിന്റെ ടൂറിസം ഭൂപടത്തില് അടയാളപ്പെടുത്താന് ഏറെ സഹായിച്ചിട്ടുണ്ട്. ആധ്യാത്മിക രംഗത്ത് ശബരിമലയും പത്തനംതിട്ടയെ ഉയര്ത്തുന്നുണ്ട്.
എങ്കിലും, ഇവിടുത്തെ മിക്ക വിനോദ സഞ്ചാര കേന്ദ്രങ്ങളും തീര്ഥാടന സ്ഥലങ്ങളും
ഇന്നും പ്രാദേശിക ആളുകള്ക്കിടയില് മാത്രം ഒതുങ്ങി നില്ക്കുകയാണ്. ഒട്ടേറെ ക്ഷേത്രങ്ങളും പള്ളികളും സ്മാരകങ്ങളും ഉള്ള പത്തനംതിട്ട ജില്ലയെ അറിയാം.
കോന്നി
ഒന്പതേക്കറിലായി വ്യാപിച്ചു കിടക്കുന്ന ആനക്കൂടാണ് ഇവിടുത്തെ പ്രധാന ആകര്ഷണം. കാട്ടില് നിന്നും പിടിച്ചു കൊണ്ടുവരുന്ന ആനകളെ പരിശീലിപ്പിക്കുന്നതിനായാണ് ആനക്കൂട് സ്ഥാപിച്ചത്. ആനമ്യൂസിയവും ഓഡിയോ വിഷ്വല് റൂമും ആനക്കൂടിന്റെ ഭാഗമായി ഒരുക്കിയിട്ടുണ്ട്.
അച്ചന്കോവിലാര്
പത്തനംതിട്ടക്കാരുടെ ആഘോഷങ്ങള് മിക്കതും ഈ ആറിനെ കേന്ദ്രീകരിച്ചാണ് നടക്കുന്നത്.
മദ്ധ്യതിരുവിതാംകൂറിലെ ഏറ്റവും വലിയ വിഷു ഉത്സവം നടക്കപ്പെടുന്ന വെണ്മണിയിലെ ചാമക്കാവ് അച്ചന്കോവിലാറിന്റെ തീരത്താണ്. വെള്ളപ്പൊക്കത്തില് ഇവിടുത്തെ സ്വയംഭൂ വിഗ്രഹം മൂടാറുണ്ട് . ഇത് ദേവിക്ക് പ്രകൃതി ഒരുക്കുന്ന ആറാട്ടാണെന്നാണ് ഭക്തജനങ്ങളുടെ വിശ്വാസം.കേരളത്തിലെ ഏറ്റവും വലിയ ശിവരാത്രി കെട്ടുകാഴ്ച നടക്കുന്ന പടനിലം ക്ഷേത്രം അച്ഛന്കോവിലാറിന്റെ തീരത്തുള്ള നൂറനാട്ടിലാണുള്ളത്.
കവിയൂര് മഹാദേവ ക്ഷേത്രം
പാര്വതിയെ ഇടതുവശത്തിരുത്തി സര്വമംഗളമൂര്ത്തിയായിരിക്കുന്ന മഹാദേവനാണ് പ്രധാന പ്രതിഷ്ഠ.
രാവണനെ വധിച്ച ശേഷം സീതാലക്ഷ്മണന്മാരോടും സൈന്യങ്ങളോടുമൊപ്പം അയോധ്യയിലേക്കു മടങ്ങും വഴി ശ്രീരാമന് പ്രതിഷ്ഠിച്ചതാണ് ഇവിടുത്തെ ശിവലിംഗം എന്നാണ് ഐതിഹ്യം.
മലയാലപ്പുഴ ദേവീക്ഷേത്രം
സെന്റ് ജോര്ജ് ഓര്ത്തഡോക്സ് ചര്ച്ച്
സെന്റ് ജോര്ജ് ഓര്ത്തഡോക്സ് ചര്ച്ച്. ഗ്രാമത്തിലെ വിഷം ചീറ്റുന്ന സര്പ്പങ്ങലില് നിന്നും രക്ഷപ്പെടാനായി വിശ്വാസികള് സെന്റ് ജോര്ജിന്റെ നാമത്തില് പണികഴിപ്പിച്ചപള്ളിയെന്നാണ് ഐതിഹ്യം. ചന്ദനപ്പള്ളി എന്ന ഗ്രാമത്തിലാണ് പള്ളി സ്ഥിതി ചെയ്യുന്നത്.
മൂലൂര് സ്മാരകം
ചരല്ക്കുന്ന്
ഇവിടെനിന്നും സമീപ പ്രദേശങ്ങളുടെയും താഴ് വരകളുടെയും കാഴ്ചയാണ് ഏറെ ആകര്ഷണം. തിരുവല്ലയില് നിന്നും 17 കിലോമീറ്റര് അകലെയാണ് ഈ സ്ഥലം.
