ഏറ്റവും ചൂടുള്ള ഫലോദി
ഇന്ത്യയിലെ 'ഹോട്ട്' ഡെസ്റ്റിനേഷന് എന്നു നിസംശയം വിശേഷിപ്പിക്കുവാന് പറ്റുന്ന ഇടമാണ് രാജസ്ഥാനിലെ ഫലോദി. ഥാര് മരുഭൂമിയുടെ ഭാഗമായ ഈ പ്രദേശം 2016ല് 51 ഡിഗ്രി സെല്ഷ്യസ് ചൂടില് എത്തിയതോടെയാണ് ഹോട്ട് ലിസ്റ്റില് ഇടം പിടിക്കുന്നത്. ജയ്സാല്മീറിനും ജോധ്പൂരിനും ഇടയിലായി സ്ഥിതി ചെയ്യുന്ന ഫലോദി തന്നെയാണ് ഇന്ത്യയിലെ ഔദ്യോഗികമായി ഏറ്റവും അധികം ചൂട് രേഖപ്പെടുത്തിയിട്ടുള്ള സ്ഥലവും.
പരമ്പരാഗതമായി ഉപ്പു നിര്മ്മിക്കുന്ന രാജസ്ഥാന് നഗരമാണ് ഫലോദി. പ്രദേശത്തിന്റെ മിക്ക ഭാഗങ്ങളിലും ഉപ്പു നിര്മ്മാണ ഫാക്ടറികള് കാണാം. ഇന്ത്യയിലെ ഏറ്റവും വലിയ ഉപ്പുവിതരണ കേന്ദ്രവും ഇവിടെ തന്നെയാണ്. പ്ലാസ്റ്റര് ഓഫ് പാരീസിന്റെ വലിയ രീതിയിലുള്ള ഉല്പാദനവും ഇവിടെ നടക്കുന്നു.
തണുപ്പന് നഗരമായ ദ്രാസ്
ഫലോദിയില് എന്താണോ അതിനു നേരെ തിരിച്ചാണ് ദ്രാസിലെ അവസ്ഥ. ജമ്മു കാശ്മീരില് ലഡാക്കിലേക്കുള്ള കവാടം എന്നറിയപ്പെടുന്ന ദ്രാസ് കാര്ഗില് ജില്ലയുടെ ഭാഗമാണ്. ആര്ട്ടിക്കിനേക്കാളും തണുപ്പുള്ള നഗരം എന്ന വിശേഷണവും ഈ നാടിനുണ്ട്. ഇന്ത്യയില് മനുഷ്യവാസമുള്ള ഏറ്റവും തണുത്ത പ്രദേശം കൂടിയാണ്. സമുദ്രനിരപ്പില് നിന്നും 3280 മീറ്റര് ഉയരത്തിലാണ് ഇവിടമുള്ളത്. ശരത്കാലത്തിന്റെ അവസാനം മുതല് വസന്തകാലത്തിന്റെ തുടക്കം വരെയാണ് ഇവിടെ കഠിനമായ മഞ്ഞുവീഴ്ച അനുഭവപ്പെടുന്നത്. ഈ സമയത്ത് ഇവിടെ ജീവിക്കുക എന്നത് വളരെ ബുദ്ധിമുട്ടേറിയ അനുഭവമാണ്. ഇവിടെ ജീവിക്കുന്നവര് ലഡാക്കിലേക്കുള്ള കവാടത്തിന്റെ സംരക്ഷകര് എന്നാണ് അറിയപ്പെടുന്നത്. തണുപ്പുകാലത്ത് മൈനസ് 45 വരെ ഇവിടുത്തെ താപനില എത്തുന്നത് സാധാരണമാണത്രെ. 1995ല് മൈനസ് 65 ഡിഗ്രി വരെ എത്തിയതാണ് ഇവിടുത്തെ റെക്കോര്ഡ് തണുപ്പായി അറിയപ്പെടുന്നത്. അതിനുശേഷമാണ് ആര്ട്ടിക്കിനേക്കാളും തണുപ്പുള്ള ഇന്ത്യന് നഗരം എന്ന പേര് ദ്രാസിനു കിട്ടുന്നത്
PC:taNvir kohil
കുട്ടനാട്- സമുദ്രനിരപ്പിനും താഴ്ന്നയിടം
ഇന്ത്യയിലെ ഏറ്റവും താഴ്ന്ന പ്രദേശങ്ങളിലൊന്നാണ് കുട്ടനാട്. സമുദ്രനിരപ്പിനു താഴെ കൃഷി ചെയ്യുന്ന ഈ പ്രദേശം ഇത്തരത്തിലുള്ള അപൂര്വ്വ ഇടങ്ങളിലൊന്നുംകൂടിയാണ്. സമുദ്രനിരപ്പിനുതാഴെയുള്ള പ്രദേശത്ത് കൃഷിചെയ്യുന്ന ലോകത്തിലെ തന്നെ അപൂർവ്വം പ്രദേശങ്ങളിലൊന്നാണ് ഇവിടം.
PC:Bibin das
ഏറ്റവും ഉയരം കൂടിയ കാഞ്ചന്ജംഗ
ഏറ്റവും ഉയരം കൂടിയ കാഞ്ചന്ജംഗ
ഇന്ത്യ-നേപ്പാള് അതിര്ത്തിയില് സ്ഥിതി ചെയ്യുന്ന കാഞ്ചന്ജംഗ ഇന്ത്യയിലെ ഏറ്റവും ഉയരം കൂടിയ പ്രദേശം കൂടിയാണ്. സമുദ്ര നിരപ്പില് നിന്നും 28,169 മീറ്റര് ഉയരത്തില് സ്ഥിതി ചെയ്യുന്ന ഇവിടം ഇന്ത്യയിലെ ഏറ്റവും ഉയരം കൂടിയ കൊടുമുടി കൂടിയാണ്.
PC: AreJay
ഏറ്റവും ഈര്പ്പമുള്ള മൗസിന്റാം
മഴയുടെ നനവ് ആകര്ഷിക്കാത്ത സഞ്ചാരികളുണ്ടാവില്ല. നിര്ത്താതെ പെയ്യുന്ന മഴയില് കുട മടക്കിവെക്കുവാന് സമയം ലഭിക്കാത്ത മൗസിന്റാം ആണ് ഇന്ത്യയിലെ ഏറ്റവും നനനാര്ന്ന ഇടം. . മേഘാലയയിലെ ഖാസി കുന്നുകളിൽ സമുദ്ര നിരപ്പിൽ നിന്നും 4,600 അടി ഉയരത്തിൽ സ്ഥിതി ചെയ്യുന്ന ഇവിടെ എപ്പോൾ വേണമെങ്കിലും മഴ പെയ്യാം. 11,872 മില്ലീമീറ്റര്
മഴയാണ് ശരാശരി ഇവിടെ ലഭിക്കുന്നത്. 1985 ല് പെയ്ത 26,000 മില്ലീമീറ്റര് മഴയാണ് ഈ പ്രദേശത്തെ ലോക റെക്കോര്ഡിന് അര്ഹമാക്കിയത്.
PC:Ashwin Kumar
ഏറ്റവും വരണ്ട പ്രദേശമായ ലേ
ലേ ലഡാക്ക് എന്നൊക്കെ കേള്ക്കുമ്പോള് കാശ്മീരോളം പോന്ന ഇടമെന്നായിരിക്കും ആളുകളുടെ മനസ്സില്. എന്നാല് ഇന്ത്യയിലെ ഏറ്റവും വരണ്ട പ്രദേശങ്ങളിലൊന്നാണ്. മഞ്ഞിന്റെ മരുഭൂമി എന്നറിയപ്പെടുന്ന ഇവിടം ഏതൊരു സഞ്ചാരിയുടെയും സ്വപ്നഭൂമിയാണ്. സമുദ്ര നിരപ്പില് നിന്നും 3500 മീറ്ററ് അഥവാ 11, 483 അടി ഉയരമുള്ള പ്രദേശമാണിത്. ഇന്ത്യയിലെ മറ്റിടങ്ങളില് നിന്നെല്ലാം വ്യത്യസ്ഥമായ സംസ്കാരവും ആചാരങ്ങളും ജീവിത രീതിയുമെല്ലാം പിന്തുടരുന്ന ഇടമാണിത്. കാരക്കോറം പര്വ്വത നിരകള്ക്കും ഹിമാലയത്തിനും ഇടയിലായാണ് ലേ എന്ന മഞ്ഞിന്റെ മരുഭൂമി സ്ഥിതി ചെയ്യുന്നത്.
മാര്ച്ചിനും ജൂണിനുമിടക്കുള്ള വേനല്ക്കാലത്താണ് ലേ സന്ദര്ശിക്കാന് ഏറ്റവും അനുയോജ്യമായ സമയം. ഇക്കാലത്ത് പരമാവധി ചൂട് 33 ഡിഗ്രി വരെ മാത്രമായിരിക്കും.
PC:Reflectionsbyprajakta
Click it and Unblock the Notifications
.jpg){kind=link}
