ഹിന്ദുവായ ‌നയന്‍താര ആ‌‌ദ്യം സന്ദര്‍ശിച്ച ക്ഷേത്രം

ഭദ്രാചലത്തേക്കുറിച്ച്

പുണ്യനദിയായ ഗോദാവരിയുടെതീരത്ത് സ്ഥിതിചെയ്യുന്ന പ്രകൃതിരമണീയമായ ഒരു ചെറു പട്ടണമാണ് ഭദ്രാചലം. ദക്ഷിണേന്ത്യന്‍ സംസ്ഥാനമായ തെലങ്കാനയിലെ ഖമ്മം ജില്ലയിലാണ് ഇതിഹാസ സമൃദ്ധമായ ഈ പട്ടണം.
Photo Courtesy: Trived m96

ഹൈദരബാദില്‍ നിന്ന്

തലസ്ഥാന നഗരമായ ഹൈദരബാദിന്‍റെ വടക്ക് കിഴക്ക് ദിശയില്‍ 309 കിലോമീറ്റര്‍ ദൂരെയായാണ് ഭദ്രാചലം സ്ഥിതി ചെയ്യുന്നത്.
Photo Courtesy: Bcmnet

പേരിന് പി‌ന്നില്‍

മേരുവിനും മേനകയ്ക്കും വരസിദ്ധിയാല്‍ ലഭിച്ച ഭദ്ര എന്ന പുത്രനില്‍ നിന്നാണ് ഭദ്രഗിരി അഥവാ ഭദ്രാചലം എന്ന പേര് ഈ പട്ടണത്തിന് ലഭിച്ചത്. ഭദ്രയുടെ മല എന്നാണ് ഈ പേരിന്‍റെ അര്‍ത്ഥം.
Photo Courtesy: vimal_kalyan

അയോധ്യ കഴിഞ്ഞാല്‍ ‌ഭദ്രാചലം

ശ്രീരാമന്‍റെ ജന്മനാടായ അയോദ്ധ്യ കഴിഞ്ഞാല്‍ രാമഭക്തരുടെ ഇടയില്‍ സുപ്രധാനമായ സ്ഥാനമാണ് ഭദ്രാചലത്തിന്.
Photo Courtesy: Vivek rachuri

ശ്രീരാമന്റെ വനവാസകാലം

വനവാസ കാലത്ത് ശ്രീരാമന്‍ പാര്‍ത്തിരുന്നത് ഇന്നീ പട്ടണം നിലനില്‍ക്കുന്ന പ്രദേശത്താണെന്ന് വിശ്വസിക്കപ്പെടുന്നു. ദണ്ഡകാരണ്യ വനമായിരുന്നു ഭദ്രാചലം സ്ഥിതിചെയ്യുന്ന ഈ പ്രദേശം. ഇവിടുത്തെ ശ്രീരാമക്ഷേത്രത്തിന് സമീപത്തുള്ള വനപ്രദേശത്ത് ഏതാനും നാളുകള്‍ മൂവരും തങ്ങിയിരുന്നെന്ന് ആളുകള്‍ വിശ്വസിക്കുന്നു.
Photo Courtesy: Adityamadhav83

സീതാപഹരണം

കാടിനുള്ളില്‍ ശ്രീരാമന്‍ ഒരു പര്‍ണശാല പണിയുകയും പത്നി സീതയും സഹോദരന്‍ ലക്ഷ്മണനുമൊത്ത് കുറച്ച്കാലം അവിടെ വസിക്കുകയും ചെയ്തു. ഭദ്രാചലത്തുള്ള ശ്രീരാമക്ഷേത്രത്തില്‍ നിന്ന് ഏതാണ്ട് 32 കിലോമീറ്റര്‍ അകലെയായിട്ടായിരുന്നു ഇത് പണിതത്. ഈ പര്‍ണശാലയില്‍ നിന്ന് തന്നെയാണ് രാവണന്‍ സീതയെ അപഹരിച്ച് ലങ്കയിലേക്ക് കൊണ്ട്പോയതെന്നുമാണ് ഒരു ഐതിഹ്യം.
Photo Courtesy: Srinivas

ഭദ്രമുനിയുടെ കഥ

വിഷ്ണുഭഗവാനെയും അദ്ദേഹത്തിന്‍റെ വലിയ ഭക്തനായിരുന്ന ഭദ്രനെയും കുറിച്ചുള്ളതാണ് മറ്റൊരു പുരാണം. ശ്രീരാമ ഭക്തനായിരുന്നു ഭദ്രമുനി. സീതയെ വീണ്ടെടുക്കുവാന്‍ ലങ്കയിലേക്ക് പോകുന്ന വേളയില്‍ ഈ മഹര്‍ഷിയെ ഭഗവാന്‍ കണ്ടുമുട്ടി. തന്‍റെ ശിരസ്സില്‍ ഉപവിഷ്ടനാകുവാന്‍ രാമനോട് മഹര്‍ഷി യാചിച്ചു. നാട്ടിലെ ജനങ്ങളുടെ പാപമുക്തിയാണ് അതുവഴി അദ്ദേഹം ആഗ്രഹിച്ചത്. മടങ്ങിവരുമ്പോള്‍ മുനിയുടെ അഭീഷ്ടം സാധിപ്പിച്ച് തരാമെന്ന് വാക്ക് നല്‍കി ഭഗവാന്‍ ലങ്കയിലേക്ക് പോയി.
Photo Courtesy: Vivek rachuri

കഥ തുടരുന്നു

മുനിയോടുള്ള തന്‍റെ വാഗ്ദാനം നിറവേറ്റാന്‍ രാമനായില്ല. മഹാവിഷ്ണുവിന്‍റെ അവതാരമായ ശ്രീരാമ ദര്‍ശനത്തിനായി വിഷ്ണുവിനെ പ്രീതിപ്പെടുത്തി ഭദ്രന്‍ യുഗങ്ങളോളം തപസ്സനുഷ്ടിച്ചു. തപസ്സില്‍ സംപ്രീതനായ വിഷ്ണു, രാമാവതാരമെടുത്ത് പത്നി സീതയും സഹോദരന്‍ ലക്ഷ്മണനുമൊത്ത് ഭദ്രനുമുന്നില്‍ പ്രത്യക്ഷനായെന്നാണ് പുരാണം.
Photo Courtesy: Vivek rachuri

രാമരാജ്യം

ഒരു ശംഖ്നാദത്തോടെയാണ് തന്‍റെ ആഗമനം ഭഗവാന്‍ ഭദ്രനെ അറിയിച്ചത്. ഇടത് തുടയില്‍ സീതയും വലതുവശത്ത് ലക്ഷ്മണനുമൊത്ത് ഭദ്രഗിരിയുടെ ശീര്‍ഷത്തില്‍ ഭഗവാന്‍ ആസനസ്ഥനായി.അസുരശക്തികളെ നിഗ്രഹിച്ച് സത്യധര്‍മ്മങ്ങളില്‍ അധിഷ്ഠിതമായിരുന്ന രാമരാജ്യ കാലഘട്ടത്തിന്‍റെ ഒരുപാട് സംവത്സരങ്ങള്‍ക്ക് ശേഷമാണ് ഇത് സംഭവിച്ചതെന്നാണ് പറയപ്പെടുന്നത്. ശ്രീരാമന്‍റെ ഈ നിഷ്ക്കളങ്ക ഭക്തനില്‍ നിന്നാണ് പട്ടണത്തിന് ഈ പേര് ലഭിച്ചത്.
Photo Courtesy: Pranayraj1985

പൊക്കല ദമ്മാക്ക

ശ്രീരാമക്ഷേത്രവുമായി ബന്ധപ്പെട്ട് രസകരമായ മറ്റൊരു ഐതിഹ്യവുമുണ്ട്. പൊക്കല ദമ്മാക്ക എന്ന് പേരുള്ള ഒരു സ്ത്രീ രാമനെ സ്വപ്നത്തില്‍ ദര്‍ശിച്ചുവത്രെ. ഭദ്രഗിരി കുന്നിന്‍റെ ചെരിവുകളിലുള്ള വിഗ്രഹങ്ങളെകുറിച്ച് ദേവന്‍ ആ സ്ത്രീയോട് പറഞ്ഞു. പിറ്റേന്ന് മല സന്ദര്‍ശിച്ചപ്പോള്‍ അവിടെ ചിതറിക്കിടക്കുന്ന വിഗ്രഹങ്ങള്‍ കണ്ട് അവര്‍ ആശ്ചര്യപ്പെട്ടു. ചെറിയൊരു ആലയം പണിത് അവര്‍ അതിന് ദമ്മാക്ക എന്ന് പേരിട്ടു.
Photo Courtesy: Pranayraj1985

തീര്‍ത്ഥാട‌ന കേന്ദ്രം

ചുറ്റുപാടുമുള്ള കാടും പടലും വെട്ടി ഭംഗിയാക്കി. ദിവസവും അവിടെ വന്ന് അര്‍ച്ചന നടത്തി. ലോകത്തെന്പാടുമുള്ള ഹിന്ദുമത വിശ്വാസികളുടെ പുണ്യ തീര്‍ത്ഥാടന കേന്ദ്രമായി അതോടെ ഭദ്രഗിരിമല അറിയപ്പെട്ടു. ലക്ഷക്കണക്കിന് വിശ്വാസികള്‍ പുണ്യവും പാപമോചനവും തേടി ഈ പ്രദേശത്തെത്തുന്നു.
Photo Courtesy: Adityamadhav83

കാഴ്ചാനുഭവങ്ങള്‍

വിസ്മയകാഴ്ചകളുടെ പെരുമ കൊണ്ട് സന്ദര്‍ശകരെ ഭദ്രാചലം സംപ്രീതരാക്കും. ജടായു പക്ക,പര്‍ണശാല, ദുമ്മുഗുഡം, ഗുണ്ടാല എന്നീ സ്ഥലങ്ങള്‍ അവയില്‍ ചിലതാണ്. ഇവിടത്തെ രണ്ട് പ്രശസ്ത ക്ഷേത്രങ്ങളായ ശ്രീ സീതാരാമചന്ദ്ര സ്വാമി ക്ഷേത്രവും ഭദ്രാചല രാമക്ഷേത്രവും അവയുടെ ആത്മീയപ്രാധാന്യവും ചരിത്ര പ്രസക്തിയും കൊണ്ട് ആയിരക്കണക്കിന് വിശ്വാസികളെ എല്ലാ വര്‍ഷവും ഇവിടേക്ക് ആകര്‍ഷിക്കുന്നു. വിശദമായി വായിക്കാം

Photo Courtesy: Adityamadhav83

രാമ കല്ല്യാണ മഹോത്സ‌വം

ശ്രീരാമ നവമി ദിവസം നടക്കാറുള്ള ‌രാമകല്ല്യാണ മഹോത്സവത്തിന്റെ കാഴ്ചകള്‍. കൂടുതല്‍ ചിത്രങ്ങള്‍ അടുത്ത സ്ലൈഡുകളില്‍

Photo Courtesy: Bcmnet at en.wikipedia

ഭദ്രാചലം പാലം

ഗോദവരി നദിക്ക് കുറുകേയുള്ള ഭദ്രാചലം പാലം
Photo Courtesy: Srichakra Pranav

സ്നാനഘട്ടം

ഗോദവരി നദീ തീരത്തെ സ്നാനഘട്ടം
Photo Courtesy: Adityamadhav83