ബാംഗ്ലൂരിലെ നൈസ് റോഡിൽ നിന്ന് നോക്കിയാൽ കാണാവുന്ന പാറക്കെട്ടുകൾ നിറഞ്ഞ ഒരു മൊട്ടക്കുന്നാണ് കരിഷ്മ ഹിൽസ് തുറഹള്ളി ഫോറസ്റ്റ് വ്യൂപോയിന്റ് എന്ന് അറിയപ്പെടുന്ന ഈ സ്ഥലം ബാംഗ്ലൂരിലെ ബനശങ്കരിയിൽ നിന്ന് 13 കിലോമീറ്റർ അകലെയായാണ് സ്ഥിതി ചെയ്യുന്നത്. ബാംഗ്ലൂർ നഗരത്തിന് സമീപത്തുള്ള ഏക വനമേഖലയായ ഇവിടേയ്ക്ക് നഗരത്തിൽ നിന്ന് 20 കിലോമീറ്റർ ദൂരമുണ്ട്.
കനകപുര റോഡിലൂടെ
ബാംഗ്ലൂരിൽ നിന്ന് കനകപുര റോഡിലൂടെ യാത്ര ചെയ്ത് നൈസ് റോഡിന്റെ അണ്ടർ ബ്രിഡ്ജ് കഴിഞ്ഞാൽ ഇടത്തോട്ട് തിരിഞ്ഞ് വജരഹള്ളി റോഡിലൂടെ കുറച്ച് മുന്നോട്ട് യാത്ര ചെയ്താൻ നിങ്ങൾ എത്തിച്ചേരുന്ന കാടുപിടിച്ച പ്രദേശമാണ് തുറഹള്ളി ഫോറെസ്റ്റ്. അവിടെ നിന്ന് ഇടത്തേക്ക് തിരിഞ്ഞ് മുന്നോട്ട് പോയി വീണ്ടും വലത്തേക്ക് തിരിയണം കരിഷ്മ ഹിൽസിൽ എത്തിച്ചേരാൻ. ചെറുവാഹനങ്ങൾക്ക് മാത്രമെ മുന്നോട്ട് പോകാൻ കഴിയുകയുള്ളു. അല്ലെങ്കിൽ ഇവിടെ വാഹനം പാർക്ക് ചെയ്ത് ഏകദേശം ഒരു കിലോമീറ്റർ നടക്കണം കരിഷ്മ ഹിൽസിൽ എത്തിച്ചേരാൻ.
ഗൂഗിളിൽ തിരയുന്നവരുടെ ശ്രദ്ധയ്ക്ക്
ഗൂഗിൾ മാപ്പിൽ തുറഹള്ളി ഫോറെസ്റ്റ് വ്യൂ പോയിന്റ് എന്ന് തിരയണം. കരിഷ്മ ഹിൽസ് എന്ന് തിരഞ്ഞാൽ സമീപത്തുള്ള അപ്പാർട്ട്മെന്റുകളാണ് ഗൂഗിൾ മാപ്പിൽ ലിസ്റ്റ് ചെയ്തിട്ടുള്ളത്.