വെറും കാളഹസ്തി ആല്ലാ, ശ്രീ കാളഹസ്തി

പേരിന് പിന്നില്‍

ശ്രീ, കാള, ഹസ്തി എന്നീ മൂന്നു വാക്കുകളില്‍ നിന്നാണ് ശ്രീകാളഹസ്തി എന്ന പേര് രൂപപ്പെട്ടിരിക്കുന്നത്. ശ്രീ ചിലന്തിയെയും കാള പാമ്പിനെയും ഹസ്തി ആനയെയും സൂചിപ്പിക്കുന്നു. ഇവിടെ വച്ച് ഇവ മൂന്നും ശിവനെ പ്രാര്‍ത്ഥിക്കുകയും മോക്ഷം നേടുകയും ചെയ്‌തെന്നാണ് വിശ്വാസം.
Photo Courtsey: Krishna Kumar Subramanian

വായു ലിംഗം

പഞ്ചഭൂതങ്ങളിലെ വായുവിനെ പ്രതിനിധീകരിക്കുന്ന സ്ഥലം കൂടിയാണ് കാളഹസ്തി. ദക്ഷിണേന്ത്യയിലെ ഏറ്റവും പ്രധാനപ്പെട്ടതും
പ്രശസ്തവുമായ ശിവക്ഷേത്രമാണ് ശ്രീകാളഹസ്തിയിലേത്.
Photo Courtsey: రవిచంద్ర

സ്വര്‍ണമുഖി

സ്വര്‍ണ്ണമുഖി നദിയ്ക്കും ഒരു കുന്നിനും ഇടയിലായാണ് ശ്രീകാളഹസ്തി ക്ഷേത്രം സ്ഥിതി ചെയ്യുന്നത്. അതിനാല്‍ ഇത് ദക്ഷിണ കൈലാസം എന്നറിയപ്പെടുന്നു. ദക്ഷിണകാശി എന്ന വിശേഷണവും കാളഹസ്തിക്കുണ്ട്.
Photo Courtsey: Balaji101mails

ഐതീഹ്യം

പഞ്ചഭൂതങ്ങളിലെ വായുവിനെ പ്രതിനിധീകരിക്കുന്ന സ്ഥലമാണ് ശ്രീകാളഹസ്തി. ശിവന്‍ വായുവിന്റെ രൂപത്തില്‍ ഇവിടെ വന്ന് തന്നോട് ചിലന്തിക്കും പാമ്പിനും ആനയ്ക്കുമുള്ള ഭക്തി നേരിട്ടറിഞ്ഞതായാണ് ഐതിഹ്യം. ഇവയുടെ ഭക്തിയില്‍ സംപ്രീതനായ ശിവന്‍ ഇവരെ പാപങ്ങളില്‍ നിന്ന് മുക്തരാക്കിയെന്നും അതുവഴി അവര്‍ക്ക് മോക്ഷം ലഭിച്ചെന്നും വിശ്വസിക്കപ്പെടുന്നു.സ്‌കന്ദപുരാണം, ശിവപുരാണം, ലിംഗപുരാണം എന്നിവയില്‍ ശ്രീകാളഹസ്തിയെ കുറിച്ച് പരാമര്‍ശങ്ങളുണ്ട്.
Photo Courtesy: రవిచంద్ర

ചരിത്രം

നിരവധി രാജവംശങ്ങള്‍ കാളഹസ്തി ഭരിച്ചിട്ടുണ്ട്. അവരെല്ലാം ഇവിടെ ക്ഷേത്രങ്ങളും നിര്‍മ്മിച്ചു. നിര്‍മ്മാണം നടന്ന കാലഘട്ടത്തിനും ഭരിച്ച രാജാവിന്റെ താത്പര്യത്തിനും അനുസരിച്ച് ക്ഷേത്രങ്ങളുടെ നിര്‍മ്മാണ ശൈലികളിലും വ്യത്യാസം കാണാം. അതുകൊണ്ട് തന്നെ ഇവിടുത്തെ ക്ഷേത്രങ്ങളില്‍ നിന്ന് ചോള രാജാക്കന്മാരുടെയും പല്ലവന്മാരുടെയും വിജയനഗര സാമ്രാജ്യത്തിലെ
രാജാക്കന്മാരുടെയും ശില്‍പ്പകലാ അഭിരുചികള്‍ വായിച്ചെടുക്കാന്‍ കഴിയും.
Photo Courtesy: Lakshmaiah.nellore

നല്ല സമയം

വേനല്‍ക്കാലത്ത് ഇവിടെ കടുത്ത ചൂട് അനുഭവപ്പെടും. അതിനാല്‍ വേനല്‍ക്കാലത്ത് സന്ദര്‍ശനം ഒഴിവാക്കുന്നതാണ് നല്ലത്.
Photo Courtsey: రవిచంద్ర

എത്തിച്ചേരാന്‍

റെയില്‍ മാര്‍ഗ്ഗവും റോഡ് മാര്‍ഗ്ഗവും കാളഹസ്തിയില്‍ എത്തിച്ചേരാം. അനുപമായ ശില്‍പ്പചാരുതയുള്ള ക്ഷേത്രങ്ങളും ഭക്തിനിര്‍ഭരമായ അന്തരീക്ഷവുമാണ് കാളഹസ്തിയിലേക്ക് ജനങ്ങളെ ആകര്‍ഷിക്കുന്നത്. മന:ശാന്തി ഇഷ്ടപ്പെടുന്നവരുടെ സ്‌നേഹം
കാളഹസ്തി അതിവേഗം പിടിച്ചുപറ്റും.
Photo Courtesy: Balaji101mails