മുംബൈയിൽ നിന്ന് ഒളിച്ചോടാൻ ഒരു കോട്ട

സഞ്ചാരികളെ വിസ്മയം കൊള്ളിക്കുന്ന നിരവധികോട്ടകളുണ്ട് മഹാരാഷ്ട്രയിലെ മലമേടുകളിൽ. എന്നാൽ സഞ്ചാരികൾ വീണ്ടും വീണ്ടും പോകാൻ കൊതിക്കുന്ന ഒരു കോട്ടയാണ് കർണാലകോട്ട. കോട്ടതേടിയുള്ള യാത്രയിൽ മഹാരാഷ്ട്രയിലെ കർണാല കോട്ടയിലേക്ക് ഇപ്രാവിശ്യം നമുക്ക് യാത്ര ചെയ്യാം. #13;മുംബൈ പൂനെ ഹൈവേയിൽ സ്ഥിതി ചെയ്യുന്ന പൻവേലിൽ നിന്ന് 15 കിലോമീറ്റർ അകലെയാണ് കർണാല കോട്ട സ്ഥിതി ചെയ്യുന്നത്. ഈ കോട്ടയിലേക്കുള്ള ട്രെക്കിംഗിന് ഏകദേശം ഒന്നര മുതൽ രണ്ട് മണിക്കൂർ വരെ സമയമെടുക്കും. ഇവിടെക്കുള്ള മലകയറ്റം ചിലപ്പോഴൊക്കെ വളരെ ദുഷ്കരമായി അനുഭവപ്പെടും. കയറി പോകാൻ നല്ലരീതിയിലുള്ള വഴിയൊന്നും ചില സ്ഥലങ്ങളിൽ കാണില്ല. അതു തന്നെയാണ് ഇവിടേക്കുള്ള യാത്രയുടെ ത്രില്ലും. #13;മലമുകളിൽ കയറിച്ചെന്നാൽ കോട്ടയുടെ അവശിഷ്ടങ്ങളും കുളങ്ങളും തമ്പ്സ് അപ്പ് പോയന്റും അല്ലാതെ കൂടുതൽ കാഴ്ചകളൊന്നും കാണാനില്ല. എന്നാൽ ലോകം കീഴടക്കിയ ഒരു അനുഭവം ആയിരിക്കും നിങ്ങളുടെ മനസിൽ ഉണ്ടാകുക. മാത്രമല്ല തിരക്ക് പിടിച്ചതും മലിനീകരിക്കപ്പെട്ടതുമായ നഗരജീവിതത്തിൽ നിന്ന് തൽക്കാലത്തേക്കെങ്കിലും രക്ഷപ്പെട്ട അനുഭവം നിങ്ങളെ കൂടുതൽ റിലാക്സ് ആക്കും. #13;പൻവേൽ #13;കേരളത്തിൽ നിന്നാണെങ്കിൽ പൻവേലിൽ എത്തുന്നത് എളുപ്പമാണ് കാരണം കേരളത്തിലെ ഇടപ്പള്ളിയിൽ നിന്ന് തുടങ്ങുന്ന ദേശീയപാത 17 അവസാനിക്കുന്നത് മുംബൈയിലെ പൻവേലിലാണ്. പൻവേലിൽ നിന്ന് കർണാലയിൽ ഏളുപ്പത്തിൽ എത്തിച്ചേരാം. ഇവിടെ ഒരു പക്ഷിസങ്കേതവുമുണ്ട്. #13;ശ്രദ്ധിക്കേണ്ട കാര്യങ്ങൾ: #13; #13;ട്രെക്കിംഗ് തുടങ്ങുമ്പോഴെ ആവശ്യത്തിന് വെള്ളം കരുതണം കോട്ടയിൽ എത്തിയാൽ വെള്ളം കിട്ടില്ല. #13;യാത്രയുടേ 25 ശതമാനവും ചെങ്കുത്തായ പാതയിലൂടെയാണ്. #13;ഒരാൾക്ക് 20 രൂപ പ്രവേശന ഫീസ് അടയ്ക്കണം. #13;അടിവാരത്ത് വാഹനം പാർക്ക് ചെയ്യുന്നുണ്ടെങ്കിൽ 50 രൂപയാണ് കാർപാർക്കിംഗ് ഫീസ്. ബൈക്കിന് 20 രൂപയാണ് ഫീസ്. #13;അടിവാരത്ത് ചെറിയ ഒരു ടീപ്പ് ഷോപ്പ് ഉണ്ട് അതല്ലാതെ ഭക്ഷണത്തിന് വേറെ കടകളൊന്നും ഇല്ല. അതിനാ ൽ സ്നാക്സുകളും മറ്റും കയ്യിൽ കരുതുന്നത് നല്ലതാണ്. എന്നാൽ പ്ലാസ്റ്റിക് വലിച്ചെറിയാതെ ശ്രദ്ധിക്കണം. #13;ഈ ഭാഗങ്ങളിൽ ധാരാളം കുരങ്ങൻ മാർ ഉണ്ട് അതിനാൽ നിങ്ങളുടെ വസ്തുക്കളൊക്കെ കയ്യിൽതന്നെ കരുതണം. #13; #13; കർണാലയിലേക്ക് വരുമ്പോൾ തന്നെ നിങ്ങൾക്ക് കാണാൻ കഴിയുന്ന ഒരു കാഴ്ചയാണ് തമ്പ്സ് അപ്പ് കുന്ന്. ഒരു തള്ളവിരൽ പോലെ ഉയർന്ന് നിൽക്കുന്നതിനാലാണ് ഇതിന് ആ പേര് ലഭിച്ചത്.Photo: Ravi Vaidyanathan മഴക്കാലത്ത് കോട്ട സന്ദർശിക്കുന്നത് അപകടകരമാണ്. എന്നാൽ മഴക്കാലം കഴിഞ്ഞയുടൻ തന്നെ കോട്ട സന്ദർശ്ശിക്കുന്നതാണ് നല്ലത്. കാരണം പച്ചപുതച്ച് നിൽക്കുന്ന കോട്ടയുടെ ഭംഗികാണാൻ ഈ സമയത്ത് തന്നെ പോകണംPhoto: Dupinder singh കോട്ടയിൽ കയറിച്ചെന്നാൽ കൂടുതൽ കാഴ്ചകളൊന്നും പ്രതീക്ഷിക്കരുത്. ഇതൊക്കെ തന്നെയാണ് കാഴ്ചകൾ. ഇവിടേക്കുള്ള മലകയറ്റമാണ് ഏറ്റവും സുന്ദരമായ അനുഭവംPhoto: Dupinder singh മുംബൈയ്ക്ക് അടുത്തുള്ള ട്രെക്കിംഗ് സ്ഥലം എന്ന നിലയിലാണ് കർണാല ഏറേ പേരെടുത്തത് നഗരത്തിരക്കിൽ വീർപ്പുമുട്ടി കഴിയുന്നവർക്ക് ഒരു ആശ്വാസമാണ് ഈ സ്ഥലം.Photo: Dupinder singh രണ്ട് കോട്ടകൾ ചേർന്നതാണ് കർണാല കോട്ട. ഉയർന്ന് നിൽക്കുന്ന ഒരു കോട്ടയും ഉയരം കുറഞ്ഞ മറ്റൊരു കോട്ടയും ചേർന്നതാണ് ഈ കോട്ട.Photo: Dupisingh കോട്ടയുടെ മധ്യഭാഗത്തിന് 125 അടിയോളം ഉയരം വരും. പാണ്ടു ടവർ എന്നാണ് ഇത് അറിയപ്പെടുന്നത്. വാച്ച് ടവറായിട്ടാണ് ഇത് ഉപയോഗിച്ചിരുന്നത്. എന്നാൽ ഇന്ന് ഇത് നാശത്തിന്റെ വക്കിലാണ്.Photo: Dupisingh സ്റ്റെപ്പ്കയറിവേണം ഈ കോട്ടയിലേക്ക് പ്രവേശിക്കാൻ. ഒരാൾക്ക് മാത്രം പ്രവേശിക്കാൻ കഴിയുന്ന പ്രവേശന ദ്വാരമാണ് കോട്ടയിൽ ഉള്ളത്. ഈ പ്രവേശ്വന ദ്വാരത്തിലും സ്റ്റെപ്പുകളാണ്.Photo: Anil R #13; #13;