ഉത്തര്പ്രദേശ് സംസ്ഥാനത്ത്, മീററ്റിനടുത്ത്, ഗംഗ നദിയുടെ തീരത്താണ് ഹസ്തിനപുരി സ്ഥിതി ചെയ്യുന്നത്. മഹാഭാരത ഐതിഹ്യമനുസരിച്ച്, ആ കാലഘട്ടത്തില് കൗരവരുടെ തലസ്ഥാനമായിരുന്നു ഹസ്തിനപുരി. മഹാഭാരത യുദ്ധ ശേഷം, പാണ്ഡവര് വിജയം വരിക്കുകയും തുടര്ന്ന് കലിയുഗ കാലഘട്ടം വരെ, ഏകദേശം 36 വര്ഷക്കാലം, പാണ്ഡവര് ഹസ്തിനപുരി ഭരിക്കുകയും ചെയ്തു.
ആര്ക്കിയോളജിക്കല് സര്വെ ഓഫ് ഇന്ത്യ ഹസ്തിനപുരിയുടെ പല ഭാഗങ്ങളിലായി നടത്തിയ ഖനന പ്രവര്ത്തനങ്ങളില് വളരെ പുരാതനങ്ങളായ സ്മാരകശിലകളും, ക്ഷേത്ര എടുപ്പുകളും കണ്ടെത്തുകയുണ്ടായി. ഖനനങ്ങളില് ഇവിടെ നിന്ന് കണ്ടെത്തിയ മറ്റനേകം വസ്തുക്കളും, വസ്തുതകളും മേല് ഖണ്ഡികയില് പറഞ്ഞ കാര്യങ്ങളെ സാധൂകരിക്കുന്നതായിരുന്നു.
പവിത്രമായ ജൈനമതക്കാരുടെ ഒരു സമൂഹം കൂടിയാണ് ഹസ്തിനപുരി. 16ഉം 17ഉം 18ഉം കൂടാതെ ഇരുപത്തിനാലാം ജൈനമത തീര്ത്ഥങ്കരരും ജനിച്ചതിവിടെയാണ്. ഒരു നല്ല വിഭാഗം ജൈനമതക്കാരും എല്ലാ വര്ഷവും ഇവിടെ തീര്ത്ഥാടനത്തിനായി എത്തിച്ചേരുന്നു.
ഹസ്തിനപുരിയിലെ കാഴ്ചകള്
ഹസ്തിനപുരിയൊരു ജൈന-ഹിന്ദു മത സമൂഹമായത് കൊണ്ടുതന്നെ ഇവിടെ അനവധിയായിട്ടുള്ള തീര്ത്ഥാടന കേന്ദ്രങ്ങള് ഉണ്ട്. ഓള് ഡ് പാണ്ഡെശ്വര് ടെമ്പിള് , കരണ് ടെമ്പിള് , ലോടസ് ടെമ്പിള് തുടങ്ങി ജൈനമത വിശ്വാസക്കാരുടെ ദിഗംഭര ജൈന ബഡാ മന്ദിര്, ജൈന ജംബുദ്വീപ് മന്ദിര്, ശ്രീ ശ്വേതംബര ജൈന ക്ഷേത്രം എന്നിവയാണ് അവയില് ചിലത്. കൂടാതെ കൈലാസ പര്വ്വതം, അഷ്ടപദം, ഹസ്തിനപുരി വന്യമൃഗസംരക്ഷണ കേന്ദ്രം (1986 ലാണ് സ്ഥാപിതമായത്) തുടങ്ങിയവയും ഇവിടെയുള്ള പ്രധാനപ്പെട്ട വിനോദകേന്ദ്രങ്ങളാണ്.
എത്തിച്ചേരല്
മീററ്റില് നിന്നും ഏകദേശം 37 കിലോമീറ്റര് അകലെയാണ് ഹസ്തിനപുരി സ്ഥിതി ചെയ്യുന്നത്. ഏറ്റവും എളുപ്പം, മീററ്റില് വരെ ട്രെയിനില് വന്ന്, അവിടെ നിന്നും ടാക്സിയിലോ ബസ്സിലോ ഹസ്തിനപുരിയില് എത്തിച്ചേരുന്നതാണ്.