01. ചിറൊട്ടി - മംഗലാപുരം
കര്ണാടകയിലെ, പ്രത്യേകിച്ച് മംഗലാപുരം ഭാഗങ്ങളിലെ ആഘോഷ സമയങ്ങളില് വിതരണം ചെയ്യാറുള്ള വിശിഷ്ടമായ ഒരു മധുര പലഹാരമാണ് ചിറൊട്ടി. ഈ വിഭവത്തിന്റെ നിര്മ്മാണത്തില് കൊങ്കണ് ശൈലിയുടെ സ്വാധീനം പ്രകടമാണ്. കന്നഡക്കാരുടെ വിവാഹ ആഘോഷങ്ങളില് പങ്കെടുക്കണം ഇതൊന്ന് രുചിക്കാന്. കാരണം അപൂര്വമായി മാത്രമെ സ്വീറ്റ് കടകളില് ഇത് ലഭിക്കുകയുള്ളു.
02. ഹല്ബായ് - മൈസൂര്, ബാംഗ്ലൂര്
ബാംഗ്ലൂര്, മൈസൂര് തുടങ്ങിയ സ്ഥലങ്ങളില് സുലഭമായി ലഭിക്കുന്ന ഒരു പലഹാരമാണ് ഹബായ്. അരി, ശര്ക്കര, തേങ്ങ എന്നിവ ഉപയോഗിച്ചാണ് ഇത് ഉണ്ടാക്കുന്നത്.
03. ഹയഗ്രീവ - ഉഡുപ്പി
തേങ്ങയും കടലയും ശര്ക്കരയും ചേര്ത്ത് ഗംഭീരമായ ഒരു പലഹാരം ഉണ്ടാക്കാന് കഴിയുമെന്ന് അറിയുമോ. അങ്ങനെ ഒരു പലഹാരമാണ് ഹയഗ്രീവ. ഉഡുപ്പിയിലെ വീടുകളില് ഉണ്ടാക്കുന്ന വിഭവമാണ് ഇത്. അതിനാല് കടകളില് കിട്ടാന് വിഷമമാണ്.
04. കരദഡൂ - ഗോകാക്
പശപശപ്പുള്ള, ചവച്ച് തിന്നാന് കഴിയുമ്മ ഒരു പലഹാരമാണ് കരദഡു. ബെലഗാവിയിലെ ഗോകക്കിലാണ് ഈ പലഹാരം പ്രശസ്തം. കരഡു എന്ന വാക്കിന്റെ അര്ത്ഥം വറുത്തെടുത്ത എന്നാണ് അണ്ടു എന്നാല് പശപശപ്പുള്ളത് എന്നാണ് അര്ത്ഥം.
Photo Courtesy: Manuhubli
05. കുംത - ബെലഗാവി
ധാര്വാഡ് പേഡയുടെ ഇരട്ട സഹോദരി എന്നാണ് കുംത അറിയപ്പെടുന്നത്. വഴുവഴുത്ത രൂപത്തിലാണ് ഈ പലഹാരം. ബെലഗാവിയിലെ പ്രശസ്തമായ ഈ മധുര പലഹാരം ബാംഗ്ലൂര് നഗരത്തില് ലഭ്യമാണ്.
06. ധാര്വാഡ് പേഡ - ധാര്വാഡ്
175 വര്ഷത്തെ ചരിത്രമുണ്ട് ധാര്വാഡ് പേഡയ്ക്ക്. വര്ഷങ്ങള്ക്ക് മുന്പ് ഉത്തര്പ്രദേശില് നിന്ന് ധാര്വാഡിലേക്ക് കുടിയേറി പാര്ത്ത ഠാക്കുര് കുടുംബക്കാരാണ് ധാര്വാഡ് പേഡ നിര്മ്മിക്കാന് ആരംഭിച്ചത്.
Photo Courtesy: Pamri
മൈസൂര് പാക്ക്
പേരു സൂചിപ്പിക്കുന്നത് പോലെ തന്നെ പക്കാ മൈസൂരു കാരനാണ് മൈസൂര് പാക്ക്. കര്ണാടകയില് എന്നാല് സൗത്ത് ഇന്ത്യയിലെ തന്നെ ഏറ്റവും പ്രിയപ്പെട്ട മധുര പലഹാരമാണ് ഇത്.
Photo Courtesy: Charles Haynes
Click it and Unblock the Notifications
