വിചിത്ര വഴികൾ തിരയുന്നവരേ; പോകാം മേഘാലയയ്ക്ക്!

ജീവിച്ചിരിക്കുന്ന പാലങ്ങൾ

എന്താട മണ്ടാ ഈ പറഞ്ഞ് വരുന്നത് എന്ന് ആക്രോശിക്കാൻ വരട്ടേ? മേഘാലയയിലെ പലഗ്രാമങ്ങളിലും കാണപ്പെടുന്ന വിചിത്രമായ പാലങ്ങളേക്കുറിച്ചാണ് പറഞ്ഞ് വരുന്നത്. ലിവിംഗ് റൂട്ട് ബ്രിഡ്ജ് എന്ന് അറിയപ്പെടുന്ന ഇത്തരം പാലങ്ങൾ കണ്ടാൽ അന്തംവിട്ട് നിൽക്കാൻ മലയാളിയുടെ അന്തസ് അനുവദിക്കില്ലെങ്കിലും. പ്രകൃതിയുടെ ഒരു ബുദ്ധിയേ എന്ന് ഒരു കമന്റെങ്കിലും പറയും.

ചിത്രത്തിന് കടപ്പാട്: rajkumar1220

വേരാണ് പാലം

മേഘാലയിലെ ഗ്രാമങ്ങളിൽ ഇത്തരത്തിൽ നിരവധി പാലങ്ങൾ കാണാം. പുഴകൾക്കും തോടുകൾക്കും കുറുകേ നീണ്ട് വരുന്ന വേരുകളാണ് ഇത്. നല്ല ബലമുള്ള ഇത്തരം വേരുകൾ ക്രമേണ ആളുകൾ പാലങ്ങളായി ഉപയോഗിക്കുകയാണ്.

ചിത്രത്തിന് കടപ്പാട്: Arshiya Urveeja Bose

ഇല്ലിമുളം പാലങ്ങൾ

വേരുകൾ നീളത്തയിടങ്ങളിൽ പാലങ്ങളൊന്നും ഇല്ലേയെന്ന് ബുദ്ധിപൂർവം ആരെങ്കിലും ചോദിച്ചാൽ അതിനുള്ള മറുപടിയാണ് ഈ പാലം. മുളകൾ ഉപയോഗിച്ചാണ് ഈ പാലം നിർമ്മിച്ചിരിക്കുന്നത്. മേഘാലയിലെ ഗോത്ര വർഗ്ഗക്കാരുടെ ഒരു കഴിവേ!

ചിത്രത്തിന് കടപ്പാട്: Ashwin Kumar

ഇതൊക്കെ ഒരു ഗുഹയാണോ?

മേഘാലയിലെ സിജു ഗുഹ കണ്ടിട്ട് ഇങ്ങനെ ഒരു ചോദ്യം ആരും ചോദിക്കില്ല. കാരണം എത്ര ഗുഹകണ്ടാലും ഇത്തരത്തിൽ ഒരു ഗുഹ നിങ്ങൾ കണ്ടിട്ടുണ്ടാവില്ല. ഇത്തരത്തിൽ നിരവധി ഗുഹകളുണ്ട് മേഘാലയയിൽ. ഇതിൽ പ്രധാനപ്പെട്ട ഗുഹയാണ് സിജു.

ചിത്രത്തിന് കടപ്പാട്: Biospeleologist

സൂക്ഷിക്കണേ!

ഇതല്ലാ ഇതിനപ്പുറത്തേ ഗുഹയിലും കേറിയിട്ടുള്ളവനാ ഈ ---- എന്ന് മനസിൽ വിചാരിച്ച് യാതൊരു മുൻകരുതലും ഇല്ലാതെ ഈ ഗുഹയിലൊന്നും ദയവു ചെയ്ത് കയറരുതെ. ഒരു ഗൈഡിന്റെ സഹായത്തോടെ മതിയായ സുരക്ഷ മുൻകരുതലുകൾ സ്വീകരിച്ച് വേണം ഗുഹയിൽ കയറാൻ. സിജു ഗുഹയേക്കുറിച്ച് കൂടുതൽ അറിയാം

ചിത്രത്തിന് കടപ്പാട്: Dr. Jayant Biswas

എളുപ്പത്തിൽ കയറാൻ ഒരു ഗുഹ

ഇനി ഒരു ഗുഹയിലേക്ക് ഓടിക്കയറണമെന്ന് നിർബന്ധമാണെങ്കിൽ നേര ചിറാപുഞ്ചിക്ക് പൊയ്ക്കോ അവിടെ ഒരു ഗുഹയുണ്ട്. മവ്സ് മയി ഗുഹ എന്ന് അറിയപ്പെടുന്ന ഈ ഗുഹയിൽ കയറാൻ എളുപ്പമാണ്. ഈ ഗുഹയേക്കുറിച്ച് അറിയാം.

ചിത്രത്തിന് കടപ്പാട്: Ppyoonus