നഗ്നനായ ബാഹുബലി‌‌യേ കാണാൻ ഒരു യാത്ര

ശ്രാ‌വണ‌ബെലഗോള

ചന്ദ്രഗി‌രി, വിന്ധ്യാഗിരി എന്നീ കുന്നുകൾക്കിടയിലാണ് ശ്രാവണബെ‌ലെഗോളയിലെ പ്രധാന ആകർഷണങ്ങൾ ചിതറിക്കിടക്കുന്നത്. ചന്ദ്രഗുപ്തൻ അദ്ദേഹത്തിന്റെ അവസാന നാ‌ളുകൾ ചെ‌ലവഴിച്ച സ്ഥലമാണ് ചന്ദ്രഗിരി.

Photo Courtesy: Akshatha Inamdar

ബാഹുബലി

ബാഹുബലിയുടെ ഭീമാകാരനായ പ്രതിമകൾ കൂടാതെ ആയിരക്കണക്കിന് പ്രതിമകൾ ഈ മലമടക്കിൽ കൊത്തിവച്ചിട്ടുണ്ട്. ജൈന മതത്തിൽ തീർത്ഥങ്കരന്മാ‌രിൽ എല്ലാവരുടേയും പ്രതിമകൾ ഇവിടെ കാണാം.
Photo Courtesy: Sughoshdivanji

താഴേ നിന്ന് കാണാം

ശ്രാവണബലെഗോളെയിലെത്തും മുന്‍പ് തന്നെ ഈ കൂറ്റന്‍ ബാഹുബലി പ്രതിമ നിങ്ങളുടെ കാഴ്ചയെത്തേടിയെത്തും. 17.5 മീറ്റര്‍ നീളമുണ്ട് ഈ ബാഹുബലി പ്രതിമയ്ക്ക്. എ ഡി 978 ലാണ് ഈ പ്രതിമ സ്ഥാപിച്ചത്.
Photo Courtesy: Apoorva Ramesh

ജൈന തീർത്ഥാടന കേന്ദ്രം

പണ്ടുകാലം മുതല്‍ക്കേ തന്നെ ശ്രാവണബലെഗോള പ്രധാനപ്പെട്ട ഒരു ജൈനതീര്‍ത്ഥാടന കേന്ദ്രമായിരുന്നു എന്ന സൂചനകളാണ് ഈ കൂറ്റന്‍ ബാഹുബലി പ്രതിമ നല്‍കുന്നത്.
Photo Courtesy: Matthew Logelin

ഗോമേതേശ്വരൻ

ബാഹുബലി പ്രതിമയെ ഗോമേതേശ്വരന്‍ എന്നും വിളിക്കും. ബാഹുബലി പ്രതിമയ്‌ക്കൊപ്പം സവിശേഷമായ മറ്റുചില പ്രാധാന്യങ്ങളും ശ്രാവണബലെഗോളയ്ക്കുണ്ട്.
Photo Courtesy: Ilya Mauter

ചന്ദ്രഗുപ്ത മൗര്യന്‍

തെക്കേ ഇന്ത്യയില്‍ ജൈനമതം പ്രചരിപ്പിക്കുന്നതില്‍ സവിശേഷ സ്ഥാനം വഹിച്ച ഭരണാധികാരിയായിരുന്നു ചന്ദ്രഗുപ്ത മൗര്യന്‍. നിരവധി യുദ്ധങ്ങള്‍ ജയിച്ച് നാടുകള്‍ വെട്ടിപ്പിടിച്ച ശേഷം ചന്ദ്രഗുപ്തമൗര്യന്‍ എല്ലാം ഉപേക്ഷിച്ച് ശ്രാവണബലെഗോളയിലെത്തി മോക്ഷം പ്രാപിക്കുകയായിരുന്നു.
Photo Courtesy: Matthew Logelin

ചരിത്രം

എ ഡി 630 മുതല്‍ 1830 വരെയുള്ള കാലങ്ങളിലെ ശക്തമായ ചരിത്രപാരമ്പര്യം അവകാശപ്പെടാനുണ്ട് ശ്രാവണബലെഗോളയ്ക്ക്. ഗംഗന്മാര്‍, ചോളന്മാര്‍, ഹോയ്‌സാലന്മാര്‍, വോഡയാര്‍ എന്നുതുടങ്ങി നിരവധി രാജവംശങ്ങളുടേതെന്ന് കരുതപ്പെടുന്ന എണ്ണൂറോളം ശിലാന്യാസങ്ങളാണ് ചരിത്രത്തിലേക്ക് ശ്രാവണബലെഗോളയുടെ മുതല്‍ക്കൂട്ട്.
Photo Courtesy: Akshatha Inamdar

ചെന്നാരായണ പട്ടണം

ചെന്നാരായണ പട്ടണമാണ് ശ്രാവണബലെഗോളയ്ക്ക് സമീപത്തുള്ള ബസ് സ്റ്റേഷന്‍. മൈസൂര്‍, ബാംഗ്ലൂര്‍ എന്നിവിടങ്ങളില്‍ നിന്നും ഇവിടേക്ക് നിരവധി ബസ്സുകള്‍ ലഭ്യമാണ്. ചെന്നാരായണ പട്ടണത്തുനിന്നും ലോക്കല്‍ ബസ്സകളിലോ ടാക്‌സികളിലോ ശ്രാവണബലെഗോളയിലെത്താം.

Photo Courtesy: Akshatha Inamdar