» »തമിഴ്നാട്ടിലെ കാടുകളെ അറിയാം..

തമിഴ്നാട്ടിലെ കാടുകളെ അറിയാം..

Written By:

വിനോദ സഞ്ചാര രംഗത്ത് തമിഴ്നാടിന്റെ ഏറ്റവും വലിയ സംഭാവന എന്നു പറയുന്നത് അതിൻറെ വ്യത്യസ്തത തന്നെയാണ്. വെള്ളച്ചാട്ടങ്ങളും കായലുകളും കടലിന്റെ സാമീപ്യവും ബീച്ചുകളും കാടുകളും ദേശീയോദ്യാനങ്ങളും വന്യജീവ സങ്കേതങ്ങളുമെല്ലാം ചേർന്ന് തമിഴ്നാടിനെ സഞ്ചാരികൾക്കിടയിൽ ഏറെ പ്രശസ്തമാക്കിയിരിക്കുകയാണ്. അതിൽ ഏറ്റവും കൂടുതൽ ആളുകൾ സന്ദർശിക്കാനെത്തുന്നത് ഇവിടുത്തെ കാടുകൾ തന്നെയാണ്. ആറിലൊന്നു ഭാഗവും വനങ്ങൾ കൊണ്ടു സമ്പന്നമായ തമിഴ്നാട്ടിലെ പ്രശസ്തമായ കാടുകളെ അറിയാം...

അമിർതി

അമിർതി

തമിഴ്നാട്ടിലെ വെല്ലൂർ ജില്ലയിൽ സ്ഥിതി ചെയ്യുന്ന അമിർതി കാടുകൾ അതി വിശിഷ്ടമായ ജൈവ സമ്പത്തിനു പേരു കേട്ട കാടാണ്. അത്യപൂർവ്വങ്ങളായ സസ്യങ്ങൾ വളരുന്ന ഇവിടം ഗവേഷകരുടെയും സസ്യശാസ്ത്ര വിദ്യാർഥികളുടെയും പ്രിയപ്പെട്ട ഇടം കൂടിയാണ്. 25 കിലോമീറ്റർ വിസ്തൃതിയുള്ള അമിർതി കാടുകളുടെ ഒരു ഭാഗം വന്യജീവി സങ്കേതമായും ബാക്കിയുള്ളത് വിനോദ സഞ്ചാരത്തിനുമായി മാറ്റി വെച്ചിരിക്കുകയുമാണ്.
വിനോദ സഞ്ചാരത്തിന് ഏറെ പേരു കേട്ടതാണെങ്കിലും രാത്രി കാലങ്ങളിൽ ഒട്ടും സുരക്ഷിതമല്ലാത്ത ഇടമാണ്. ട്രക്കിങ്ങിനു ഏറെ പ്രശസ്തമായിരിക്കുന്ന ഈ കാടിനുള്ളിൽ ധാരാളം വെള്ളച്ചാട്ടങ്ങൾ കാണാം. ട്രക്കിങ്ങിന്റെ ആകർഷണവും ഈ കാടുകൾ തന്നെയാണ്.

PC:Owais

 ലോങ് വുഡ് ചോല കാട്

ലോങ് വുഡ് ചോല കാട്

ഊട്ടിയിൽ നീലഗിരിക്ക് സമീപം സ്ഥിതി ചെയ്യുന്ന അനേകം കാടുകളിൽ ഒന്നാണ് ലോങ് വുഡ് ചോല കാട. കോത്തഗിരിയോട് ചേർന്നു സ്ഥിതി ചെയ്യുന്ന ഈ കാടുകൾ ഊട്ടിയുടെ മനോഹരമായ കാഴ്ചകൾക്കു പറ്റിയ ഇടം കൂടിയാണ്. വെറുതെ കാടു കണ്ടു മടങ്ങുന്നവർക്ക് ഒട്ടും യോജിച്ചതല്ല ഇവിടം. കാടിനുള്ളിലൂടെ ഉള്ള യാത്രയ്ക്കും യാത്രയിൽ അല്പം റിസ്ക് എടുക്കാൻ താല്പര്യമുള്ളവർക്കും പറ്റിയ ഇവിടം ട്രക്കിങ്ങിനു ഏറെ യോജിച്ച ഇടം കൂടിയാണ്. തമിഴ്നാട്ടിലെ എറ്റവും മനോഹരമായ കാടുകളുടെ കൂടെ മുന്‍പന്തിയിലാണ് ലോങ് വുഡ് ചോല കാടുകളുടെ സ്ഥാനവും.

തമിഴ്‌നാടിനെ അറിയാം ഈ സ്ഥലങ്ങളിലൂടെ...

PC:SeethaG

പുലിയൻ ചോല

പുലിയൻ ചോല

ട്രിച്ചിയിൽ നിന്നും 72 കിലോമീറ്റർ അകലെ സ്ഥിതി ചെയ്യുന്ന പുലിയൻ ചോലക്കാടുകൾ പ്രകൃതി ദത്തമായ കാഴ്ചകൾക്കു പേരുകേട്ട ഇടമാണ്. പച്ച നിറത്തിൽ തണുത്ത കാറ്റു വീശിക്കൊണ്ടിരിക്കുന്ന ഇവിടം ഒട്ടേറ സഞ്ചാരികളുടെ പ്രിയ കേന്ദ്രം കൂടിയാണ്. കാടിനകത്തുള്ള ചെറിയ വെള്ളച്ചാട്ടം ഇതിന്റെ ഭംഗി വർധിപ്പിക്കുന്ന ഒന്നുകൂടിയാണ്.
കൊല്ലിമലയുടെ താഴ്വാരത്തിൽ സ്ഥിതി ചെയ്യുന്ന പുളിയൻചോലയിൽ കരടി, പുലി, മാനുകൾ തുടങ്ങിയ ജീവികളെ കാണാം.

PC:cosmo_71

വെള്ളിമല

വെള്ളിമല

തേനിയിൽ നിന്നും 65 കിലോമീറ്റർ അകലെ സ്ഥിതി ചെയ്യുന്ന വെള്ളിമല കൊടുംകാടുകളാൽ നിറഞ്ഞ ഒരിടമാണ്. പ്രകൃതി ദത്തമായ സമ്പത്തുകൾ ധാരാളം കാണുപ്പെടുന്ന ഇവിടം സ്റ്റേറ്റ് ഫോറസ്റ്റ് ഡിപ്പാർട്മെന്റിനു കീഴിൽ സംരക്ഷിക്കപ്പെടുന്ന ഒരിടം കൂടിയാണ്. 100 ഏക്കർ വിസ്തൃതിയിൽ പരന്നു കിടക്കുന്ന ഇവിടെ അത്യപൂർവ്വങ്ങളായ ചെടികൾ സംരക്ഷിക്കപ്പെടുന്നു. ഔഷധസസ്യങ്ങളും പക്ഷികളുമുള്ള ഇവിടം പക്ഷി നിരീക്ഷകരുടെയും ഗവേഷകരുടെയും ഇഷ്ടപ്പെട്ട സ്ഥലം കൂടിയാണ്. താരതമ്യേന വരണ്ട ഭൂപ്രകൃതിയുള്ള കാടിനുള്ളിൽ രണ്ടു വലിയ ജലാശയങ്ങളുണ്ട്.

സഞ്ചാരികള്‍ക്ക് വേണ്ടതെല്ലാം ഒരുക്കി കൂനൂര്‍!!

PC:Rajeshodayanchal

 മുത്തുപേട്ടെ കണ്ടൽ കാട്

മുത്തുപേട്ടെ കണ്ടൽ കാട്

120 സ്ക്വയർ കിലോമീറ്റർ ദൂരത്തിൽ പരന്നു കിടക്കുന്ന മുത്തുപേട്ടെ കണ്ടൽ കാട് കണ്ടൽക്കാടുകൾ മാത്രമുള്ള ഇടമാണ്. കണ്ടൽക്കാടുകളുടെ മറ്റെങ്ങും ലഭിക്കാത്ത മനോഹരങ്ങളായ കാഴ്ചകളാണ് ഇവിടുത്തെ ഏറ്റവും വലിയ ആകർഷണം. ദേശാടന പക്ഷികൾ ധാരാളമായി എത്തിച്ചേരുന്ന ഇവിടെ ഏറ്റവും അധികം പക്ഷികൾ എത്തിച്ചേരുന്നത് നവംബർ-ഡിസംബർ മാസങ്ങളിലാണ്.
സൈബീരിയയിൽ നിന്നും റഷ്യ, ഇറാൻ തുടങ്ങിയ സ്ഥലങ്ങളിൽ നിന്നും ഇവിടെ ദേശാടന പക്ഷികൾ എത്താറുണ്ട്.

PC:L. Shyamal

മികച്ച ട്രാവല്‍ ഡീലുകളും ടിപ്‌സുകളും യാത്രാ വിവരണങ്ങളും അറിയാം...

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more