Click it and Unblock the Notifications
കഴിഞ്ഞ കുറച്ചു വര്ഷങ്ങളായി നമ്മളേറ്റവും കൂടുതല് കേള്ക്കുന്ന വാക്കുകളിലൊന്നാണ് എക്കോ ഫ്രണ്ട്ലി അഥവാ പ്രകൃതി സൗഹൃദം. താമസിക്കുന്ന വീടു മുതല് നിത്യജീവിതത്തില് ഉപയോഗിക്കുന്ന സാധനങ്ങള് വരെ എക്കോ ഫ്രണ്ട്ലി ആക്കുവാന് നമ്മള് ശ്രദ്ധിക്കാറുണ്ട്. നിലവിലെ പരിസ്ഥിതി വ്യവസ്ഥകൾക്കും പരിസ്ഥിതിക്കും ഏറ്റവും കുറഞ്ഞ രീതിയില് ദോഷം വരുത്തുന്നവയെയാണ് എക്കോ ഫ്രണ്ട്ലി എന്ന വാക്കുകൊണ്ട് ഉദ്ദേശിക്കുന്നത്. . ഇന്നത്തെ ലോകം തന്നെ ഒരു കൈവെള്ളയിലൊതുങ്ങിയ കാലത്ത് ഇതിനു വലിയ പ്രാധാന്യമുണ്ട്.
എൻവയോൺമെന്റൽ പെർഫോമൻസ് ഇൻഡക്സ്
ഡെന്മാര്ക്ക്- ഇപിഐ 82.5
ലക്സംബര്ഗ്- ഇപിഐ 82.3
സ്വിറ്റ്സര്ലന്ഡ് ഇപിഐ 81.5
യുണൈറ്റഡ് കിങ്ഡം ഇപിഐ 81/3
ഫ്രാന്സ് ഇപിഐ 80
ഇപിഐ റേറ്റില് ലോകത്തെ അഞ്ചാം സ്ഥാനത്ത് നില്ക്കുന്ന രാജ്യമാണ് ഫ്രാന്സ്. ശുചീകരണത്തിനും മലിനീകരണ ഉദ്വമനത്തിനും നൂറില് നൂറ് പോയിന്റും ലഭിച്ചിട്ടുണ്ട്. പത്തു രാജ്യങ്ങളുടെ പട്ടികയില് കാലാവസ്ഥാ വ്യതിയാനത്തിൽ നാലാമതും ജൈവവൈവിധ്യത്തിൽ അഞ്ചാമതുമാണ് ഫ്രാന്സുള്ളത്. പ്രകൃതിയുടെ സുസ്ഥിര നിലനില്പ്പിനായി നിരവധി പാരിസ്ഥിതിക സംരംഭങ്ങൾ ഇവിടെ നിലവിലുണ്ട്.
ഓസ്ട്രിയ ഇപിഐ 79.6
മാലിന്യ സംസ്കരണം, രാസവസ്തുക്കൾ, വായു മലിനീകരണം എന്നിവയുടെ കാര്യത്തില് യൂറോപ്പിലെ ചില കർശനമായ മാനദണ്ഡങ്ങൾ പാലിക്കുന്ന രാജ്യമാണ് ഓസ്ട്രിയ. ഈ കാരണമാണ് ഓസ്ട്രിയയെ പാരിസ്ഥിതി സൗഹൃദ രാജ്യങ്ങളുടെ പട്ടികയില് ഓസ്ട്രിയയെ ആറാമതെത്തിച്ചിരിക്കുന്നത്. കീടനാശിനികൾക്കും വളങ്ങൾക്കും ഉള്ള കാര്ഷിക ചട്ടങ്ങളും ഇവിടെ കര്ശനമായി പാലിച്ചു പോരുന്നു. ഈ നിയന്ത്രണങ്ങൾ കുടിവെള്ളത്തിനും മലിനീകരണ ബഹിർഗമനത്തിനും മികച്ച 100 സ്കോർ ചെയ്യാൻ ഓസ്ട്രിയയെ പ്രാപ്തമാക്കുന്നു
ഫിന്ലന്ഡ് ഇപിഐ 78.9
പത്ത് രാജ്യങ്ങളുടെ പട്ടികയില് ഏഴാം സ്ഥാനത്താണെങ്കിലും എന്നാൽ 99.3 സ്കോറോടെ വായു ഗുണനിലവാരത്തിൽ ലോകത്ത് ഒന്നാമതാണ് ഫിന്ലന്ഡ് . ശുചിത്വം, കുടിവെള്ളം, ഘന ലോഹങ്ങൾ എന്നിവയില് സ്കോര് 100 ഉം ഈ രാജ്യം നേടിയിട്ടുണ്ട് ഫിൻലൻഡിന്റെ ഊർജ്ജത്തിന്റെ 35% പുനരുപയോഗ ഊർജ സ്രോതസ്സുകളിൽ നിന്നും വനങ്ങളിൽ നിന്നുമാണ്. വന്യജീവി സംരക്ഷണവും ഉയർന്ന മുൻഗണനകളാണ്
സ്വീഡന് ഇപിഐ 78.7
ലോകത്തിലെ ഏറ്റവും മികച്ച സുസ്ഥിര രാജ്യങ്ങളിലൊന്നായാണ് പട്ടികയില് എട്ടാം സ്ഥാനം നേടിയ സ്വീഡന് അറിയപ്പെടുന്നത്. ഖരമാലിന്യത്തിന്റെയും ലെയത്തിന്റെയും കാര്യത്തിൽ ഉയർന്ന റാങ്കിലാണ് ഇവിടമുള്ളത്, പുനരുപയോഗ ഊർജ സ്രോതസ്സുകളുടെയും കുറഞ്ഞ കാർബൺ ഡൈ ഓക്സൈഡ് പുറന്തള്ളലിന്റെയും ഉപയോഗത്തിന് ഇവിടം പ്രസിദ്ധമാണ്.
നോര്വെ ഇപിഐ77.7
മറ്റൊരു പ്രകൃതി സൗഹൃദ രാജ്യമാണ് നോര്വെ. പട്ടികയില് ഒന്പതാം സ്ഥാനത്തു നില്ക്കുന്ന ഇവിടുത്തെ നിലവിലെ വൈദ്യുതി ഉൽപ്പാദനം 97% പുനരുൽപ്പാദിപ്പിക്കാവുന്നവയാണ്, ഹരിതഗൃഹ വാതക ഉദ്വമനം 30% കുറയ്ക്കാൻ അടുത്തിടെ രാജ്യം തീരുമാനിച്ചിരുന്നു.
ജര്മ്മനി ഇപിഐ 77.2
ശുചീകരണത്തിന് 100 തികഞ്ഞതും ജൈവവൈവിധ്യ റേറ്റിംഗിൽ നാലാം സ്ഥാനവുമായി പത്താം സ്ഥാനത്തു നില്ക്കുന്ന രാജ്യമാണ് ജര്മനി. പുനരുപയോഗിക്കാവുന്ന ഊർജ്ജ വിപ്ലവത്തിലേക്ക് നടന്നടുക്കുന്ന രാജ്യമാണിത്.
