»ഇതൊക്കെയാണ് ഭംഗി... ലോകത്തിലെ ഏറ്റവും മനോഹരമായ പത്ത് നഗരങ്ങൾ.. ഇത് നിങ്ങളെ അതിശയിപ്പിക്കും
ഇതൊക്കെയാണ് ഭംഗി... ലോകത്തിലെ ഏറ്റവും മനോഹരമായ പത്ത് നഗരങ്ങൾ.. ഇത് നിങ്ങളെ അതിശയിപ്പിക്കും
Travel Guide
oi-Elizabeth Joseph
മനോഹരമായ വാസ്തുവിദ്യയും കാഴ്ചകളും കലയും പ്രകൃതിയും സമ്പൂർണ്ണമായി സമന്വയിപ്പിച്ചുകൊണ്ട് സഞ്ചാരികളെ അമ്പരപ്പിക്കുന്ന ലോകത്തിലെ പത്ത് മനോഹര നഗരങ്ങൾ പരിചയപ്പെടാം,..
ഏതൊരു നഗരത്തിന്റെയും ആത്യന്തികമമായ സൗന്ദര്യം അവിടെ വസിക്കുന്ന ജനങ്ങളാണ്. അതിനൊപ്പം തന്നെ എടുത്തുപറയേണ്ടത് ആ നഗരത്തിന്റെ രീതിയാണ്. അതിന്റെ ചരിത്രം, നിർമ്മിതി, കലകൾ, സംസ്കാരം എന്നിങ്ങനെ നിരവധി ഘടകങ്ങൾ ചേരുമ്പോൾ മാത്രമേ ഏതൊരിടത്തെയും നമുക്ക് പൂർണ്ണമായി മനസ്സിലാക്കുവാൻ സാധിക്കൂ. ഓരോ സ്ഥലത്തിനും അതിന്റേതായ മനോഹാരിതയും പ്രത്യേകതയും ഉള്ളതിനാൽ എവിടമാണ് കൂടുതൽ മികച്ചത് എന്നു കണ്ടെത്തുവാൻ കുറച്ചു പാടാണ്. എങ്കിലും ബുദ്ധിമുട്ടേറിയ ഈ ചോദ്യത്തിന് ഉത്തരങ്ങളുമായി വേൾഡ് ഇൻഡക്സ് വന്നിട്ടുണ്ട്. മനോഹരമായ വാസ്തുവിദ്യയും കാഴ്ചകളും കലയും പ്രകൃതിയും സമ്പൂർണ്ണമായി സമന്വയിപ്പിച്ചുകൊണ്ട് സഞ്ചാരികളെ അമ്പരപ്പിക്കുന്ന ലോകത്തിലെ പത്ത് മനോഹര നഗരങ്ങൾ പരിചയപ്പെടാം,..
ബുഡാപെസ്റ്റ്, ഹംഗറി, ബ്യൂട്ടി സ്കോർ- 75.9%
യൂറോപ്യൻ കാഴ്ചകളിൽ ഏറെ മനോഹരമായ ഇടമാണ് ഹംഗറിയിലെ ബുഡാപെസ്റ്റ്. ഡാന്യൂബ് നദിയുടെ ഇരുകരകളിലുമായി സ്ഥിതി ചെയ്യുന്ന നഗരം യഥാർത്ഥത്തിൽ രണ്ടു നഗരങ്ങൾ ചേരുന്നതാണ്. ബുധ,പെസ്റ്റ് എന്നിവയാണവ. കുളിപ്പുരകളുടെ നഗരമെന്നും കിഴക്കിന്റെ പാരീസ് എന്നും യൂറോപ്പിന്റെ ഫോട്ടോജെനിക് നഗരമെന്നും ബുഡാപെസ്റ്റ് അറിയപ്പെടുന്നു.
വിയന്ന, ഓസ്ട്രിയ, ബ്യൂട്ടി സ്കോർ- 75.8%
ലോകത്തിലെ ഏറ്റവും മനോഹരമായ നഗരങ്ങളിലൊന്ന് എന്ന് നിസംശയം പറയുവാന് സാധിക്കുന്ന സ്ഥലമാണ് വിയന്ന. ഓസ്ട്രിയയുടെ തലസ്ഥാനവും ഏറ്റവും വലിയ നഗരവുമായ വിയന്ന അതിമനോഹരമായ നിർമ്മിതികൾക്കും പ്രകൃതി കാഴ്ചകൾക്കുമാണ് പേരുകേട്ടിരിക്കുന്നത്. കലയും സംഗീതവും ആസ്വദിക്കുവാനും പ്രകൃതിയിലലിഞ്ഞ് സമയം ചിലവഴിക്കുവാനുമാണ് സഞ്ചാരികൾ ഇവിടേക്ക് വരുന്നത്. നിങ്ങൾ ഒരു വാരാന്ത്യമോ ഒരാഴ്ചയോ താമസിച്ചാലും വിയന്നയിൽ ചെയ്യേണ്ട കാര്യങ്ങൾ തീരുന്നില്ല.
ലോകത്തിലെ മനോഹര നഗരങ്ങളുടെ പട്ടികയിൽ ഫ്രാൻസിൽ നിന്നും ഉൾപ്പെട്ടിരിക്കുന്നത് ബോർഡോ നഗരമാണ്. ഫ്രാൻസിനെ എന്നും പ്രസിദ്ധമാത്തുന്ന വീഞ്ഞും ഭക്ഷണവും തന്നെയാണ് ഇതിന്റെയും പ്രത്യേകത. എങ്കിലും ഇത് മാത്രമല്ല ഇവിടെ കാണുവാനുള്ളത്. ഗാലറികൾ, ഭക്ഷണ ശാലകൾ, ചരിത്ര നിർമ്മിതികൾ എന്നിവയും ഇവിടെ കാണാം.
ലോകത്തിലെ ഏറ്റനും മനോഹര നഗരങ്ങളിൽ പത്താം സ്ഥാനം നേടിയിരിക്കുന്നത് ഇറ്റലിയിലെ മിലാൻ ആണ്. പഴമയും പുതുമയും ഒരുപോലെ ചേർന്നു നിൽക്കുന്ന നഗരം അതിമനോഹരമായ നിർമ്മിതികൾക്ക് പ്രസിദ്ധമാണ്. ലാ സ്കാല ഓപ്പറ ഹൗസ്, ഡ്യുമോ കത്തീഡ്രൽ എന്നിവയുൾപ്പെടെ ഇറ്റലിയിലെ ഏറ്റവും പ്രശസ്തമായ ലാൻഡ്മാർക്കുകളിൽ ചിലതും ഈ നഗരത്തിലാണ്.