സൂപ്പർ പാക്കേജ്, മേഘാലയയും അസമും കാണാം.. ഭക്ഷണവും താമസവും ഉൾപ്പെടുന്ന യാത്രയുമായി ഐആർസിടിസി

Wonders Of Assam And Meghalaya

വണ്ടേഴ്സ് ഓഫ് അസാം ആൻഡ് മേഘാലയ എന്നു പേരിട്ടിരിക്കുന്ന ഈ പാക്കേജ് അസമിലെയും മേഘാലയയിലെയും ഏറ്റവും പ്രധാനപ്പെട്ട കാഴ്ചകളിലേക്കാണ് യാത്രക്കാരെ കൊണ്ടുപോകുന്നത്. വടക്കു കിഴക്കൻ ഇന്ത്യയുടെ കവാടമായ ഗുവാഹത്തിയിൽ തുടങ്ങി കാമാഖ്യ ക്ഷേത്രവും ചിറാപുഞ്ചിയും കാസിരംഗയും മോവ്ലിനോഘങ്ങും എല്ലാം സന്ദർശിക്കുന്ന യാത്ര മികച്ച ഒരനുഭവമായിരിക്കും നല്കുക എന്ന കാര്യത്തിൽ സംശയം ലവലേശം വേണ്ട.

PC:Jubin Deka/Unsplash

അഞ്ച് രാത്രിയും ആറ് പകലും

അഞ്ച് രാത്രിയും ആറ് പകലും നീണ്ടു നിൽക്കുന്ന വണ്ടേഴ്സ് ഓഫ് അസാം ആൻഡ് മേഘാലയ പാക്കേജ് ആരംഭിക്കുന്നത് ബാംഗ്ലൂരിൽ നിന്നുമാണ്. മാർച്ച് 26ന് ആരംഭിച്ച് 31ന് തിരികെ ബാംഗ്ലൂിലെത്തുന്ന വിധത്തിലാണ് യാത്ര ക്രമീകരിച്ചിരിക്കുന്നത്.

PC:Iftekhar Nibir/Unsplash

സന്ദർശിക്കുന്ന സ്ഥലങ്ങൾ

യാത്രയിലെ ഒന്നാം ദിവസം രാവിലെ 11. 20 ഓടുകൂടി ഗുവാഹത്തിയിൽ എത്തിച്ചേരും. അവിടുന്ന നേരെ ഷില്ലോങ്ങിലേക്ക് പോയി ഹോട്ടലിൽ ചെക്ക് ഇൻ ചെയ്ത് അന്ന് രാത്രി അവിടെ തന്നെ താമസിക്കും.
രണ്ടാം ദിവസം പുലർച്ചെ ഷില്ലോങ്ങിൽ നിന്നു ചിറാപുഞ്ചിയിലേക്ക് പോകും. നോഹ്കലികെ വെള്ളച്ചാട്ടം, മോവ്സ്മായ് ഗുഹകൾ എന്നിവ കണ്ട് മടങ്ങും വഴി എലിഫന്‍റാ വെള്ളച്ചാട്ടവും കാണും.
മൂന്നാമത്തെ ദിവസം ഈസ്റ്റ് ഖാസി ഹിൽസിൽ ഉള്ള ഏഷ്യയിലെ ഏറ്റവും വൃത്തിയുള്ള ഗ്രാമ ആയ മൗലിനോങ് ആണ് സന്ദര്‍ശിക്കുന്നത്. ലിവിങ് റൂട്ട് ബ്രിഡ്ജ്, ധ്വാകി ലേക്ക് എന്നിവയും കാണും. നാലാം ദിവസം കാസിരംഗയിലേക്ക് പോകും വഴി ഡോൺ ബോസ്കോ മ്യൂസിയം, ഉമിയം ലേക്ക് എന്നിവ കാണും. വൈകിട്ടോടെ കാസിരംഗയിൽ എത്തും. അഞ്ചാം ദിവസം പകൽ മുഴുവന്‍ കാസിരംഗയിൽ ചിലവഴിച്ച് വൈകിട്ടോടു കൂടി ഗുവാഹത്തിക്ക് മടങ്ങും.ആറാം ദിവസം കാമാഖ്യ ക്ഷേത്രവും ബാലാജി ക്ഷേത്രവും കൂടി സന്ദർശിച്ച് തിരികെ മടങ്ങും.

PC:Faris Ariffin/Unsplash

ടിക്കറ്റ് നിരക്കിൽ ഉൾപ്പെട്ടിരിക്കുന്നത്

ബെംഗളൂരു-ഗുവാഹത്തി-ബെംഗളൂരു എയർ ഏഷ്യ എയർലൈൻസില് എക്കണോമി ക്ലാസ് യാത്ര, 05 പ്രഭാതഭക്ഷണവും അത്താഴവും ഉൾപ്പെടുന്ന ഹോട്ടൽ താമസം, ഓരോ സ്ഥലങ്ങളിലേക്കുമുള്ള ടെമ്പോ ട്രാവലർ യാത്ര, ഐ ആർ സി ടിസി ടൂർ എസ്കോർട്ടിന്റെ സേവനങ്ങൾ, യാത്രാ ഇൻഷ്വറൻസ്
ഡ്രൈവർ അലവൻസ്, ടോൾ, പാർക്കിംഗ് എന്നിവയും ടിക്കറ്റ് നിരക്കിൽ ഉൾപ്പെടുന്നു. രാത്രി താമസത്തിൽ ഷില്ലോങ് (03 രാത്രികൾ), കാസിരംഗ (1 രാത്രി), ഗുവാഹത്തി (1 രാത്രി) എന്നിങ്ങനെയാണ് ഹോട്ടലിൽ ചിലവഴിക്കുന്നത്.

PC:Varun Nambiar/Unsplash

ടിക്കറ്റ് നിരക്ക്

യാത്രയിലെ ഒറ്റയ്ക്കുള്ള താമസം അഥവാ സിംഗിൾ ഒക്യുപൻസിക്ക്42,520 /- രൂപയും രണ്ട് പേർക്കുള്ള താമസം അഥവാ ഡബിൾ ഒക്യൂപൻസിക്ക്35,620 /- രൂപയും മൂന്ന് പേർക്കുള്ള താമസം അഥവാ ട്രിപ്പിൾ ഒക്യുപ്‍സിക്ക്33,700 /- രൂപയുമാണ് ടിക്കറ്റ് നിരക്ക്. 5-11 പ്രായത്തിൽ ബെഡ് ആവശ്യമുള്ള കുട്ടികൾക്ക് 29,990 /-രൂപയും ബെഡ് ആവശ്യമില്ലാത്ത കുട്ടികൾക്ക് 27,050 /- രൂപയും ബെഡ് ആവശ്യമില്ലാത്ത 2-4 പ്രായത്തിലുള്ള കുട്ടികൾക്ക് 21,170 /- രൂപയുമാണ് ടിക്കറ്റ് നിരക്ക്.

PC:Mrinmoy/Unsplash

യാത്രാ തിയതി

2023 മാർച്ച് 26ന് ബാംഗ്ലൂരിൽ നിന്നും രാവിലെ 8.25നാണ് ഗുവാഹത്തിയിലേക്കുള്ള വിമാനം. 11.20ന് വിമാനം ഗുവാഹത്തിയിലെത്തും. തിരികെ ബെംഗലുരുവിനുള്ള മടക്കയാത്ര മാർച്ച് 31ന് രാത്രി 9.15നണ് വിമാനം.

PC:SUKUMAR BARDOLOI/Unsplash