Click it and Unblock the Notifications
ഹിമാചല് പ്രദേശില് ഭുണ്ഡാറില് നിന്ന് മണികരനിലേക്ക് പോകുന്ന പാത ഒരു താഴ്വരയിലൂടെയാണ് കടന്നുപോകുന്നത്. പാര്വതി നദിയുടെ തീരത്ത് സ്ഥിതി ചെയ്യുന്ന ഈ താഴ്വര പാര്വതി വാലി എന്ന പേരിലാണ് സഞ്ചാരികള്ക്കിടയില് പ്രശസ്തമായത്. ഈ താഴ്വരയില് സുന്ദരമായ ഒരു ഗ്രാമമുണ്ട് കസോള് എന്നാണ് ആ ഗ്രമത്തിന്റെ പേര്.
ഹിമാചല്പ്രദേശിലെ പ്രസിദ്ധമായ ടൂറിസ്റ്റ് കേന്ദ്രമായ കുള്ളുവില് നിന്ന് 42 കിലോമീറ്റര് കിഴക്കായി സമുദ്രനിരപ്പില് നിന്ന് 1640 മീറ്റര് ഉയരത്തിലാണ് കസോള് എന്ന ഈ ഗ്രാമം സ്ഥിതി ചെയ്യുന്നത്. പാര്വതി നദിക്ക് കുറുകെയുള്ള പാലത്തിന് അപ്പുറവും ഇപ്പുറവുമായി കിടക്കുന്ന കസോള് ഓള്ഡ്കസോള്, ന്യൂ കസോള് എന്നിങ്ങനെ രണ്ടായി തിരിക്കപ്പെട്ടിട്ടുണ്ട്. മണികരനില് നിന്ന് 5 കിലോമീറ്റര് അകലെയായാണ് കസോള് സ്ഥിതി ചെയ്യുന്നത്.
ഏകാന്ത സഞ്ചാരികള് തിരയുന്ന ഇടം
ഏകാന്ത സഞ്ചാരികള് എത്തിച്ചേരാറുള്ള ഹിമാചല്പ്രദേശിലെ സുന്ദരമായ ഗ്രാമങ്ങളില് ഒന്നാണ് കസോള്. സുന്ദരമായ താഴ്വാരയും, ആകാശത്തോളം നില്ക്കുന്ന മലനിരകളും വര്ഷമുഴുവന് അനുഭവപ്പെടുന്ന സുന്ദരമായ കാലവസ്ഥയും മാത്രമല്ല സഞ്ചാരികളെ ഇവിടെ ആകര്ഷിക്കുന്നത്. അധികം ജനത്തിരക്കില്ലാത്ത ഒരു സ്ഥലമാണ് ഇത്, അതിനാല് തന്നെ ഏകാന്ത സഞ്ചാരികള്
ബേസ് ക്യാമ്പ്
ഹിമാലയന് ട്രെക്കിംഗിനുള്ള ബേസ് ക്യാമ്പ് കൂടിയാണ് കസോള്, സര്പാസ്, യാന്കെര്പാസ്, പിന്പാര്ബതി പാസ്, ഖിരിഗംഗ തുടങ്ങിയ സ്ഥലങ്ങളിലേക്ക് ട്രെക്കിംഗ് ആരംഭിക്കുന്നത് ഇവിടെ നിന്നാണ്.
ജൂതാന്മാരുടെ വരവ്
ഇസ്രായേലില് നിന്നുള്ള സഞ്ചാരികളുടെ ഇഷ്ടസ്ഥലമാണ് കസോള്. നിരവധി ഇസ്രായേലികളാണ് ഇവിടെ വിനോദ സഞ്ചാരത്തിനായി എത്തിച്ചേരുന്നത്. ഇസ്രായേലികളുടെ സൗകര്യത്തിനായി ഹീബ്രു ഭാഷയിലുള്ള ബോര്ഡുകളും ബനറുകളും ഇവിടെ സാധാരണമാണ്.
മിനി ഇസ്രായേല്
നിരവധി ഇസ്രായേലികള് ഇവിടെ എത്തിച്ചേരുന്നത് കൊണ്ട്. ഹിമാചല് പ്രദേശിലെ മിനി ഇസ്രായേല് എന്നും ഈ സ്ഥലം അറിയപ്പെടുന്നുണ്ട്. പാശ്ചാത്യ ശൈലിയിലുള്ള ഭക്ഷണവും വസ്ത്രങ്ങളുമൊക്കെ കസോള് എന്ന കൊച്ച് ഗ്രാമത്തില് ലഭ്യമാണ്. ഇസ്രായേലില് നിന്നുള്ള ടൂറിസ്റ്റുകളുടെ വന് ഒഴുക്കാണ് അടുത്തകാലത്തായി കസോളില് ഉണ്ടായിരിക്കുന്നത്. അതിനാല് തന്നെ നിരവധി റെസ്റ്റോറന്റുകളും ഹോട്ടലുകളും റിസോര്ട്ടുകളും ഇവിടെ കൂണുപോലെ മുളച്ചുപൊന്തുന്നുണ്ട്.
കസോളില് ചെയ്യാന്
പ്രകൃതിയുടെ മടിത്തട്ടില് അവധി ദിനങ്ങള് ആഘോഷിക്കാന് പറ്റിയ സ്ഥലമാണ് കസോള്. സുന്ദരമായ പാര്വതി നദിയുടെ തീരത്ത് നിങ്ങളുടെ വൈകുന്നേരങ്ങള് ചിലവിടാം. വാട്ടര് റാഫ്റ്റിംഗിന് പറ്റിയ സ്ഥലമാണ് ഇത്.
കഞ്ചാവിന്റെ ഗന്ധം
കസാളിലേക്ക് ഇസ്രായിലികളെ ആകര്ഷിക്കുന്ന പ്രധാന കാര്യം അവിടുത്തെ കഞ്ചാവാണെന്നത് പരസ്യമായ രഹസ്യമാണ്.
കസോളിനെ ചിത്രങ്ങളിലൂടെ മനസിലാക്കാം
ഇസ്രായേലികള്
ഹീബ്രു
യൂത്ത് ഹോസ്റ്റല് അസോസിയേഷന്
ബാക്ക് പാക്കേഴ്സിന്റെ ഇഷ്ട സ്ഥലം
ബേസ് ക്യാമ്പ്
സര്പാസ് ട്രെക്ക്
പാര്വതി വാലി
മണികരന്
അരുവി
Photo Courtesy: Rishbh Sharma
പാര്വതി നദി
