പട്ടേൽ പ്രതിമയെയും കടത്തിവെട്ടും സർവ്വകലാശാലയിലെ ഈ ക്ഷേത്രം

സർവ്വകലാശാലയ്ക്കുള്ളിലെ വിസ്മയം

വാരണാസിയിലെ തീർച്ചയായും കണ്ടിരിക്കേണ്ട ഇടങ്ങളിലൊന്നായി മാറിയിരിക്കുന്ന ക്ഷേത്രമാണ് ശ്രീ വിശ്വനാഥ മന്ദിർ. ബനാറസ് ഹിന്ദു സർവ്വകലാശാലയ്ക്കുള്ളിൽ സ്ഥിതി ചെയ്യുന്ന ഈ ക്ഷേത്രം ബിർളാ ക്ഷേത്രം എന്നും വിശ്വനാഥ ക്ഷേത്രം എന്നും പുതിയ വിശ്വനാഥ ക്ഷേത്രം എന്നുമൊക്കെ അറിയപ്പെടുന്നു.

ലോകത്തിലെ ഏറ്റവും ഉയരം കൂടിയ ഗോപുരം

ലോകത്തിലെ ഏറ്റവും ഉയരംകൂടിയ ഗോപുരം ഏതു ക്ഷേത്രത്തിനാണുള്ളതെന്ന് അറിയുമോ? റെക്കോർഡുകൾ മാറിമറിയുമെങ്കിലും ഇപ്പോൾ ആ ബഹുമതി കാശിയിലെ വിശ്വനാഥ ക്ഷേത്രത്തിനാണ്. ബനാറസ് ഹിന്ദു സർവ്വകലാശാലയ്ക്കുള്ളിലെ ഈ ക്ഷേത്ര ഗോപുരത്തിന്റെ ആകെ ഉയരം 250 അടിയിലും കൂടുതലാണ്. നിർമ്മാണ കലയിലെ ഒരു അത്ഭുത സ‍ൃഷ്ടിയായാണ് ഇതിനെ കണക്കാക്കുന്നത്. അതുകൊണ്ടുതന്നെ വാരണാസിയിലെത്തുന്നവർ തീർച്ചയായും കണ്ടിരിക്കേണ്ട ഇടങ്ങളിൽ ഇതുകൂടി ഉൾപ്പെടുത്തുവാൻ മറക്കരുത്.
PC-Anuragohri

വർഷം നീണ്ട നിർമ്മാണം

അറിയുന്തോറും അതിശയിപ്പിക്കുന്ന കാര്യങ്ങളാണ് ഈ ക്ഷേത്രത്തിന്റേത്. ലോകാത്ഭുതങ്ങളിലൊന്നായ താജ്മഹൽ പോലും 22 വർഷമെടുത്താണ് നിർമ്മിച്ചത്. പക്ഷെ, ഈ ക്ഷേത്രത്തിന്റെ നിർമ്മാണത്തിന് വേണ്ടി വന്നത് നീണ്ട 35 വർഷങ്ങളാണ്.
1931 ൽ ആരംഭിച്ച ഇതിന്റെ നിർമ്മാണം 35 വർഷങ്ങൾക്കിപ്പുറം 1966 ലാണ് പൂർത്തിയാകുന്നത്. ബീർള കൺസ്ട്രക്ഷൻരെ നേതൃത്വത്തിൽ നിർമ്മിച്ചതിനാൽ ബിർളാ ടെംപിൾ എന്നും ഇതറിയപ്പെടുന്നു.

PC-Fæ

കാശി വിശ്വനാഥ ക്ഷേത്രത്തിന്റെ പ്രതിരൂപം

പുതിയ വിശ്വനാഥ ക്ഷേത്രത്തെക്കുറിച്ച് പലർക്കും അറിയാത്ത കാര്യങ്ങളിലൊന്നാണ് കാശി വിശ്വനാഥ ക്ഷേത്രത്തി്‍റെ അതേ രൂപത്തിലാണ് ഇത് നിർമ്മിച്ചിരിക്കുന്നതെന്ന്. കാശി വിശ്വനാഥ ക്ഷേത്രത്തിൽ നിന്നും മാതൃകയുൾക്കൊണ്ട് നിർമ്മിച്ചിരിക്കുന്ന ഈ ക്ഷേത്രം പണ്ഡിറ്റ് മദൻ മോഹൻ മാളവ്യയുടെ ആശയമായിരുന്നു. നിർമ്മാണം പൂർത്തിയായപ്പോൾ വാരണാസിയിലെ ഏറ്റവും മനോഹര ക്ഷേത്രങ്ങളിലൊന്നായി ഇത് മാറുകയായിരുന്നു.

PC-Kuber Patel

ക്ഷേത്രങ്ങളുടെ സമുച്ചയം

വിശ്വനാഥ ക്ഷേത്രം എന്നത് 9 ക്ഷേത്രങ്ങളുടെ ഒരു സമുച്ചയമാണ്. ഇതിൽ ഏറ്റവും പ്രധാന ക്ഷേത്രം ശിവനാണ് സമർപ്പിച്ചിരിക്കുന്നത്. അതിനു ചുറ്റുമായി ക്ഷേത്രപരിസരത്ത് ബാക്കി ക്ഷേത്രങ്ങള്ഡ‍ കാണുവാൻ സാധിക്കും. ലക്ഷ്മി നാരായൺ, ദുർഗ്ഗാ ദേവി, ഗണേശൻ, ഹനുമാൻ, സരസ്വതി,നടരാജൻ തുടങ്ങിയവർക്കാണ് മറ്റു ക്ഷേത്രങ്ങള്‍ സമർപ്പിച്ചിരിക്കുന്നത്.

PC-AKS.9955

ചുവരെഴുത്ത്

പ്രത്യേകതകൾ ധാരാളമുള്ള ഒരു ക്ഷേത്രമാണല്ലോ വിശ്വനാഥ മന്ദിർ. അത് ഇവിടുത്തെ ചുവരുകളിലും കാണുവാൻ കഴിയും. ഗീതയിൽ നിന്നുള്ള ഭാഗങ്ങൾ ചിത്രങ്ങളായും വാക്കുകളായും ഇവിടുത്തെ ചുവരുകളെ അലങ്കരിക്കുന്നു.

PC-Ranveig

ഏറ്റവും കൂടുതൽ തീർഥാടകരെത്തുന്ന ക്ഷേത്രം

ഇത്രയും അത്ഭുതങ്ങളും പ്രത്യേകതകളും ഒക്കെയുള്ള ഒരു ക്ഷേത്രത്തിന് എത്രകാലമാണ് തീർഥാടകരുടെയും സഞ്ചാരികളുടെയും ഇടയിൽ നിന്നും മറഞ്ഞു നിൽക്കുവാൻ സാധിക്കുക.. ആയിരക്കണക്കിനാളുകൾ ഓരോ ദിവസവും എത്തുന്ന ഈ ക്ഷേത്രം ഉത്തർപ്രദേശിലെ ഏറ്റവും തിരക്കേറിയ ക്ഷേത്രങ്ങളിലൊന്നായി മാറിയിട്ട് വർഷങ്ങളായി.
മാത്രമല്ല, ഒരു ശിവക്ഷേത്രമായതിനാൽ ശൈവഭക്തരും ഇവിടെ എത്താറുണ്ട്.

PC-Vinayaraj