കല്ലിൽ തീർത്ത കൂറ്റൻ കാളകൾ

ലേപാക്ഷി, ആന്ധ്രാപ്രദേശ്

ലോകത്തിലെ തന്നെ ഒറ്റ ശിലയിൽ നിർമ്മിച്ച ഏറ്റവും വലിയ നന്ദി വിഗ്രഹം സ്ഥിതി ചെയ്യുന്നത് ആന്ധ്രാപ്രദേശിലെ ലേപാക്ഷിയിൽ ആണ്. 27 അടിയാണ് ഈ വിഗ്രത്തിന്റെ നീളം. 15 അടി ഉയരമുണ്ട് നന്ദിയുടെ ഈ വിഗ്രഹത്തിന്. 16 നൂറ്റാണ്ടിൽ നിർമ്മിക്കപ്പെട്ട വിജയനഗർ ക്ഷേത്ര സമുച്ഛയത്തിലാണ് ഈ വിഗ്രഹം സ്ഥിതി ചെയ്യുന്നത്.

Photo: Arian Zwegers

ബൃഹദേശ്വര ക്ഷേത്രം, തഞ്ചാവൂർ

തഞ്ചാവൂരിലെ ബൃഹദേശ്വര ക്ഷേത്രത്തിൽ നിർമ്മിച്ചിട്ടുള്ള നന്ദി വിഗ്രഹത്തിന് 16 അടി നീളവും, 13 അടി ഉയരവുമാണ് ഉള്ളത്. ചോളഭരണകാലത്ത് നിർമ്മിക്കപ്പെട്ട നന്ദി വിഗ്രഹം മാറ്റിയാണ് 18 നൂറ്റാണ്ടിൽ നായക ഭരണകാലത്ത് തഞ്ചാവൂർ ശൈലിയിലുള്ള പുതിയ വിഗ്രഹം നിർമ്മിച്ചത്.

Photo: Hari Shankar

ചാമുണ്ഡി ഹിൽസ്, മൈസൂർ

1664ൽ ദൊഡ ദേവരാജ വഡയാർ ആണ് ചാമുണ്ഡി ഹിൽസിൽ ഈ നന്ദി വിഗ്രഹം സ്ഥാപിച്ചത്. ലോകത്തിലെ ഏറ്റവും വലിയ നന്ദി വിഗ്രഹങ്ങളിൽ ഒന്നായ ഈ വിഗ്രഹത്തിന്റെ നീളം 24 അടിയും ഉയരം 15 അടിയുമാണ്.

Photo: Sanjay Acharya

ബുൾ ടെമ്പിൾ, ബാംഗ്ലൂർ

1537ൽ കേംപഗൗഡയുടെ കാലത്താണ് ബാംഗ്ലൂരിൽ ഈ ക്ഷേത്രം നിർമ്മിച്ചത്. 20 അടിയാണ് ഇവിടുത്തെ നന്ദി വിഗ്രഹത്തിന്റെ നീളം. 15 അടി ഉയരവും ഈ വിഗ്രഹത്തിനുണ്ട്.

Photo: Visdaviva

ഹാലിബിഡു, കർണാടക

കർണാടകയിലെ ഹാലിബിഡുവിൽ പതിനൊന്നാം നൂറ്റാണ്ടിൽ നിർമ്മിച്ച ഹൊയ്സലേശ്വര ക്ഷേത്രത്തിലാണ് ഈ നന്ദി വിഗ്രഹം സ്ഥിതി ചെയ്യുന്നത്.

Photo: Ramanathan.k.i

വിരുപക്ഷ ക്ഷേത്രം, ഹമ്പി

ബാംഗ്ലൂരിൽ നിന്ന് 350 കിലോമീറ്റർ അകലെയുള്ള ഹംപിയിലാന് വിരുപക്ഷ ക്ഷേത്രം സ്ഥിതി ചെയ്യുന്നത്. ഇവിടുത്തെ ന്ന്ദി വിഗ്രഹം ഏറെ പ്രശസ്തമാണ്.

Photo: Mukul Banerjee

നന്ദി ടെമ്പിൾ, ഖജുരാഹോ

ഖജുരാഹോയിലെ പശ്ചിമ ക്ഷേത്ര സമുച്ഛയത്തിലാണ് ഈ ക്ഷേത്രം സ്ഥിതി ചെയ്യുന്നത്. ഇവിടുത്തെ നന്ദി വിഗഹവും ഏറെ പ്രശസ്തമാണ്.

Photo: Rajenver