ഇന്ത്യയിലെ സഞ്ചാരികളുടെ സ്വര്ഗ്ഗമായ ലഡാക്ക് ഒരു ചെറിയ ഇടവേളയ്ക്കു ശേഷം സഞ്ചാരികളാല് വീണ്ടും നിറഞ്ഞിരിക്കുകയാണ്. ലഡാക്കിലേക്കുള്ള യാത്രാ പ്ലാനുകളും മറ്റുമായി സഞ്ചാരികളും ഒരുങ്ങിയിട്ടുണ്ട്. ലഡാക്കിലേക്ക് നിലവിലെ സാഹചര്യത്തില്ഡ യാത്ര ചെയ്യുമ്പോള് ശ്രദ്ധിച്ചിരിക്കേണ്ട കുറച്ചധികം കാര്യങ്ങളുണ്ട്. കഴിഞ്ഞ ദിവസം സഞ്ചാരികള്ക്കായി പുതിയ കൊവിഡ് യാത്രാ മാര്ഗ്ഗ നിര്ദ്ദേശങ്ങള് ലഡാക്ക് കേന്ദ്രഭരണ പ്രദേശം പുറത്തിറക്കിയിരുന്നു. ലഡാക്ക് ടൂറിസത്തിന്റെ ഔദ്യോഗിക ഇന്സ്റ്റഗ്രാം പേജിലാണ് ഇതുസംബന്ധിച്ച വാര്ത്ത വന്നിരിക്കുന്നത്. പുതിയ നിര്ദ്ദേശങ്ങള് മാര്ച്ച് ഒന്നു മുതല് നിലവില് വന്നു.
കൊവിഡ് ലക്ഷണങ്ങളുള്ള ഏതൊരു വ്യക്തിയെയും അവരുടെ കോൺടാക്റ്റുകൾക്കൊപ്പം ജില്ലാ ഭരണകൂടം ഐസൊലേറ്റ് ചെയ്യപമെന്നും ലഡാക്കിലെ യുടി ഭരണകൂടം സൂചിപ്പിച്ചു. ഈ നിയമം എല്ലാവർക്കും അവരുടെ ഗതാഗത രീതി പരിഗണിക്കാതെ തന്നെ നിലനിൽക്കുന്നതായിരിക്കും.
ഹോട്ടലുകള്ക്കുള്ള നിര്ദ്ദേശങ്ങള്
ആരോഗ്യ കുടുംബക്ഷേമ മന്ത്രാലയം പുറപ്പെടുവിച്ച എസ്ഒപി ഹോട്ടലുകള് നിര്ബന്ധമായും പാലിക്കേണ്ടതാണ്. ഹോട്ടലുകളും ഗസ്റ്റ് ഹൗസുകളും അവരുടെ അതിഥികളുടെ മുഴുവൻ യാത്രാ ചരിത്രവും സൂക്ഷിക്കേണ്ടതുണ്ട്, കൂടാതെ പ്രതിദിന സ്ക്രീനിംഗ് ഉറപ്പാക്കുകയും വേണം. എല്ലായ്പ്പോഴും സാമൂഹിക അകലം പാലിക്കണം, ഹാൻഡ് സാനിറ്റൈസറുകളുടെ ലഭ്യത സാധാരണമായിരിക്കണം.