തെലുങ്ക് ടെക്കികളെ യു എസിൽ എത്തിക്കുന്ന ദൈവം

01. വിസ ഗോഡ്

തെലങ്കാന സംസ്ഥാനത്ത് ഹൈദരബാദിന് അടു‌ത്തുള്ള ചിൽക്കൂർ ബാലാജി ക്ഷേ‌ത്രത്തിലെ ദൈവമാണ് വിസ ശരിയാക്കി നൽകുന്ന ദൈവം. വിശ്വാസികൾ വിസ ഗോഡ് എന്നാണ് ഈ ദൈവത്തെ വിളിക്കുന്നത്. ആയിരക്കണക്കിന് ആളുകളാണ് തങ്ങളുടെ വിദേശ സഞ്ചാരം സഫലമാകാൻ ഈ ക്ഷേത്രത്തിൽ എത്തിച്ചേരുന്നത്.

02. പഴയ ക്ഷേത്രം

ഹൈദരബാദ് നഗരത്തിന് സമീ‌പത്തെ ഒരു പ്രാചീ‌ന ക്ഷേത്രമാണ് ഈ ക്ഷേ‌ത്രം. ആന്ധ്രപ്രദേശിലേയും തെലങ്കാനയിലേയും കംപ്യൂട്ടർ ‌പ്രഫഷണലുകളുടെ ‌പ്രിയപ്പെട്ട ക്ഷേത്രമാണ് ഈ ക്ഷേത്രം.

03. വിസ ശരിയായ കഥ

കംപ്യൂട്ടർ പ്രഫഷണലുകളിൽ ചിലർ തങ്ങളുടെ വിദേശ യാത്രയ്ക്കുള്ള തടസ്സം മാറാൻ ഇവിടെ വന്ന് പ്രാർത്ഥിക്കാറുണ്ടായിരുന്നു. അവരുടെ വിസ തടസ്സങ്ങൾ മാറി വിദേശത്ത് പോകാൻ തുടങ്ങിയതോടെയാണ് ഈ ക്ഷേത്രം പ്രശസ്തമാകാൻ തുട‌ങ്ങിയത്.

04. ‌പ്രശസ്തിയുടെ 20 വർഷം

ഈ ക്ഷേത്ര‌ത്തിന് ഇത്രയ്ക്ക് പ്രശസ്തി വന്നിട്ട് 20 വർഷമേ ആയിട്ടുള്ളു. വെള്ളി, ശനി, ഞായർ ദിവസങ്ങളിലാണ് ഈ ക്ഷേത്രം ‌തുറക്കുന്നത് ഈ ‌ദിവസങ്ങളിൽ ലക്ഷക്കണക്കിന് വിശ്വാസികൾ എത്താറുണ്ടെന്നാണ് കണക്ക്.

05. പ്രതിഷ്ഠ

മഹാവിഷ്ണുവിന്റെ രൂപങ്ങളിലൊന്നായ ബാലാജിയാണ് ഇവിടത്തെ മുഖ്യപ്രതിഷ്ഠ. ശ്രീദേവി,ഭൂദേവി എന്നിവര്‍ ഉപദേവതകളാണ്. വിസാ ബാലാജി എന്നും ഈ പ്രതിഷ്ഠ ഇപ്പോൾ അറിയപ്പെടുന്നുണ്ട്.

06. ഭണ്ഡാരം ഇല്ലാത്ത ക്ഷേത്രം

ഈ ക്ഷേത്രത്തിന്റെ ഏറ്റവും വലിയ പ്രത്യേകത ഇവിടെ യാതൊരു സംഭാവനകളും സ്വീകരിക്കാറില്ല എന്നതാണ്. സംഭാവനപെട്ടികളും മറ്റും ക്ഷേത്രത്തില്‍ കാണാന്‍ കഴിയില്ല.

07. എത്തിച്ചേരാൻ

ഹൈദരബാദിലെ ഉസ്മാന്‍ സാഗര്‍ തടാക കരയില്‍ മെഹ്ദിപട്ടണത്ത് നിന്ന് ഏകദേശം 33 കിലോമീറ്റര്‍ അകലെയാണ് അഞ്ഞൂറുവര്‍ഷത്തോളം പഴക്കമുള്ള ഈ ക്ഷേത്രം സ്ഥിതി ചെയ്യുന്നത്.

08. എല്ലാവരും ഒരു പോലെ

ദൈവത്തിന് മുന്നില്‍ എല്ലാവരും സമന്‍മാരാണെന്ന സന്ദേശമാണ് ഈ ക്ഷേത്രം നല്‍കുന്നത്. അതുകൊണ്ടുതന്നെ ഇവിടെ വി.വി.ഐ.പികള്‍ക്കും മറ്റും പ്രത്യേക പരിഗണനയൊന്നും നല്‍കാറില്ല.