ഏപ്രിൽ 18 ലെ യാത്രകളൊക്കെ മാറ്റി വയ്ക്കാം...കാരണം ഇതാണ്!!

ലോക്സഭാ തിരഞ്ഞെടുപ്പിന്റെ തിയ്യതി പ്രഖ്യാപിച്ചതോടെ മിക്കവരും അന്നത്തെ അവധിയ്ക്കുവേണ്ടിയുള്ള കാത്തിരിപ്പിലാണ്. ഒരു ഭാഗത്ത് തിരഞ്ഞെടുപ്പ് പ്രചരണങ്ങളും മറ്റും പൊടിപൊടിയ്ക്കുമ്പോൾ കുറച്ചു പേർ അന്നത്തെ യാത്രയെക്കുറിച്ചുള്ള പ്ലാനിങ്ങിലായിരിക്കും. കർണ്ണാടകയിലെ തിരഞ്ഞെടുപ്പ് രണ്ട് ഘട്ടങ്ങളിലായാണല്ലോ നടക്കുന്നത്. ഏപ്രിൽ 18നും 23 നും. 18-ാം തിയ്യതി വ്യാഴാഴ്ച വരുന്നതിനാൽ അന്നും വരുന്ന വെള്ളിയും കൂടി അവധിയെടുത്താൽ ബോണസായി കിട്ടുന്നത് ശനിയും ഞായറുമാണ്. അങ്ങനെ ആകെ നാലു ദിവസങ്ങള് zwj;. അതുകൊണ്ടുതന്നെ ആളുകളൊക്കെ ഒരു അവധി മൂഡിൽ തന്നെയാണ്. എന്നാൽ അന്ന് യാത്രകളും മറ്റുമായി അടിച്ച് പൊളിക്കാമെന്ന് കരുതേണ്ട...കാരണം എന്താണന്നല്ലേ തിരഞ്ഞെടുപ്പിൽ വോട്ടവകാശം വിനിയോഗിക്കുന്നതിനായി പരമാവധി പേരെ പോളിങ്ങ് ബൂത്തിലെത്തിക്കുക എന്ന ലക്ഷ്യത്തിലാണ് ഇങ്ങനെയൊരു തീരുമാനം വന്നിരിക്കുന്നത്. പ്രത്യേകിച്ചും ബാംഗ്ലൂർ പോലെ വോട്ടിങ്ങ് നിരക്ക് വളരെ കുറവായ ഒരു സ്ഥലത്ത്. കർണ്ണാടകയിലെ ഏറ്റവും തിരക്കേറിയ ടൂറിസം ജില്ലകളിലൊന്നായ ശിവമോഗ്ഗയിലാണ് ഇങ്ങനെയൊരു തീരുമാനം വന്നിരിക്കുന്നത്. അതായത് അന്നേ ദിവസം ഇവിടെ ഹോട്ടലുകളിലും റിസോർട്ടുകളിലും ഹോം സ്റ്റേകളിലുമൊന്നും ബുക്കിങ്ങ് അധികം പ്രോത്സാഹിപ്പിക്കേണ്ടതില്ല എന്നാണ് ഇവിടെ ഉത്തരവ് വന്നിരിക്കുന്നത്. ഹോട്ടലുകളിലും മറ്റും പൂർണ്ണമായും അന്നേ ദിവസം പ്രവേശനം അനുവദിക്കില്ല എന്നല്ല. രേഖകളും ഐഡി കാർഡുകളും ഒക്കെ പരിശോധിച്ച് മാത്രമേ അന്നേ ദിവസം ഇവിടെ ബുക്ക് ചെയ്യാൻ സാധിക്കൂ.മാത്രമല്ല, ചിലയിടങ്ങളിൽ അന്ന േദിവസം ബുക്ക് ചെയ്തവർക്ക് മറ്റൊരു ദിവസത്തേയ്ക്ക് ബുക്കിങ്ങ് മാറ്റി നല്കുകയോ റീഫണ്ട് ചെയ്യുകയോ ചെയ്യുന്നുമുണ്ട്. ഷിമോഗയിൽ ജില്ലാ ഭരണകൂടത്തിന്റെ നേതൃത്വത്തിലാണ് ഇങ്ങനെയൊരു തീരുമാനമെടുത്തിരിക്കുന്നത്. ഹാസനിലും കുടകിലും ഈ തീരുമാനത്തിന് പിന്നിൽ ഇവിടുത്തെ ഹോട്ടൽ വ്യവസായികൾ തന്നെയാണ്. സക്ലേശ്പൂരിലും അന്നത്തെ ദിവസം അയാതയ് ഏപ്രിൽ 18ന് ഹോട്ടൽ ബുക്കിങ്ങുകളും മറ്റും നടത്തുവാൻ അനുവദിക്കുന്നില്ലത്രെ. ആളുകൾ അവരുടെ വോട്ട് അവകാശം വിനിയോഗിക്കുവാനും പരമാവധി ആളുകളെ ഈ ജനാധിപത്യ പ്രക്രിയയിൽ പങ്കെടുപ്പിക്കുവാനും ഉള്ള തീരുമാനത്തിന്റെ ഭാഗമായാണ് ഇങ്ങനെയൊരു കാര്യവുമായി മുന്നോട്ട് വരാൻ ഇവരെ പ്രേരിപ്പിച്ചത്.